Korɛntə veelɛ 9:11 - Yálá laawoo hɛɓɛ (dc)

¹¹ Ká káá pai kɛi a hɛn nąmu a pələ huwu tamąą, hɛn damąą hu; Yálá hɛɠɛɛɓo woo yɛ tɛ bɔ pələ, ku háálai.

Yálá laawoo hɛɓɛ

¹¹ Ká káá pai kɛi a hɛn nąmu a pələ huwu tamąą, hɛn damąą hu; Yálá hɛɠɛɛɓo woo yɛ tɛ bɔ pələ, ku háálai.

Bible

¹¹ A pâi kákɛ̂i ka kɛ́ a tɔɔ-ƃela pere-sii kélee su, kpɛ́ni fêi, ka ƃɛlɛ-sêe kɛ̀ a dámaa, nyíi pâi nûa kɛ̂i dí sɛɣɛi-fei tɛɛ Ɣâla pɔ kúsârai;

Korɛntə veelɛ 9:11 ပူးပေါင်းရင်းမြစ်များ

Kɔlɔnikɔ Veerɛi 31:10

Ya ɓə ɉaláá laa həli mun gɛnɛ̨ Azariahu, yai a Sadɔkə huwu hu mun da, ə nwoo ɲąą pənə, yɛ mą: «Yii kpɔ nuą di gbala tɔɔ diɛ pa, a hɛn mąąnɛ̨ɛ̨ di gulɔ di hɔlɔɓo hɛn ɉu a Yálá nwɔɔ, diɛ paa la Yai-Laa nwɔ pɛlɛ́i mui, kwa hɛn mį́i, kuɔ pilɛ ɉu, gbəli yɛ lɛɛ kpɔ kɛnɛ̨. Mąąhɔlɔɓo, Yai-Laa aa lúwɔ́ too nwɔ nuąi diɛ, gbəli ka buɔ gee mɛ̨i.»

Maafîu 20:15

Akɛti, vá pɛli nííɓa kɛi mɔ̨ɔ̨ ɲə́i hɛn gɔw hu? Mɛ̨inɛ̨ɛ̨ ŋɛ̨i ŋį́ gɛ yili mąątóló ɓə ə́ kaa gulɔi?›»

Maafîu 25:17

Nui tii veelɛ hɔlɔɓo, ə li ə veelɛ kwɛli ə bɛlɛ veelɛi tii ɓa.

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Korɛntə dɔlɔɔ 1:5

Hvó gaai, Jesus Kristə háálai ɓə, káá yeelahvoloon lɔpee gəlee hɔlɔɓo la, yɛ ə kɛ a woo, yɛ ə kɛ a mɛ̨nį kɔlɔnŋąą kəlee.

Korɛntə veelɛ 1:11

Káá kpɛlimąn, ká kɛ ká wɔɔ nąą kɛi ɉu, a Yálá hvɛlii ká kɛ moi kuɔ. Akɛtii, mɛ̨inɛ̨ɛ̨i tii kwa ɉɔlɔɓo a nu kpulu kɛnɛ̨ɛ̨ kɛ mɛ̨nį, yili a kɛ a Yálá hɛɠɛɛɓo mɛ̨nį ku mąą mɛ̨nį ɓa, nu tamąą yəi.

Korɛntə veelɛ 4:15

Mɛ̨nįɠaai kpɔ laai kuɔ, ká mąą mɛ̨nį ɓə, nɛ̨ɛ̨laa ta yɛ pɛlɛ la mą, gbɔn ɉu yɛ kɛnɛ̨ la, ɛlɛɛ, Yálá ŋą mąąwiɛlaa hɛɠɛɛɓo woo hu yɛ wiɛ la.

Korɛntə veelɛ 8:16

Yálá hɛɠɛɛ mąmą, yai ká mąą lii too Titə kwəi.

Korɛntə veelɛ 8:19

Ɛlɛɛ nwɔ̨nɔ̨, yaa ɓə galan gbɔn gəlee di di yee lɛ mą, ə kɛ ku pɔ, ku wɔɔ hiɛɠaai hu, nú-kpɔwɔlaa kólói ŋɛ̨i hu, a gólói ku kaa gɛi, gu Nąmu kpinįi laa mąąwiɛ mɛ̨nį ɓa, ɛlɛɛ, ku wɔ kiliŋąhiɛ lɛlɛɛɠaa pɔ mɛ̨nį yɛ kɛ.

Korɛntə veelɛ 9:12

Mąąhɔlɔɓo, ɲee ɲąąkpɔn daaləi ŋɛ̨i hvo lɔ a kristalɛa mąąkpɔnmąą ɓo mɛ̨nį, kɛlaa gaa a gu wɔɔ mɛ̨inɛ̨ɛ̨ hu kɔlɔn ɉɛɠɛɛɓoi, a tɛ Yálá pɔ pələ.