Levetekɔ 11:39 - Yálá laawoo hɛɓɛ (dc)

³⁹ «Ɉuwɔɠaai di kaa a ka kɔ̨nɔ̨n, da a haa gbɔwɔ ɓa, nui a ɲee pɛlɛ ɓɔwa ɓa, a tɔ́n ɉəɠə ə lɛɛ ɉu yələ ə wulu.

Yálá laawoo hɛɓɛ

³⁹ «Ɉuwɔɠaai di kaa a ka kɔ̨nɔ̨n, da a haa gbɔwɔ ɓa, nui a ɲee pɛlɛ ɓɔwa ɓa, a tɔ́n ɉəɠə ə lɛɛ ɉu yələ ə wulu.

Bible

³⁹ “Ǹyaŋ vɛnɛ-sɛŋ nyii kélee m̀aa waai m̀ii mɛ̂ni mai da à saa, ǹúui a lɛ̀ɣɛ buma mai, maa nuui maa fé pâi kɛ̂i a ŋ̀waa é lɛ́ɛ la zu ɣele wulii é kɛ́.

Levetekɔ 11:39 ပူးပေါင်းရင်းမြစ်များ

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Levetekɔ 11:24

«Ɉuwɔɠaai tɔ́n gaa mą, nui lɔpee a tunwɔ̨n da powa ɓa, a kɛ tii, mąą nu aa gbɔwɔ mąąliɓi a volói tii, ə lɛɛ la ɉu yələ ə wulu.

Levetekɔ 11:28

Ɛlɛɛ nui lɔpee a da powa həɠə, mąąnɛ̨ɛ̨ ə mąąhəɠə waa. Mąą nu aa gbɔwɔ mąąliɓi a volói tii ə lɛɛ la ɉu yələ ə wulu. Ɉuwɔɠaai tɔ́n gaa mą ka mąą mɛ̨nį ɓa, diɛ ka tii.

Levetekɔ 11:31

Huwɔ yiiɠaai da tala, yiiɠaai tɔ́n gaa diɛ, diɛ ka tii, nui a tunwɔ̨n da powa ɓa, aa gbɔwɔ mąąliɓi a volói tii, ə lɛɛ ɉu yələ ə wulu.

Levetekɔ 11:38

Kɛlaa a kɛ daa gbɛa yá pu mɔ̨nun gɔw ɓa, ɉuwɔɠaai tii ta powa ə too ɉu, a kɛ tii tɔ́n gaa mɔ̨nun gɔwi tii ɓa.

Levetekɔ 11:40

Nui a ɉuwɔ powai tii ta mįi, mąąnɛ̨ɛ̨ ə mąąhəɠəɠaa waa, tɔ́n a kɛ mą ə lɛɛ ɉu yələ ə wulu.

Levetekɔ 14:46

«Nu a lɔ bɛlɛ́n, ɓɛlɔwai tɔ́n gaa la bɛlɛ́ ɓa, akɛ tii mąą nu aa tɔ́n ɉee gbɔwɔ ɓa ə lɛɛ ɉu yələ ə́ wulu.

Levetekɔ 15:15

Ɉaláá laa həli mun a donwələn tii tɔ̨nɔ̨ kɛ a nɛ̨ŋɛ̨n mąąhvaalɛɛ haláá hɛn, ə dɔ̨nɔ̨ kɛ a haláái da gəlee kələn. Ɉaláá laa həli mun a nɛ̨ŋɛ̨n mąąhvaalɛɛ woo ɓo mɛ̨i Yai-Laa lííla Dɔ́n ti kulɔ mɛ̨nį ɓa mą.

Levetekɔ 15:5

Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 15:7

Nui a tunwɔ̨n ɲɔ̨n gɛmun ti ɓa; mąąnɛ̨ɛ̨ ə mąą həɠə waa ə gbinį lee waa a yá, tɔ́n a lɛɛ mą, ə lɛɛ ɉu yələ ə wulu.

Levetekɔ 16:26

«Nui di dɔɔ yɛ li a Azazɛlə nwɔ ɓolu hilɛi, a gbɛa mąą hɛnŋąą waa, ə gbinį waa gɛɛ hvo kɛ tɛi taai.

Levetekɔ 17:15

«Nui lɔpee! Ə kɛ a nɔi lon, ə kɛ a nwɛ̨ą, a huwɔ haa gbɔwɔ ɓa mįi, awala kɛ tii, lɔwɔ huwɔ ta ə wolo mą, ə baa, nui a mįi, mąąnɛ̨ɛ̨ mąą nu ə mąą həɠə waa, ə gbinį waa a yá, tɔ́n a kɛ mąą nu ɓa a mąą yələ, ə lɛɛ ɉu yələ ə wulu, nąąlɔwai ɓə mąą a həɠə la.

Levetekɔ 22:4

Aarɔn kwəilon lɔpee hvólóɲɔ̨n a kɛ mą, a wala kɛ tii lə́ŋąn, hva pɛli ɉaláá hɛn mąąhəɠɛɛ ta mįi, hvo kɛli a gbɛa dɔ́n tii kulɔ gbɔwɔ ɓa, ə mąąhəɠə. Bələ lɔ ɓə gaa la, nui a tunwɔ̨n hɛn mąąliɓiɛ ta ɓa, ə kɛ a powa, ə kɛ a nui mąąkalayá kaa pui;

Levetekɔ 22:6

Nui a tunwɔ̨n ɉɛnŋąąi tii ta ɓa, mąą a liɓi, ə lɛɛ ɉu yələ ə wulu; hva pɛli ɉaláá kɔ̨nɔ̨n mąą həɠɛɛ ta mįi, hvo kɛ li a gbɛa nwaa.

Levetekɔ 22:8

Mąą hvo nɛ̨ɛ̨li Aarɔn huwuhu mun da lɔpee hvo huwɔi aa haa gbɔwɔ ɓa da mįi, a wala kɛ tii, yii kɛ mɛlan ɉuwɔ ta aa wolo mą; a yili kɛ tii, a tɔ́n bɛlɛ gbɔwɔ ɓa. Ɲą́ą́ ɓə gáá a Yai-Laa.

Lonon mo 19:11

«Nui a tunwɔ̨n powa ɓa, ə kɛ a powa huwui lɔpee, tɔ́n gaa mą hvóló mɛ̨ihveelɛ yee mu.

Lonon mo 19:16

Nui lɔpee a kalin a nui daa baa a ɓɔwa kwɛa kpomói, a wala kɛ tii nui aa haa gbɔwɔ ɓa, a wala kɛ tii nu kɔ́wɠaa, a wala kɛ tii kámą, tɔ́n gaa mąą nu ɓa hvóló mɛ̨ihveelɛ yee mu.

Lonon mo 19:7

Yili pulu, ɉaláá laa həli mun ə mąąhəɠəɠaa waa, ə gbinį waa a yá; yili pulu, ə tɛ taai. Kɛlaa, tɔ́n a lɛɛ mą ə lɛɛ ɉu yələ ə wulu.