Korɛntə veelɛ 8:9 - Yálá laawoo hɛɓɛ (dc)

⁹ Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Yálá laawoo hɛɓɛ

⁹ Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Bible

⁹ Kpɛ́ni fêi, ka Kúnuu-namui Kôrai ŋɔƃɛlɛ-sêei kɔ́lɔŋ a gɛ́ɛ berei máŋ è kɛ̀ a dɔɔ lai, é máŋ kɛ́ ti è kɛ̀ a kôlo-nuu kámɛni ma a gɛ́ɛ ŋɔkôlo-laai sârai ká kɛ́ a tɔɔ-ƃela.

Korɛntə veelɛ 8:9 ပူးပေါင်းရင်းမြစ်များ

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 62:1

Siɔn taa mąą mɛ̨nį ɓa, vá pɛli náá pilɛi, Ɉerusalɛmə taa mąą mɛ̨nį ɓa, vá pɛli vįi tɔɔi, ə lɛɛ ɉu nwɔ tələnmo mɛ̨nį ə too pɔ̨nɔ̨ ɲą, ɛlɛɛ malo mɛ̨nį yɛ kɛ yɛ da kpalan dɔɔ.

Azaya 65:8

Yai-Laa yɛi: Bələi lɔ da towələ keą kaa la towələ wulu hu, diɛ kɛ diɛ: «ka hvo bɔn, mąąhɔlɔɓo, luwɔ kaa ɉu», bələ lɔ ɓə gáá pai gɛi la, nuąi da tí mą́ą́ di mąą mɛ̨nį ɓa, ə gɛ və́ pa nəi gəlee hu kala.

Maafîu 17:27

Kɛlaa, gu wɛi, gu hvo bɔ gu hvo nuą lii hu kala. Yili ɓa, ɉɔwɔlee kwɛli həɠə, ə́ li bówa hu, ə́ kwɛli pili; Ɉɔwɔlee tɔlɔɔ tii ə́ kaa pai gulɔi, na kaa, wali kaa na, yii a pɛli gu nu hveelɛ guɔ nįįhɔ̨nwɔ̨ ɓa, ɉəɠə ə́ pa, ə́ guɔ nįįhɔ̨nwɔ̨i kulɔ la.»

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Markə 6:3

Akɛti, Mari lon ŋɛ̨i a nwulu haɠa mun ya hvə li mɔ̨ɔ̨? Kɛlɛi nəɠəni ɓaa a: Ɉakə, Ɉosɛsə, Ɉudə da Simɔn? Akɛti, mąąhalani di hvo mɔ̨ɔ̨ ɓɛ ka gu lɔwai?» Di wɔ kiliŋąhiɛɠaa kɛ pələi tii ɓə gɛ di hvo laa na.

Lukə 16:11

Akɛ ka hvo tələnmolaa kɛ li ɲɛnɛ̨ɛ̨ ŋɛ̨i hu hɛn gɔw hui, gbɛɛ ɓə a pɛli hɛn gɔw leelee kalihvaɓoi kaa?

Lukə 2:7

ə non dɔlɔɔ kaa a hulɔnu. Ə mąą kpinįn gɛ a həɠə, ə naa ɓɛi daatɛlɛɛɠaa di kɛi di laa mį́i laa. Mąąhɔlɔɓo, di hvo laai hɔlɔɓo nwɛ̨ąą laa pɛlɛ mu.

Lukə 8:3

Nɛa tii tɔ̨nɔ̨ ɓaa kɛ a: Ɉanə, yai kɛ a Herodə nwɔ hɛn gɔw mɛ̨i kaa mun gɛnɛ̨ nɛ̨ą, ɉulɔnui tii laa ɓa kɛ a Kuza. Da ɓaa kɛ a Suzanə, da nɛ̨ą takpɛliɠaa, yiiɠaai kɛi di yəi hɛnŋąa tɛɛ Jesus pɔ da nwɔ kalan nɛai, di mąą kpɔnmąą ɓo mɛ̨nį ɓa.

Lukə 9:58

Jesus yɛ mą: «Kɛlɛnŋąa lɔ wolo kaa di yəi, ə mą kɛ, nwɛ̨niɠaa taa kaa di yəi, kɛlaa, kɛɛnąą ta hvo kpɛli ɲą́ą́ ŋɛ̨i a Nu Lon ɲə́i, ɓɛi ŋą vįitɔɔlaa.»

Ɉaan 1:10

Nwoo tii ə wɔlɔ kɛ yɛnɛ̨ɛ̨, ya ɓə Yálá ə yɛnɛ̨ɛ̨ pɛli la. Kɛlaa, ə mą kɛ tii, yɛnɛ̨ɛ̨ hvo gɔlɔn ni.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 12:30

Jesus ə tinɛ̨n yɛ diɛ: «Ɲą́ą́ mą́ą́ mɛ̨nį hvəə nwoo tii ə tɔɔ la, kɛlaa, ka mąą mɛ̨nį ɓə.

Ɉaan 16:15

Yii lɔpee gaa Ną́n yəi, ɲą́ą́ bɔ́ɔ́ li. Mɛ̨nįi gɛ gɛ́ kɛ kaa: yii a həɠə ɲą́ą́ bɔ́ ya ɓə gaa pai moi kaa yaa li.»

Ɉaan 17:19

Di mąą mɛ̨nį ɓa, ŋą́ą́ gbɔ́wɔ́ mąąhəɠə, əgɛ, diɛ kpɛli di mąą ə həɠə tɛ̨ą hu.

Lomaŋ 11:12

Akɛ di nwɔɔ hɔn ɲɔ̨n aa kɛ yɛnɛ̨ɛ̨ nąą kəlee nwɔ yéélaholoon; ɛlɛɛ, di mąąyɛɛ mɛ̨nį aa kɛ a huwu takpɛliɠaa di wɔɔ yéélaholoon; gu hvo mun kɛ, da di yee lɔ nuą nwun mąąɓo kólói hu?

Lomaŋ 15:3

Mąąhɔlɔɓo, Kristə hvo kɛ gbɔwɔ liiɓa kɛ li yɛnɛ̨ɛ̨, kɛlaa, yɛ pələi bɛ̨ɛ̨ la Yálá lawoo hɛɓɛ́ hu yɛ mą: «Ə lalan di mo, ɲą́ą́ ɓə di kɛ mą́ą́.»

Lomaŋ 5:8

Kɛlaa, bələi Yálá ə nwɔ wɛlikɛmąąlaa lɛ la guɔ, bələ ka: Ɓɛlɔwai gu kɛ la a nɛ̨ŋɛ̨n ɉəɠə nuą, nąąlɔwai ɓə Kristə ə haa la gu mąą mɛ̨nį ɓa.

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Korɛntə dɔlɔɔ 1:4

Ŋą́ Yálá hɛɠɛɛ ɓo kaa mąą mɛ̨nį ɓa kpɛla pələi hvo mą, mɛ̨inɛ̨ɛ̨i aa gɛ kaa Jesus Kristə hu, mąą mɛ̨nį ɓa.

Korɛntə dɔlɔɔ 15:47

Nu kan dɔlɔɔi kulɔ pɔlɔ hu, gaa a pɔlɔ; veelɛnąąn ə həɠə yələi.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Ifisiɛŋ 3:19

Bələ ɓə ká pɛli Kristə nwɔ wɛlikɛmąąlaa kɔlɔn ɉii la, yai, kɛnɛ̨i naŋįŋąą dɛɛ, hɛn kpɔ kɔlɔn gaa mą, gəlee mɛ̨i, káá pɛli Yálá mąą mɛ̨nį kəlee ɲąą pɛliɛ hɔlɔɓoi la a mɛ̨inɛ̨ɛ̨, kaa-lon-naa hu.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Kolosə 1:24

Mɔ̨nɔ̨ɠaai gáá mįi ká mąą mɛ̨nį ɓa yiihu, ŋą́ gwə́inɛ̨ɛ̨ mɛ̨nį hɔlɔɓo ɉu, ɛlɛɛ, Kristə ŋą mɔ̨nɔ̨ yiiɠaai lɛɛ pulu, gáá naa kulɔi gɔ́lɔ́ hu, gɔlɔ mąą mɛ̨nį ɓa, yai a ŋą kpɔn;

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.