Levetekɔ 1:13 - Yálá laawoo hɛɓɛ (dc)

¹³ Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Yálá laawoo hɛɓɛ

¹³ Di gboyɛliɠaa da gɔwɔ kwąnąɠaa mąą waa. Ɉaláá laa həli mun a gəlee laa həli Yai-Laa ɓa, ə gəlee kələn ɉaláá kulɔi; yili kaa a haláá hɛn da gəlee kələn, mąą kun nɛ̨ɛ̨ yɛ Yai-Laa liilaa.

Bible

¹³ Kɛ́lɛ dí goi sãai da gbɔ̂rɔ-ŋai maa wáa a yá. Zâla láa-soŋ-nuui é gélee kéreŋ ŋ̀âla-teƃelei ŋá a kéreŋ sâla-sɛŋ nyii géreŋ kuŋ lɛ̂lɛɛi Yâwɛɛ mɛni mai.

Levetekɔ 1:13 ပူးပေါင်းရင်းမြစ်များ

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Kɔlɔnikɔ Veerɛi 4:6

Ə lɔwa pow tee, lɔɔli ɓa-mįi-yee hu pələ, lɔɔli kɛɓɛyee hu pələ, a ɉɛnŋąą waai, nąą ɓə di kɛi ɉaláá kulɔ hɛnŋąą mąą waa laa; ɉaláá laa həli nuą diɛ di mąąwaa gboloyá hu.

Izikiɛ 40:38

Bɛlɛ́ laaləi ta kulaa kɛ ɲimɛ̨n mu, nąą ɓə di kɛi Yálá kɔ́ haláá taatɛlɛɛ waa laa.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Levetekɔ 2:11

«Ɉaláá hɛnŋąąi kpɔ ka káá pai kɛi Yai-Laa kɔ́i la ka hvo lɛɠɛ tɛ hɛn bu da hu. Mąą hvo nɛ̨ɛ̨li da kɛi Yai-Laa kɔ́ hɛn gələn, lɛɠɛ tɛ hɛn da kwɛ̨in nwulɔ di hvo kɛ da hu.

Levetekɔ 2:2

Da paa la Aarɔn lonnii a ɉaláá laa həli nuą di pɔ. Di yee ɲą tɔ̨nɔ̨ həɠə nɛɠɛ hunwɔ̨ hu, ɉumɔɔ a wulɔ da lansan, ɉaláá laa həli mun ə gələn ɉaláá kulɔi, a kili too ŋą haláá, gaa a haláá hɛn da gələn mąą kun nɛ̨ɛ̨, yɛ Yai-Laa liilaa.

Levetekɔ 3:5

Yili pulu, Aarɔn lonnii di gəlee kələn ɉaláá kulɔ kəhi mɛ̨i, ɉaláá hɛn tii a kɛ nwɔ̨n ɉu, gwɛi mɛ̨i, yili mɛ̨i pələ. Yili kaa a haláá mąą kun nɛ̨ɛ̨, yɛ Yai-Laa liilaa.

Levetekɔ 4:31

Ə nwulɔ kɛɛnąąɠaa kəlee kulɔ mą, yɛ bələi da gɛ la a niilaa haláá hɛn. Ɉaláá laa həli mun ə di kələn ɉaláá kulɔ kəhi mɛ̨i, gaa a haláá mąą kun nɛ̨ɛ̨, yɛ Yai-Laa liilaa. Ɉaláá laa həli mun a nɛ̨ŋɛ̨n mąąhvaalɛɛ kólói tii kɛ nɛ̨ŋɛ̨n ɉəɠə mun tii mɛ̨i, mąąhvaa a lɛɛ.

Levetekɔ 6:14

Da ɲələn nwɔ̨mįi kɛ ləɠi hu a wulɔ. Ə́ paa la, bɛliɛ kpɔ a nɛlɛɛ, ə́ ɉaláá lɛɠɛi tii hu yali a gbuɔ pɛlɛɛ, ə naa həli Yai-Laa ɓa, hɛn mąą kun nɛ̨ɛ̨ li, yɛ Yai-Laa liilaa.

Levetekɔ 8:21

Moisə ə gboyɛli da gɔwɔ kwąnąɠaa waa, ə gəlee kələn ɉaláá kulɔi. Haláá hɛn, yii da gələn, mąą kun nɛ̨ɛ̨ yɛ niilaa yaa li. Gaa a haláá kɔ̨nɔ̨n da gələn a Yai-Laa nwɔɔ, yɛ bələi Yai-Laa ə Moisə tí la.

Lonon mo 15:3

ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Lonon mo 15:4

Nui pai gɔɓo huwui tii kɛi Yai-Laa ɓa, a pa a lɛɠɛ hunwɔ̨ gəgən ɉu haaɓa, ɲɔwɔɔn ŋąą a wulɔ litɛlɛ tɔ̨nɔ̨ da gbulɔ.

Lonon mo 28:11

«Ɲąnin gəlee kɔ́wɔ tɔɔ hvóló, mąąnɛ̨ɛ̨ ka Yai-Laa kɔ́, a haláá hɛn da gəlee kələn, ka gɛ a nįŋɛ̨ hilɛ hveelɛ, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lonnii mɛ̨ihveelɛ. Kpɛɠii hva kɛ da ɓa.

Lonon mo 28:8

Da mɛlaa lon veelɛnąą kulɔ a haláá hvitili ɓa lɔwai; lɔ yɛ bələi da yələwala pɔ nwɛi kɛ la, da naa həli Yálá ɓa da gɔ́ hɛnŋąą, bɛlɛɛ nɔɔ ɓa. Kɔ̨nɔ̨n mąą kun nɛ̨ɛ̨ li, a Yai-Laa nwɔɔ, yɛ níílaa.

Dutɛrɔnome 12:27

Ka káá pai kɛi haláá yii da gəlee kələn gulɔi, Yai-Laa ka wɔ Yálá nwɔ haláá kulɔ kəhi mɛ̨i, a ɉuwɔ da ɲąmą. Kɛlaa, ɉaláá takpɛliɠaa tii ka di kulɔ, ka ɲąmą pu Yai-Laa nwɔ haláá kulɔi, ka ɉuwɔ mįi.