Korɛntə veelɛ 6:7 - Yálá laawoo hɛɓɛ (dc)

⁷ a tɛ̨ą woo, a Yálá ŋą hvaŋą, a kɔ́-kɔ kwɛlinŋaai kwa pɛlɛmąą kɛ la, da yiiɠaai kwa tələnmolaa mąąkɔ̨nwɔ̨ la,

Yálá laawoo hɛɓɛ

⁷ a tɛ̨ą woo, a Yálá ŋą hvaŋą, a kɔ́-kɔ kwɛlinŋaai kwa pɛlɛmąą kɛ la, da yiiɠaai kwa tələnmolaa mąąkɔ̨nwɔ̨ la,

Bible

⁷ a dɔ̃yâ-wooi, a Ɣâla ŋɔwála-wala-laai; a tɔ̃yâ laa-la ŋɔtii-kɛ-sãai laa mii yee da kɔɔ yee mɛi mɛni ma;

Korɛntə veelɛ 6:7 ပူးပေါင်းရင်းမြစ်များ

Mąątɛ̨nɛ̨ 119:43

'Hvó tɛ̨ą mąąkwɛa nááləi ɓa, mąąhɔlɔɓo, ɲɛ̨́i heɛi ə́ hvaawooɠaa tɔwɔ.

Lɛɛ gbɔwɔ ɓa 14:22

Israɛlə lonnii di gboloyá teen a di kɔ́wɔ mąą kpalaa, gboloyá tɔɔ di yee kəlee hu yɛ hįi.

Hanwon 3:16

A nu yíi kwɛa, ɛlɛɛ, yɛ yee la hvólón da mąąwiɛ tɛɛ bɔ pələ kəlee hu.

Azaya 11:5

Tələnmolaa da tɛ̨ą, diɛ ɓə pai kɛi a, ɉąą yili hɛn.

Azaya 59:17

Ə tələnmolaa too gwaną, yɛ kɔ́ kɔ́ həɠə, ə nu ɓalo mɛ̨nį lɔ nwuɔ̨ a kɔ́ kɔ́ ɓɔlɔ, ə nwąnąkulɔ mɛ̨nį too gwąną a ŋɛ̨ kilɛn ɉəɠə, ə tolo kɛ a gɔn mą gbaawii.

Markə 16:20

Galan nɛa di pənə di pulu, diɛ Yálá laawoo laa həli kɛɛnąą kəlee. Ną́mu ə kɛi kpɔnmąą tɛɛ di pɔ́ gólói tii kɛ mɛ̨nį hu, yɛ di wɔ kalan gɛ woo kɛ a tɛ̨ą, kpalo mɛ̨nįɠaa kɛɛ hu.

Gɛlaɠaa 11:21

Gu Ną́mu ə kɛ di pɔ, nuąi di ɲɛ̨i tínɛ̨n gu Ną́mu pɔ pələ, diɛ hvilɛn bulu, di kpulu ə kɛli kɛnɛ̨.

Korɛntə dɔlɔɔ 1:24

Kɛlaa, diɛi Yálá aa di təli, yɛ ə kɛ a Ɉuifə, yɛ ə kɛ a huwu takpɛli, Kristə kaa di yəi a Yálá nwɔ huwalawalalaa da Yálá ŋą kilikɛɲəi laa.

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Korɛntə veelɛ 7:14

Mąąhɔlɔɓo, gbɔ́wɔ́ ɲąąkɛnɛ̨i ŋį́ mo ɲɛ̨i ɓa, ká mąą mɛ̨nį hu, və́ nwúmɛ̨ li yili hu, kəlee, yɛ bələi kwa kɛ tɛ̨ą ɓoi la káá a yələ kəlee, ɲɛ̨i ponoi ku ɉɔlɔɓo ká yəi, káá nɛ a tɛ̨ą Titə ɲɛ̨i ɓa.

Ifisiɛŋ 1:13

Yaa tii ɉu lɔ ɓə nwɔ̨nɔ̨, ká dɛ̨ą woo mɛ̨n na, yai a nwɛlɛɛ lɛlɛɛi a nu nwun mąąɓo, yaa ɉu lɔ ɓə nwɔ̨nɔ̨, ká laa na laa hɔlɔɓo laa, ɛlɛɛ, yɛ gɔlɔn ɉii kɛ káá, a Gilii ə naakwɛlanmo, yai a Kili-Mąąhəɠɛɛ.

Ifisiɛŋ 3:20

Yálái tii vaŋą kaa gɛ-mɛ̨nį kɛi gu hu, yai mɛ̨inɛ̨ɛ̨ kɛi guɔ, gɛnɛ̨i dɛɛ kpɔ kɛnɛ̨, kpɔ kɛnɛ̨, yii gwa vɛli mą, da yii gu kili a hvilɛn mą gəlee ɓa;

Ifisiɛŋ 4:21

Akɛ kpɔ Kristə ɓə ká mąą mɛ̨nį mɛ̨n, akɛ kpɔ yaa ɓə ká mąą mɛ̨nį mąąkwɛlii, yɛ bələi gaa la a tɛ̨ą Jesus hui:

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Tɛsalonikə dɔlɔɔ 5:8

kɛlaa, guɔi a yələɓɔɔ lonnii, 'ká gu kɛ gili-gili, 'ká gu gu kəɠə-mɛ̨i-həɠə too, yai a laa na laa, da wɛlikɛmąą laa, ɛlɛɛ, ɓalo mɛ̨nį ŋą kilitɔɔmąą laa ə kɛ a mɔlɔ.

Timote veelɛ 2:15

'Ə́ ŋąąwala, ə́ mąątɛ̨nɛ̨ lɛlɛɛ hɔlɔɓo Yálá ɲəi ɓa, yɛ nui daa mąą mɛ̨nį hukpɛ, yɛ kóló kɛ mun nwumɛ̨ hva tɛ la, yɛ dɛ̨ą woo ŋɛ̨i laa həli kpɔ a ɉaŋąą.

Timote veelɛ 4:7

Ŋą́ą́ kɔ lɛlɛɛ kɔ, ŋą́ą́ nwɔ́ gilɛi laa kulɔ, ŋą́ą́ laa na laa hɔlɔɓo.

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.