Korɛntə veelɛ 9:10 - Yálá laawoo hɛɓɛ (dc)

¹⁰ Yaa tii ɓə, a hihɛn ɉuwu tɛɛ tíi-kɛmun bɔ, yɛ gɔ̨nɔ̨n bɛlɛ mą, yaa lɔ ɓə pai hihɛn ɉuwu tɛɛi ká pɔ, yɛ ɉu kɛnɛ̨, yaa ti lɔ ɓə pai, ká wɔ tələnmolaa má tamąi ɲą.

Yálá laawoo hɛɓɛ

¹⁰ Yaa tii ɓə, a hihɛn ɉuwu tɛɛ tíi-kɛmun bɔ, yɛ gɔ̨nɔ̨n bɛlɛ mą, yaa lɔ ɓə pai hihɛn ɉuwu tɛɛi ká pɔ, yɛ ɉu kɛnɛ̨, yaa ti lɔ ɓə pai, ká wɔ tələnmolaa má tamąi ɲą.

Bible

¹⁰ Ǹúui a sí-sɛŋ-kao tɛ̀ɛ zí-sɛŋ sí-nuui pɔ gɛ kpólo tɛɛ mii mɛni mai, a pâi kási-sãai kɛ̂i dí kpɛtɛ kpɔ́ a zu kɛ́tɛ e kátɔ̃yâ laa-lai ŋɔƃa kɛ́ e ƃɔlɔ.

Korɛntə veelɛ 9:10 ပူးပေါင်းရင်းမြစ်များ

Zɛnɛse 47:19

Akɛtii ə́ kaa pai ku lɛɛi laa ku haa a pulu ə́ ɲɛ̨i ɓa, ku wɔ lɔiɠaai di lɛɛ a lɔi pun? 'Ku pɛlɛ ku wɔ lɔiɠaai diɛ, ə́ ku ya a kɔ̨nɔ̨n; kuɔ kwa ku wɔ lɔiɠaai, ku lɛɛ a tɔɔmun nwɔ kóló kɛ hɛn. Mɔ̨nun ɉuwu tɛɛ ku pɔ ku ɉin, ku nɔ̨ɔ̨ ə lɛɛ ku hu, ku wɔ lɔiɠaai di hvo pa kɛ a lɔi kpoloon.»

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Ikilisiati 11:6

Yili ɓa, 'humó a ə́ wɔ hihɛn ɉiɛ, ə həɠə yələ wala pɔ ɓa, ə həli la yələ wulii ɓa, hvo kpɛla mą. Mąąhɔlɔɓo, ə́ kɛ kólóɠaai tii lɔwai, yii pai kɛi a nɛlɛɛ hvo gɔlɔn, ɛlɛɛ, akɛ gəlee ɓə tɔ̨nɔ̨ kaa pai kɛi ɉu, hvó gɔlɔn.

Azaya 55:10

Bələi lɔ tulɔ a wala kɛti nąląąn a yɛɛ la, yɛ həɠə yələi, ɛlɛɛ di hva kɛa pənə di hvo tɛ yələi pələ, akɛ di hvo lɔi yɔwɔ li, di gɛ ə ɓa, mɔ̨nun diliin yɛ kulɔ, hvo kɛi da gbɛa mɔ̨nun ɉuwu tɛɛ tíi kɛ mun bɔ, diɛ kɔ̨nɔ̨n dɛɛ nu yɛ mįi,

Osia 10:12

'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Maafîu 6:1

«Ka gɛ a nɛlɛɛ, ka hvo ka wɔ kalan non naa, mąą túwɔ́ pələ kulɔ nuą ɲɛ̨i ɓa, ə gɛ, di ka káá. Akɛ ka gɛ tii, ka Nąn Yálái yələkɔlɔn ɉu, hva kɛa ka hvɛla kulɔ.

Korɛntə veelɛ 9:12

Mąąhɔlɔɓo, ɲee ɲąąkpɔn daaləi ŋɛ̨i hvo lɔ a kristalɛa mąąkpɔnmąą ɓo mɛ̨nį, kɛlaa gaa a gu wɔɔ mɛ̨inɛ̨ɛ̨ hu kɔlɔn ɉɛɠɛɛɓoi, a tɛ Yálá pɔ pələ.

Korɛntə veelɛ 9:6

Ká kili ə pu ɉu káá: Nu a ɉin tiikpə, dɔlɔ tiikpə lɔ ɓə a ɉɔlɔɓo, ɛlɛɛ, nui a ɉin gɛnɛ̨, dɔlɔ kɛnɛ̨ lɔ ɓə a ɉɔlɔɓo.

Galatə 3:5

Yálái ŋą Kili tɛɛ ká pɔ, ɛlɛɛ, yɛ kwɛlɛɛn mɛ̨nįɠaa kɛ ká lɔwai, gaa mɔ̨ɔ̨ gɛi tii, gbala ə tɔɔ, ká káá dɔn bɔ yíiɓoi? Awala kɛ tii, mąąhɔlɔɓo, ká ká wəli tɔɔ, laa na laa mąą wɛlɛɛ ɓa?

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Filipə 4:17

Və́ moi ti gɛ́ kɛ nwɔ̨nɔ̨ ká hɛn da tɛɛ bɔ́, yii gáá bɔ ya ɓaa: ka kɛnɛ̨ Yálá mɛ̨nį hu.

Tɛsalonikə dɔlɔɔ 3:12

Nwɛlikɛmąąlai gaa ká yəi ká keeni mąą mɛ̨nį ɓa, gu Nąmu ə gɛ, ɉu ə kɛnɛ̨, ɉu ə ɓɔlɔ, nu takpɛliɠaa mąą mɛ̨nį ɓa, kpɔlɔɔ yɛ bələi kwaa ká wɛlila kɛ la.

Tɛsalonikə dɔlɔɔ 4:10

ɛlɛɛ, ká kɛmun yili kɛi Kristalɛa kəlee diɛ Masedoanə nąą kəlee. Ną́n nonnii, ku kaa ká hvaŋąlɔi, kuɔ ká ká yee mąą tɛ ká ɉon nwɔ̨nɔ̨ a nįnɛ̨;