Korɛntə veelɛ 8:23 - Yálá laawoo hɛɓɛ (dc)

²³ Titə kaa a ɉíɛ gee pulu, gaa bɔ́, kwa yaa kuɔ kólo kɛ ka mąą mɛ̨nį ɓa. Ku nąn nonnii, galan gbɔn ŋą nu tɔɔɠaa ka ti, di kaa di wɔɔ mąątíi kɛi diɛ kpɛli Kristə mąąwiɛ mɛ̨nį ɓa.

Yálá laawoo hɛɓɛ

²³ Titə kaa a ɉíɛ gee pulu, gaa bɔ́, kwa yaa kuɔ kólo kɛ ka mąą mɛ̨nį ɓa. Ku nąn nonnii, galan gbɔn ŋą nu tɔɔɠaa ka ti, di kaa di wɔɔ mąątíi kɛi diɛ kpɛli Kristə mąąwiɛ mɛ̨nį ɓa.

Bible

²³ À kɛ̀ a Taitɔ, gáa a ḿarâŋ-nuu, gɛ ƃo a ḿarâŋ-tii-kɛ-nuu kámɛni ma; à kɛ̀ a kúƃarâai, díkaa a Kôrai-toli-kpɔŋ ŋai díkela-ŋa, nyíi gáa a Kôrai ŋɔfólo-laai.

Korɛntə veelɛ 8:23 ပူးပေါင်းရင်းမြစ်များ

Lukə 5:10

Pələ lɔ ɓə ə kɛ la a Zebede lon ɉinąą hveelɛi: Ɉakə da nəɠə Ɉaan, diɛi kɛ a Simɔn mɛlaani. Kɛlaa, Jesus ə mo Simɔn ɓa, yɛ mą: «Hvo ɲɔw, ə həɠə háákələi ɓa, ə́ kaa pai kɛi a nu kwɛli mun.»

Lukə 5:7

Di ɓɛlaa ya-tulun nuą tii kɛ nąą kwɛlɛ, di di təli, əgɛ, di pa di kpɔnmąą tɛɛ di pɔ. Yiliɠaai di pa, di gələn veelɛi tii laahvɛɛ a hɔ̨nwɔ̨lee, gələnŋąa diɛ kɛ di lɔ ɲá mu.

Ɉaan 13:16

A tɛ̨ą kpɔ-kpɔ gáá moi kaa, kólo kɛmun hvo tɛɛ li nąmu ɓa. Kɛla hvo tɛɛ li nui dɔɔɔ mą.

Korɛntə dɔlɔɔ 11:7

Hulɔnu nwɛi, mąą hvo nɛ̨ɛ̨li hvo ɓɔlɔ pɛlɛ nwuɔ̨, mąąhɔlɔɓo, gaa a Yálá mąąnįnįn da nwɔ mąąwiɛlaa, kɛlaa nɛ̨ɛ̨nu nwɛi gaa a hulɔnu nwɔ mąąwiɛlaa.

Korɛntə veelɛ 12:18

Ŋą́ Titə mąąnɛ̨ɛ̨, gɛ́ dɔɔ ká pɔɔli, da gu nąn non ti ŋą́ vaaɓoi, Titə ə kɛi mɔ̨ɔ̨ ká tɔlɔ kulɔ? Kili tɔnɔ̨ hvə kwa diɛni ku hiɛ la, kpaalə tɔ̨nɔ̨ mɛ̨i?

Korɛntə veelɛ 7:6

Kɛlaa, Yálái a kpɔɔmąąyɛɛ nuą liilaa, ə ku liilaa a pai Titə ə mo,

Korɛntə veelɛ 8:16

Yálá hɛɠɛɛ mąmą, yai ká mąą lii too Titə kwəi.

Korɛntə veelɛ 8:18

Ku kaa dɔɔ da gu nąn non ŋɛ̨i galan gbɔn gəlee da kɛ dɛnɛ̨i nwɛlɛɛ lɛlɛɛ mąą mɛ̨nį hu.

Korɛntə veelɛ 8:19

Ɛlɛɛ nwɔ̨nɔ̨, yaa ɓə galan gbɔn gəlee di di yee lɛ mą, ə kɛ ku pɔ, ku wɔɔ hiɛɠaai hu, nú-kpɔwɔlaa kólói ŋɛ̨i hu, a gólói ku kaa gɛi, gu Nąmu kpinįi laa mąąwiɛ mɛ̨nį ɓa, ɛlɛɛ, ku wɔ kiliŋąhiɛ lɛlɛɛɠaa pɔ mɛ̨nį yɛ kɛ.

Korɛntə veelɛ 8:22

Ku gu nąn non doo nuąi pai di pɔ, a yai yələ kəlee kwa nwɔ hvaŋąlɔlaa hu kpɛ, ɛlɛɛ, yaan vaŋąlɔɔi lɔ nwɔ̨nɔ̨ yiihu, mąąhɔlɔɓo, gilitɔɔi kpɔ káá kɛnɛ̨.

Korɛntə veelɛ 8:6

Yili ɓə gɛ, ku nɛ̨ɛ̨mąą hvə Titə ɓa kpɔ a nwalawalaa, kuɔ kɛ ə nú-kpɔwɔlaa kólói tii laa kulɔ a nɛlɛɛ ká pɔɔli, yɛ bələi ə gɔwɔ tɔɔ la.

Filipə 2:25

Epafroditə ŋɛ̨i ká dɔɔ yɛ pa mą́ą́ kpaan gbɛɛ hɛnŋąa laa lɛi, ŋą́ gaa, gɛ́ nɛlɛɛ ɓaa, ŋą́ pənə, ŋą́ dɔɔ, ə pa ka pɔ, gaa a mɛ́lan nɛlɛɛ góló ŋɛ̨i gáá gɛi da gɔi ŋɛ̨i gáá gɔi mąą mɛ̨nį hu;

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Kolosə 1:7

yɛ bələi Epafrasə ə ká mąąkwɛli la, yai a gu ɓɛlan, a gu hiɛgee pulu, a Kristə ŋą timun dələnmoɔ,

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Timote veelɛ 4:10

Mąąhɔlɔɓo, Demasə aa nɛ́ɛ́ laa yɛnɛ̨ɛ̨ hɛnŋaa ŋą wɛlikɛmąąlaa mąą mɛ̨nį ɓa, aa li Tɛsalonikə. Krɛsansə aa li Galatə lɔi hu, Titə aa li Dalmati.

Taitɔ 1:4

Titə, gáá ɉɛɓɛ́i ŋɛ̨i tɛɛi yɛ́, yɛ́i a nón gbɔ-kpɔɔ, laa na laa hu, yai gu kpɔnŋąąi mą. Mɛ̨inɛ̨ɛ̨, da liilaa di tɛɛ ə́ pɔ, yɛ həɠə Nąn Yálá da Jesus Kristə gu ɓalomun ɲəi.

Filemɔn 1:17

Akɛ yá gáá yɛ ə́ nąn non laa na laa hu, Onesimə a pa ə́ pɔɔli, ə́ yee hee mu yɛ bələi yá ə́ yee hee kɛ la mú.

Filemɔn 1:24

Ə mą kɛ Markə, Aristarkə, Demasə da Lukə diɛi kwa diɛni ku kaa góló tɔ̨nɔ̨i ŋɛ̨i ɓa diɛ kpɛli diɛ ə́ tuwɔ ɓɔ.

Zɔ̂ŋ Zaaƃai 1:8

Guɔ kpɔ ɓə gu mąąnɛ̨ɛ̨i gu mąąkpɔnmąą tɛɛ nuą tii pɔ, ə gɛ, gu gu kpɔwɔ lɛ diɛ a dɛ̨ą tii mąą kóló kɛ nuą, yɛ diɛ.