Levetekɔ 13:45 - Yálá laawoo hɛɓɛ (dc)

⁴⁵ «Nui hvólóɲɔ̨n gaa mą, mąąnɛ̨ɛ̨ ə həɠə haɠa too gwąną, hva nwun ɉu pili, ə naa ɓa ləɠa mɛ̨i kpulu, mąąnɛ̨ɛ̨ a kɛi hiɛ, yɛ tómą yɛ kɛ mą: ‹Nu ɲɔ̨n gaa pai! Nu ɲɔ̨n gaa pai!›

Yálá laawoo hɛɓɛ

⁴⁵ «Nui hvólóɲɔ̨n gaa mą, mąąnɛ̨ɛ̨ ə həɠə haɠa too gwąną, hva nwun ɉu pili, ə naa ɓa ləɠa mɛ̨i kpulu, mąąnɛ̨ɛ̨ a kɛi hiɛ, yɛ tómą yɛ kɛ mą: ‹Nu ɲɔ̨n gaa pai! Nu ɲɔ̨n gaa pai!›

Bible

⁴⁵ Fɛ̂ɛ gbôdo kɔlɔ-fela nuui é seɣe sâa too ma, vé ŋ̀uŋ su kula, é ǹyée pɛ́lɛ ǹá, é m̀ó ɣelêi pere ǹyɛɛi, “Ḿaa fé waa ní. Ḿaa fé waa ní.”

Levetekɔ 13:45 ပူးပေါင်းရင်းမြစ်များ

Zɛnɛse 37:29

Ɓɛlɔwai Rubɛn ə li la nɔwa hu kaai, hvo Ɉosɛfə kaa laa, nii ə ɓɛla kpɔ mą kɛnɛ̨, ə mąą həɠə hu ɓɛla.

Samia Veerɛi 13:19

Nąąlɔwai, ɉəɠə yee kwɛai ŋɛ̨i kɛ Tamarə ɓa ə ɉu ɓɛla, ə luwu pu nwuɔ̨, ə ɲee laa nwuɔ̨ yɛ wɔlɔ.

Tɔɔɓɛlaa veelɛ 7:3

Hvólóɲɔ̨n gɛ nuą nąąn di kɛ heeni bələ nwun na, diɛ di kee ɓa: «Lə mɛ̨nį ɓa, gu kaa ɓɛ heeni guɔ haa mąąkpɔn?

Zôo 1:20

Nąąlɔwai, Ɉobə ə nɛɛmą ə muhəɠə ə tɔɔ, ə nwɔ biliɉui huɓɛla, di nwun gbəlaan mo, ə too nɔi ɓa, ə kwɛli hvilɛn Yálá ɓa.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Mąątɛ̨nɛ̨ 51:3

'Mą́ą́wɛli kaa, nwɔ́ Yálá, yɛ bələ yá ɲɛ̨imąąwɛli kaai kaa la; nwɔ́ nɛ̨ŋɛ̨n nwaa, yɛ bələi yɛ́ wɛlikɛmąąlaa kaa lai.

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Azaya 52:11

'Ka li, 'ka li, 'ka kulɔ laa, 'ka hvo tunwɔ̨ hɛn gɔhɔɓoɔ ta ɓa. 'Ka kulɔ di lɔwai, 'ka ka mąąhəɠə, kaai Yai-Laa mąąwiɛ hɛn ɲąŋąɠaa kaa ka yəi.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Ɉeremi 3:25

Ka gu pɛlɛ, mąąhɔlɔɓo, gwaa nwumɛ̨! Ka guɔ ɓɛlɛkpɛɛmąą túwɔ́ aa gu ɲɛ̨i paa! Hvo gaai, kwaa nɛ̨ŋɛ̨n ɉəɠə Yai-Laa kuɔ Yálái ɓa; kuɔ mąn, ku nąnni mąn, ə həɠə ku muhəɠə yələ ɓa, ə həli la háákələi ɓa. Ku hvo ku wəli tɔɔ li Yai-Laa kuɔ Yálái woo ɓa.

Ɉeremi 36:24

Di ta lɔpee hvo ɲɔw, di hvo di mąą həɠəɠaa huɓɛla, yɛi kɛ a dɔɔmun, yɛ ə kɛ a nwɔ tínuąi nwooɠaai tii mɛ̨n.

Woolaa 4:15

Daa kɛi di mąą lɛɠɛ nuą diɛ, nuą diɛ kɛ diɛ: «'Ká tɛ ka pulu! Nuą tii kɔ́hɔɓoɔi, 'ká hvo tunwɔ̨n diɛ.» Di mą kɛ pu, diɛ li ɓɛi di hvo nąą kɔ́lɔn, nąą nuą da kɛ diɛ: «Di hvo kɛ di kaa heei ɓɛ, ku wɔ nwɛ̨ąą hvaa diɛ.»

Izikiɛ 24:17

Ya kɛ lɔ ɲiŋɛi ə́ hu pələ, mɛ̨nįɠaai da gɛ haa mɛ̨nį hu, hvo pai da kɛi. Ə́ wɔ ɓɔlɔi lɔ ə́ nwuɔ̨, ə́ wɔ kɔ́lɔɠaai lɔ, hvó həɠə pɛlɛ ə́ laaləi, ɛlɛɛ, hvó kɔ̨nɔ̨n ɉon gwəlii mun da yəi.»

Izikiɛ 24:22

Nąąlɔwai, ka káá pai gɛi yɛ bələi ŋą́ gɛ la. Ka hvo pai həɠə pɛlɛi ka laaləi, ka hvo pai kɔ̨nɔ̨n ɉon ɉii gwəlii mun da yəi.

Zooɛ 2:13

Ka lii ɓə mąąnɛ̨ɛ̨ ka ɉu ɓɛla ka mąą həɠə hvəi. 'Ka pənə ka pa Yai-Laa ka wɔ Yálái pɔ. Gbalai tɔɔ, nwɔ mɛ̨nį lɛlɛɛi, yɛ nu mąąwɛli kaa; Nii holi laa walaa, ɛlɛɛ, nwɔ ɲɛ̨imąąwɛli kaa hu kɛnɛ̨i, a mɛ̨nį nwąnąą laa nuą diɛ, yili hva gwəinɛ̨ɛ̨. Nwɔ lii nɛ̨ɛ̨ gwəi kɛnɛ̨. Niiɓa hvaa ə mɛ̨nį nwąnąą laa nu ɓa.

Levetekɔ 10:6

Moisə yɛ Aarɔn da nonnii hinąą hveelɛi, Eleazarə da Itamarə diɛ: «Ka hvə ka nwuɔ̨ kɛ yɔhɔ-yɔhɔ, ka hvo ka mąąhəɠə huɓɛla; ə gɛ ka hvo pa haa, Yai-Laa hvo pa niiɲąnwąną nɔi nuą kəlee diɛ. Ka nɛ̨ɛ̨ laa ka kaayɔwɔɠaa Israɛlə nuą kəlee di nuąi Yai-Laa ə di paa a nwɔ̨n, di haa wɔlɔ ɓo.

Levetekɔ 13:44

a kɛ tii hvólóɲɔ̨n nąmu li, tɔ́n gaa mą. Ɉaláá laa həli mun a mo yɛ tɔ́n gaa mąą nu ɓa. Ɲɔ̨n aa ɉon nwun ma pələ.

Levetekɔ 21:10

«Ɉaláá laa həli mun gɛnɛ̨mun nąn nonnii ɲɛ̨i tɔwɔi, yai tii di nwulɔ mąąhəɠɛɛ pu nwuɔ̨, diɛ ɉee, yɛ ɉəɠəɠaa too gwąną, mąą hvo nɛ̨ɛ̨li hvo nwuɔ̨ kɛ yai-yai, hvo mąąhəɠəɠaa huɓɛla,

Mise 3:7

Nwumɛ̨ aa tɛ a gwɛlɛɛn gɛɛ kaa nuą, dɔlukpɛ nuą hu aa pu diɛ, di kəlee di kaa pai di yee pɛlɛi di ɲɛ̨i, mąąhɔlɔɓo, Yálá hvo di woo mu hon ni.

Lonon mo 5:2

«'Mo Israɛlə nuą diɛ, yɛ́ diɛ: «Hvoló ɲɔ̨n gɛ nuą, nuąi nu mąą kala yá ɲɔ̨n gaa diɛ, nuąi daa di mąąliɓi a di yee pɛlɛɛ powa ɓa; ka nuą tii kəlee kulɔ daa pulu pələ.

Lukə 17:12

Hvólóɲɔ̨n gɛ nuą pow di pa naa kwiɛn ɉii, ɓɛlɔwai ə tɛ la taa lon da hu. Di tɔɔ kwɛa la,

Lukə 5:8

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»