Korɛntə veelɛ 7:11 - Yálá laawoo hɛɓɛ (dc)

¹¹ Niikələn gwəi ti həɠə Yálá pɔ, mɛ̨nįi a gɛ, káá gaa! Kɛlaa, a tɛ̨ą: Aa ká pu káá gílí! Káá nɛ̨ɛ̨mąą hvə, káá ká kpɔwɔ ɓɛlɛ tooi kaa, káá ɲɔw, mą́ą́ lii too mɛ̨nį ká kwəi, ká hvaŋą yɛ lɔ! Ə kɛ a pələi lɔpee, káá kpinįi káá nɛ, káá, ká hɔn və mɛ̨nįi ti hu.

Yálá laawoo hɛɓɛ

¹¹ Niikələn gwəi ti həɠə Yálá pɔ, mɛ̨nįi a gɛ, káá gaa! Kɛlaa, a tɛ̨ą: Aa ká pu káá gílí! Káá nɛ̨ɛ̨mąą hvə, káá ká kpɔwɔ ɓɛlɛ tooi kaa, káá ɲɔw, mą́ą́ lii too mɛ̨nį ká kwəi, ká hvaŋą yɛ lɔ! Ə kɛ a pələi lɔpee, káá kpinįi káá nɛ, káá, ká hɔn və mɛ̨nįi ti hu.

Bible

¹¹ Ka gáa, berei Ɣâla-nia lii-solii e ká kɛ̀ la ka mɛni soŋ a gbanaŋɔɔ̂i, berei e ká kɛ̀ la a gɛ́ɛ ká kákpîŋ maa-kɔ̃ɔ̂i, berei e ká kɛ̀ la kálii é ŋwánai, berei e ká kɛ̀ la ká yaôi, berei e ká kɛ̀ la ŋ́wɛli é kákɛ̂i, berei e ká kɛ̀ la ká mɛni kélee kɛ́ a ǹɛ́lɛɛi, da berei e ká kɛ̀ la a gɛ́ɛ ka mɛni ŋa tee a ǹɛ́lɛɛ! Ka kákpîŋ lɛ́ pere-sii kélee su a gɛ́ɛ kásɔŋ fe mɛnii su.

Korɛntə veelɛ 7:11 ပူးပေါင်းရင်းမြစ်များ

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Mąątɛ̨nɛ̨ 119:139

Níi ə kɛi kələn gwə́i, ɉú yɛ kpɛlin, a ɲówóɠaa kaai ŋį́ kɛi mo, diɛ həɠə ə́ wooɠaa pulu.

Mąątɛ̨nɛ̨ 130:6

Yai-Laa wɛli kaa ɉón ɉii, dɛɛ taa mąąkpɛmun nwɔ yələɓoi lɔwai mąąkpɔnŋąą ɓa, ə mą kɛ, taa mąąkpɛmun mə, hva yələwala mąąkpɔn di.

Mąątɛ̨nɛ̨ 145:19

Nuąi da ɲɔw mą, a di liiɓa kɛ, a nwəli tɔɔ di tomą woo ɓa, yɛ di ɓalo.

Mąątɛ̨nɛ̨ 2:11

'Ka tí Yai-Laa ɓa a ɲɔwmąąlaa, 'ka ka yee yɛɛ a gɔwɔ kaa kpɛlin.

Mąątɛ̨nɛ̨ 35:13

Ɓɛlɔwai di kɛ la ɲɔ̨n ɉu, ŋį́ kɛi mąąwɛli heeɓo, gɛ́ hin nɔ, gɛ́ Yálá hvɛli gwə́i pələ.

Mąątɛ̨nɛ̨ 38:9

Vínna aa tɔn, ɉú aa haa, níi yɛ too gwə́i, gɛ́ ɲįŋɛ̨.

Mąątɛ̨nɛ̨ 42:1

Nwələ ɲɛ̨itɔwɔmun. Kore lonnii di wɔ kiliŋą pono wələ.

Mąątɛ̨nɛ̨ 69:9

Ɛlɛɛ, ŋą́ą́ kɛ la ną́n nonnii lɔwai a nwɛ̨ą, a nui nee lonnii di hvo gɔlɔn.

Hanwon 14:16

Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Hanwon 28:14

Nwun na nɛ̨ɛ̨mun maa, nui a ɲɔw mɛ̨nį ɲɔ̨n ma. Kɛlaa, nui a gili walawala mɛ̨nį ɲɔ̨n gɛɛ hu, ya ɓə kpalo a gaa.

Wɛli 8:6

Náá ə́ lii mɛ̨i, náá ə́ kɔ̨nwɔ̨n ɉu. Gbalai tɔɔ, wɛlikɛmąą walawalaai haa ɓa; nwala walaai yɛ haaɓɛlaa taa. Wɛlikɛmąą a kɛɛ kələn yɛ nwɔ̨n, bɔɔ ə ɓo yɛ Yai-Laa nwɔ nwɔ̨n.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Danîa 6:14

Di pənə nwɔ̨nɔ̨ di mo tɔɔmun ma, diɛ mą: «Nuwɔɠaa ŋɛ̨i di həɠə a diɛ Ɉuda lɔi hu, dɔ̨nɔ̨ kaa di lɔwai, diɛ kɛ naa ɓaa: Daniɛlə; oo Tɔɔmun, hvo ə́ woo kaa li a mɛ̨nį walawala, hvo dɔ́n ɉon ni. A kɛ Yálá hvɛlii gee mɛ̨i haaɓa hvóló tɔ̨nɔ̨ kuu mu.»

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Ɉaan 2:17

Jesus nwɔ kalan nɛai di di kiliŋąhiɛ Yálá laawoo ɓa, yai kɛ mą: «Wɛlikɛmąą yii gaa ɉu ə́ wɔ pɛlɛ́i mąą mɛ̨nį ɓa, a gələn yɛ nwɔ̨n.»

Gɛlaɠaa 17:16

Ɓɛlɔwai Polə ə kɛi Silasə da Timote di mąąkpɔn na Atɛnə daai, nii ə kələn gwəi, daai tii kaa ə mo naahvɛɛ a haliɠaa.

Lomaŋ 11:20

Tɛ̨ą li! Di di tee, a di wɔɔ kulɔ nwoo mu laa pɔɔ. Yáá tɔɔ di tɔɔi ə́ wɔ laa na la mąą mɛ̨nį ɓa. Gɛ a nɛlɛɛ, hvo ə́ huɲąŋą kɛnɛ̨, yɛ́mun ɲɔw.

Lomaŋ 14:18

Nui a kɛi tí kɛ tii Kristə ɓa, ya ɓə gaa a Yálá liiɓamun. Ɛlɛɛ, nuą da dɛ̨nɛ̨.

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Korɛntə dɔlɔɔ 12:25

Ə gɛ, ɓɛlaɓo hvo kɛ gu tɔɔ-tɔɔɠaa lɔwai, kɛlaa, di tɛitɛi, di mąą liihɛlɛn ə ɓo di kee ɓa.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Korɛntə dɔlɔɔ 5:2

Ɛlɛɛ kaamun, káá hvɛɛ a kpɔwɔ ɲąąkɛnɛ̨, ka hvo yili kaa li, a nwumɛ̨ mɛ̨nį, ká hvo mąą wɛli hee ɓo, yɛ haa a too káá, ká mɛ̨nį tii kɛmun gulɔ ká lɔwai.

Korɛntə veelɛ 13:7

Kwa Yálá hvɛli kuɔ, ká hvo nəi pa mɛ̨nį ɲɔ̨n nɔpee ta kɛ. Mɛ̨nįi ku kaa bɔ, ya lɔ hvaa da pa ká hukɔɔn ɉii, ká kulɔ ɉu nɛ̨kpɛlɛɛ, kɛlaa, ku kaa bɔ ká túwɔ́ a nɛlɛɛ, ə mą kɛ, daa ku kaa a hon mąą nuą.

Korɛntə veelɛ 2:6

Yii viɛlaɓoɔ nu taaləi ti mąą mɛ̨nį ɓa ya ɓaa: Ká ɉutɔɔ.

Korɛntə veelɛ 6:4

Kɛlaa yaamun, mɛ̨nį kəlee hu, kwa ku kpɔwɔ lɛ a Yálá ŋą tínuą, a hvaŋąlɔ kɛnɛ̨, mɔ̨nɔ̨ hu, yee tɔɔ gwaną mɛ̨nįɠaa hu, liihɛlɛn ɉu,

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Korɛntə veelɛ 7:7

hvo lɛɛ lɔ a ba mɛ̨nį, kɛlaa, vaŋąlɔi ə ɉɔlɔɓo ká yəi, ká ɲɛ̨i tɔɔ mɛ̨nį mą́ą́, mą liihɛlɛn, ká wɔlɔ woo, ká wɔ wɛlikɛmąąlaa yɛ hvilɛn na mą́ą́, ə ɉukulɔ mą́ą́, yili ə nwɔ́ gwə́inɛ̨ɛ̨ ta kɛ nwɔ̨nɔ̨ mą.

Korɛntə veelɛ 7:9

Gwə́inɛ̨ɛ̨i yiihu, ká lii ɲąąnwąną mɛ̨nį hvəə, gwə́inɛ̨ɛ̨i la, kɛlaa, ká lii ɲąąnwąną mɛ̨nįi tii, aa gɛ, káá ká hɔn mąąpənə. Mąąhɔlɔɓo, ká lii ɲąąnwąną mɛ̨nįi, bələ ɓə Yálá ə kɛ la bɔ, yii ɓaa ká pɔ pələ nwɛi, ku hvo mɛ̨nį ɲɔ̨n da laa li káá.

Korɛntə veelɛ 9:2

Ŋą́ ka wɔ kiliŋąhiɛ lɛlɛɛ kɔ́lɔn, ɛlɛɛ, ŋą́ ɲɛ̨́i pono la Masedoanə lɔi hu nuą ɲɛ̨i ɓa; ŋą́ kɛ kɛi diɛ: Akaiə yee ɲąą pɛliɛi, gwɛlan dɔ̨nɔ̨ ka; ɛlɛɛ, ká wɔɔ tɔɔ a nwąnąi laa tii, aa kalan gbɔn damąą lii muhəɠə a nɛlɛɛ.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Ifisiɛŋ 5:11

'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Timote dɔlɔɔ 5:20

Nuąi da nɛ̨ŋɛ̨n ɉəɠə, 'háŋą diɛ nu kəlee ɲɛ̨i ɓa, ə gɛ, di ɓɛlaa di ɲɔw.

Timote veelɛ 2:15

'Ə́ ŋąąwala, ə́ mąątɛ̨nɛ̨ lɛlɛɛ hɔlɔɓo Yálá ɲəi ɓa, yɛ nui daa mąą mɛ̨nį hukpɛ, yɛ kóló kɛ mun nwumɛ̨ hva tɛ la, yɛ dɛ̨ą woo ŋɛ̨i laa həli kpɔ a ɉaŋąą.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,

Zûu 1:23

'Ka di kulɔ nwɔ̨n ɉu, di ɓalo. 'Ka ɲɔw daɠaa diɛ, ka di ɲɛ̨imąąwɛli kaa; di kwaną həɠəɠaai di kɔ́lɔ a mąąliɓi ka nwɛli kpɛɛ kaa.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!