Korɛntə veelɛ 6:18 - Yálá laawoo hɛɓɛ (dc)

¹⁸ Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Yálá laawoo hɛɓɛ

¹⁸ Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Bible

¹⁸ ŋa pâi kɛ̂i a kánâŋ, káaŋ ka pâi kɛ̂i a ńônii-sinaa da ńônii-nɛyaa, ŋwála-wala kélee-Nuu-namui ƃa nyíŋi ƃò.”

Korɛntə veelɛ 6:18 ပူးပေါင်းရင်းမြစ်များ

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 48:3

Ɉakɔbə yɛ Ɉosɛfə ɓa: «Huwalawala kəlee Nąmu Yálá ə gbɔwɔ lɛ mą́ą́ Luzə Kanaan lɔi hu, ə lúwɔ́ too mą́ą́;

Samia Veerɛi 7:14

Gáá pai kɛi a nąn, yɛ ɓo a nón, a ɉɔn gɛ, nuą ɓə ŋą́ di kɛ a gɛlɛ hvaɠa.

Kɔlɔnikɔ Maa-ŋuŋ 17:13

Gáá pai kɛi a nąn, yɛ ɓo a nón,. Nwóói ŋį́ gwɛlɛ, vá ɲali bulu yaa tii mą, yɛ bələi ŋį́ gɛ la, a nui kɛ dɔɔkpəlin ɉu ə́ tɔwɔi.

Mąątɛ̨nɛ̨ 22:30

Nwun na nɛ̨ɛ̨ nuąi lɔi mɛ̨i, daa kɔ̨nɔ̨n mįi, diɛ ka gwɛli hvilɛn ɉi mą! Nuąi kpɔ haa pɛ̨ɛ̨ di nwuɔ̨, gəlee kaa pai kwɛli hvilɛn ɉi mą, di hvo pai lɛɛi a yɛnɛ̨ɛ̨ kɛ nuą.

Azaya 43:6

Gáá pai kɛi ɲələi pələ ɓa: «'Və́!» Gɛ́ ɉɛɠɛɛ pələ ɓa: «'Hvó kanąn mą! 'Pənə ə́ pa a nón ɉinąą, yɛ́ həɠə a diɛ kwɛaa la lɔi hu, yɛ́ həɠə a nónnii nɛ̨ąą lɔi kpɛlai, yɛ́ pa a diɛ.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Ɉaan 1:12

Kɛlaa, ə mą kɛ tii, nu tɛi-tɛiɠaai di yee hee mui, di laa na, ə huwalawala tɛɛ di pɔ, ə gɛ, di kɛ a Yálá lonni.

Lomaŋ 8:19

Mąąhɔlɔɓo, pɛli hɛnŋaa kəlee liihɛlɛŋąai diɛ; Yálá lonnii mąą mɛ̨nį too yələ ponoŋą mąąkpɔn.

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Ifisiɛŋ 1:5

Ə gbɛa gu həɠə ɉu, ə gu kɛ a nwɔɔ ɲąąkɔn nonnii Kristə hu, yɛ bələ nwɔ wɛlikɛmąą laa ə kɛ la bɔ;

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 21:22

Kɛlaa, və́ Yálá hee pɛlɛ́ kaa daai tii hu, mąąhɔlɔɓo, Hééɓolaa Kəlee Nąmu Yálá, ɛlɛɛ, da Mɛlaa Lon, diɛ ɓə kɛ a bɛlɛ́.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.