Levetekɔ 11:40 - Yálá laawoo hɛɓɛ (dc)

⁴⁰ Nui a ɉuwɔ powai tii ta mįi, mąąnɛ̨ɛ̨ ə mąąhəɠəɠaa waa, tɔ́n a kɛ mą ə lɛɛ ɉu yələ ə wulu.

Yálá laawoo hɛɓɛ

⁴⁰ Nui a ɉuwɔ powai tii ta mįi, mąąnɛ̨ɛ̨ ə mąąhəɠəɠaa waa, tɔ́n a kɛ mą ə lɛɛ ɉu yələ ə wulu.

Bible

⁴⁰ À kɛ̀ núu da a vɛnɛ-sɛŋ ŋí zua da mii, fɛ̂ɛ maa nuui é ŋɔseɣei wáa ǹyaŋ maa nuui maa fé pâi kɛ̂i a ŋ̀wáa é lɛ́ɛ la zu ɣele wúlii é kɛ́. Núu da a tela da poma siɣe fɛ̂ɛ maa nuui é ŋɔseɣei waa, kɛ́lɛ maa fé pâi kɛ̂i a waa é lɛ́ɛ la zu ɣele wulii é kɛ́.

Levetekɔ 11:40 ပူးပေါင်းရင်းမြစ်များ

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Izikiɛ 44:31

Huwɔi aa haa gbɔwɔ ɓa, a wala kɛ tii daa ɉu ɓɛla, ə kɛ a nwɛ̨nį, ə kɛ a huwɔ takpɛli, ɉaláá kulɔ nuą di hvo da mįi.»

Levetekɔ 11:25

Nui lɔpee a di ta powa kpəŋə, mąąnɛ̨ɛ̨ ə mąą həɠə waa, mąą nu mąą liɓiɛ ə lɛɛ ɉu yələ ə wulu.

Levetekɔ 11:28

Ɛlɛɛ nui lɔpee a da powa həɠə, mąąnɛ̨ɛ̨ ə mąąhəɠə waa. Mąą nu aa gbɔwɔ mąąliɓi a volói tii ə lɛɛ la ɉu yələ ə wulu. Ɉuwɔɠaai tɔ́n gaa mą ka mąą mɛ̨nį ɓa, diɛ ka tii.

Levetekɔ 11:39

«Ɉuwɔɠaai di kaa a ka kɔ̨nɔ̨n, da a haa gbɔwɔ ɓa, nui a ɲee pɛlɛ ɓɔwa ɓa, a tɔ́n ɉəɠə ə lɛɛ ɉu yələ ə wulu.

Levetekɔ 14:46

«Nu a lɔ bɛlɛ́n, ɓɛlɔwai tɔ́n gaa la bɛlɛ́ ɓa, akɛ tii mąą nu aa tɔ́n ɉee gbɔwɔ ɓa ə lɛɛ ɉu yələ ə́ wulu.

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Levetekɔ 15:27

Nui lɔpee a tunwɔ̨n ɉɛnŋąąi tii ta ɓa, tɔ́n a kɛ mąą nu ɓa, hvo kɛ li ə mąą həɠəɠaa waa; tɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 16:26

«Nui di dɔɔ yɛ li a Azazɛlə nwɔ ɓolu hilɛi, a gbɛa mąą hɛnŋąą waa, ə gbinį waa gɛɛ hvo kɛ tɛi taai.

Levetekɔ 16:28

Nui a li ɉɛnŋąąi tii kələn ɉii, a lɛɛ daa pulu ə mąą hɛnŋąą waa, ə gbinį waa, hvo tɛɠa kɛ tɛi taai.

Levetekɔ 22:6

Nui a tunwɔ̨n ɉɛnŋąąi tii ta ɓa, mąą a liɓi, ə lɛɛ ɉu yələ ə wulu; hva pɛli ɉaláá kɔ̨nɔ̨n mąą həɠɛɛ ta mįi, hvo kɛ li a gbɛa nwaa.

Levetekɔ 22:8

Mąą hvo nɛ̨ɛ̨li Aarɔn huwuhu mun da lɔpee hvo huwɔi aa haa gbɔwɔ ɓa da mįi, a wala kɛ tii, yii kɛ mɛlan ɉuwɔ ta aa wolo mą; a yili kɛ tii, a tɔ́n bɛlɛ gbɔwɔ ɓa. Ɲą́ą́ ɓə gáá a Yai-Laa.

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Lonon mo 19:19

Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Korɛntə dɔlɔɔ 10:21

Ka hva pɛli mą ka hvo ka kpələ a gu Ną́mu nwɔ kpələ kɔwɔi, káá nwɔ̨nɔ̨ ká kpələ a ɲinɛ̨nŋaa di wɔ kpələ kɔwɔ. Ká hva pɛli kɔ̨nɔ̨n mįi gu Ną́mu nwɔ kɔ́wɔi hu, káá nwɔ̨nɔ̨ ká yee lɔ ɲinɛ̨nŋaa di wɔ kɔ́wɔi hu.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Dutɛrɔnome 14:21

Huwɔi lɔpee a haa gbɔwɔ ɓa, ka hvo mįi. Nwɛ̨ą a kɛ ka kɔ́wɔ mɛ̨i, ka dɛɛ bɔ, nwɛi a pɛli mįi; a wala kɛ tii nɔwɔtɔɔ tɛɛ nwɛ̨ą ɓa, mąąhɔlɔɓo, ka káá a nu huwui gaa a Yai-Laa ka wɔ Yálái nwɔ hɛn. Ka hvə ɓolu yili nee ɲįnįya hu.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.