Levetekɔ 10:19 - Yálá laawoo hɛɓɛ (dc)

¹⁹ Aarɔn ə Moisə woo ɲąąpənə, yɛ mą: «Ə́ wəli tɔɔ: Ɲələi nuą di di wɔ nɛ̨ŋɛ̨n mąąhvaalɛɛ haláái kulɔ la Yai-Laa ɓa, da ɉaláá yii da gələn, mɛ̨nįi həli mą́ą́, ə́ gɔlɔn; volói tii, molu hilɛi tii di gulɔ a nɛ̨ŋɛ̨n mąąhvaalɛɛ haláá, ŋą́ mɔ̨ɔ̨ pɛli kɛ ɉuwɔ ta mįi? Ə kɛ a pələi lɔpee, yili hvəli nɛ̨ɛ̨ Yai-Laa ɓa.»

Yálá laawoo hɛɓɛ

¹⁹ Aarɔn ə Moisə woo ɲąąpənə, yɛ mą: «Ə́ wəli tɔɔ: Ɲələi nuą di di wɔ nɛ̨ŋɛ̨n mąąhvaalɛɛ haláái kulɔ la Yai-Laa ɓa, da ɉaláá yii da gələn, mɛ̨nįi həli mą́ą́, ə́ gɔlɔn; volói tii, molu hilɛi tii di gulɔ a nɛ̨ŋɛ̨n mąąhvaalɛɛ haláá, ŋą́ mɔ̨ɔ̨ pɛli kɛ ɉuwɔ ta mįi? Ə kɛ a pələi lɔpee, yili hvəli nɛ̨ɛ̨ Yai-Laa ɓa.»

Bible

¹⁹ Eelɔŋ è zu tòo ǹyɛɛ Mose mai, “Eêi kɛ̀ ŋái zɔnyɔ̂ŋ sala-sɛŋ miî sâa Yâwɛɛ eêi pâi ǹyée seêi mu. Ǹûai dí pà a dísɔnyɔ̂ŋ sala-sɛŋ da díkereŋ sala-sâa Yâwɛɛ ǹyaŋ mɛni kpɔlu-ŋai ŋí da láa mâ.”

Levetekɔ 10:19 ပူးပေါင်းရင်းမြစ်များ

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Osia 9:4

Di hvo pai Yai-Laa kɔ́i a lɔɔ, di wɔ halááɠaa di hvo pai nii hon ɉi: gaa kpɔlɔ pai kɛi di yəi yɛ haa mɛ̨i kɔ̨nɔ̨n, nui lɔpee a da mį́i, mąą a luwu. Gɔ̨nɔ̨n tii a di laa hɔnmo yɛnɛ̨ɛ̨, Kɛlaa hva lɔ Yai-Laa yəi bɛlɛ́n.

Levetekɔ 10:20

Mɛ̨nį hutoo pələi tii, ə Moisə lii hon.

Levetekɔ 9:12

Aarɔn ə ɉaláá taatɛlɛɛ yii da gələn nwun dee, nonnii di ɲąmą tɛɛ bɔ, ə da taɠa ɉaláá kulɔ kəhi koo ɓa.

Levetekɔ 9:8

Aarɔn ə lɛɠɛ ɉaláá kulɔ kəhi ɓa, ə nɛ̨ŋɛ̨n mąąhvaalɛɛ haláá nįŋɛ̨ lon baa, gbɔwɔ kɛ nɛ̨ŋɛ̨n mąą mɛ̨nį ɓa.

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Malasi 1:13

Káá nwɔ̨nɔ̨ kɛ mą: «Lə kɛ hvįikpɛɛ mɛ̨nį ɓəi!» Ká hva mɛ́lɛ lɔ mɛ̨nį ta hu, ɲą́ą́ Yai-Laa Mɛ̨nį Kəlee ŋą Hééɓomun; taatɛlɛɛi ka gulɔ mą́ą́ a haláá, ka li kaa nwuɔ̨, awala kɛ tii, ɲɔ̨n yɛ ɓo mą. Gáá ka mąąnįn kɛi, ŋą́ pɛli ɲee hee pələ kɛi ləi gɔ́ ɓo hɛn daaləi tii mu?

Malasi 2:13

Yii nwɔ̨nɔ̨ ka kɛ gɛi, ya ka: Ɓɛi ŋɛ̨i ka ɉaláá kulɔ laa, ka nąą yɔwɔ a ka ɲɛ̨iyá, káá ka woolaa. Mąąhɔlɔɓo, Yálá hvo kɛa ɲɛ̨i heei ka wɔ haláá hɛnŋaai diɛ, hvo kpɛli gaai a hɛn da.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 26:14

Və́ ɉɛnŋąą tii ta mįi, ɓɛlɔwai haa ə too la mą́ą́ və́ kpɛli da kulɔ ɉu, ɓɛlɔwai tɔ́n ə kɛ la mą́ą́, ɛlɛɛ və́ kɛ ɲɔ̨muą kɔ́ li a da. Ŋą́ lɛɛ Yai-Laa nwɔ́ Yálái woo mu, ŋį́ gɛ yɛ bələi ə mo la mą́ą́.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.

Hebreu 9:8

Kili-Mąąhəɠɛɛ ə kɛi nɛ tii, yɛ kɛ, bələi a lɔ ɉəɠə pɛlɛ́ mu, hvo ni too li pono ɲą, yii kpɔ dɔlɔɔ tii kaa ni ɓɛ.