Korɛntə veelɛ 6:14 - Yálá laawoo hɛɓɛ (dc)

¹⁴ Nuąi di hvo laa li Yálá la, ká diɛ ni ka hvo bɛlɛ gee ɓa mɛ̨nį kɛ, gbala ə tɔɔ, nɛ̨ɛ̨laa lə kɛɛ ɓə gaa tələnmomun da hvulumun di lɔwai? Awala kɛ tii, kpɔn nə kɛɛ ɓə kɛɛ pono da kpinį da pɛli naai?

Yálá laawoo hɛɓɛ

¹⁴ Nuąi di hvo laa li Yálá la, ká diɛ ni ka hvo bɛlɛ gee ɓa mɛ̨nį kɛ, gbala ə tɔɔ, nɛ̨ɛ̨laa lə kɛɛ ɓə gaa tələnmomun da hvulumun di lɔwai? Awala kɛ tii, kpɔn nə kɛɛ ɓə kɛɛ pono da kpinį da pɛli naai?

Bible

¹⁴ Diai laa-la fe díyêei káfe díkɛ a káƃarâa. Kpɛ́ni fêi, le ƃé kɛ̀-zu-tɔnɔɔ a gɛ̀ a tɔ̃yâ laa-la da ŋ̀wana-lɔ̂ɔ? Kpaa máŋ, le ƃé kɛ̀-zu-tɔnɔɔ a gɛ̀ a kwaa-ponoɔ da kpíni?

Korɛntə veelɛ 6:14 ပူးပေါင်းရင်းမြစ်များ

Zɛnɛse 24:3

'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Tɔɔɓɛlaa dɔlɔɔ 18:21

Eli ə mąą lɛɠɛ diɛ, yɛ diɛ: «Ka káá pai lɛɛi tɔɔi yai yai, ə lɛɛ la ɉu mįnɛ̨ lɔwai? Akɛ ka káá lɛɛi Yai-Laa gu wɔ Yálái pulu, ka lɛɛ bulu; akɛ ka káá hvilɛn ɉii Baalə pulu, ka hvilɛn bulu.» Kɛlaa, nuą di hvo pɛli woo ta ɓoi.

Kɔlɔnikɔ Veerɛi 19:2

Gwɛlɛɛn gɛɛ kaamun Ɉehu a Hanani lon, ə kulɔ yɛ li Ɉosafatə laakwiɛn ɉii, ə li yɛ mą: «Akɛtii nu ɲɔ̨nwɔ̨ɔ̨ɠaa ɓə yá kpɔnmąą tɛɛ di pɔ, ɛlɛɛ, Yai-Laa ɲowoɠaa ɓə yá di wɛlila kɛ? Yili mąą mɛ̨nį ɓa, Yai-Laa nwɔ liiholii kaa pai ɓɛlai ə́ mɛ̨i.

Ɛsdrasə 10:19

di di kwɛla diɛ di kaa di yee kulɔi di wɔ nwɛ̨ą nɛ̨ąąi hu, di ɓɛlaa hilɛ kulɔ a haláá di wɔ nɛ̨ŋɛ̨nŋąą mąą hvaalɛɛ mɛ̨nį ɓa.

Mąątɛ̨nɛ̨ 106:35

Da huwu takpɛliɠaa di too di kee pɔ, di di yee lɔ di tuwɔ pələɠaa hu.

Mąątɛ̨nɛ̨ 119:63

Nuąi kpɔ da ɲɔw yɛ́, kwa diɛni ɓə ku tɔɔ, a diɛi tii da kɛ ə́ wɔ tiɓoɠaai hon ɉii.

Mąątɛ̨nɛ̨ 16:3

Ɓɛ yɛnɛ̨ɛ̨, ɉeeɓolaaɠaai kpɔ a Yálá nwɔɔ, di ɓɛlɛ kaa diɛ, gəlee wɛli kaa mą́ą́ kpɔ kɛnɛ̨.

Lɛɛ gbɔwɔ ɓa 34:16

Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Hanwon 22:24

'Hvó liikələn gwəimun gɛ a ə́ hiɛ gee pulu, ə́ mąą kwɛa hvaa teemun ma.

Hanwon 29:27

Bələi lɔ nu ɲɔ̨nwɔ̨ɔ̨ wɛli kpɛɛ la tələnmo nuą diɛ, bələ lɔ ɓə tələnmomun nwɛli kpɛɛ la nwąnąlɔ nuą diɛ.

Levetekɔ 19:19

«'Ka nwɔ́ tíɓoɠaai hon, hvó hvaa mą ə́ wɔ taatɛlɛɛɠaai di hvo a huwu tɔ̨nɔ̨, diɛ tɛ di kee ɓa. 'Hvó hihɛn ɉuwu hveelɛ hin ə́ pɔ yɛa, 'hvo həɠə too ə́ kwąną, ə ɓo a həɠə ɓɛla huwu hveelɛ a dee-tee.

Malasi 2:11

Ɉuda nu huwu aa nwɔ liɛwooi lɛɛ, daa túwɔ́ pələ ɲɔ̨n gɛnɛ̨ kɛ Ɉerusalɛmə daai, ə mą kɛ, Israɛlə lɔi hu nąą kəlee. Yaan, kɛɛnąąi kɛ a Yálá nwɔ nąą, mąą mɛ̨nį nwąnąą Yálá ɓa, daa mɛlɛkpɛɛ mą. Hvo lɛɛ a yili, daa nɛ̨ąą həɠə, yiiɠaai da kwɛli hvilɛn haliɠaa diɛ.

Malasi 2:15

Kɛlɛi, Yálá ɓə ka nɛ̨ɛ̨nui tii ka kɛ a nu tɔ̨nɔ̨, ə ka kɔ́lɔ da ka lii pɛlɛ gee ɓa-ee? Gɛ ɉu tɔ̨nɔ̨ laa tii, lə ɓə gaa bɔ? Kɛlɛi, gaa bɔ Yálá ə lon dɛɛ bɔ-ee? 'Ka ká kpɔwɔ mɛ̨i kaa, nɛ̨ɛ̨nui ŋɛ̨i ka ɉəɠə a ka hulɔnon ɲələ, ka hvo gbɛ.

Ɉaan 7:7

Ka wɛli hva pɛli kpɛɛi yɛnɛ̨ɛ̨ ɓa, kɛlaa nwɛ́i, nwɛ́li a kpɛɛi mą, mąąhɔlɔɓo, gáá ɉɔn doo pono ŋą.

Gɛlaɠaa 4:23

Yii kɛa di ɓo Piɛrə Ɉaan da diɛ, də li di ɓɛlaa pɔ, mɛ̨nįi kpɔ ɉalaa laa həli nuą nwun nąmįną, da galanɉonŋąa di mo, di gəlee hukulɔ di mɛlaa diɛ.

Korɛntə dɔlɔɔ 10:21

Ka hva pɛli mą ka hvo ka kpələ a gu Ną́mu nwɔ kpələ kɔwɔi, káá nwɔ̨nɔ̨ ká kpələ a ɲinɛ̨nŋaa di wɔ kpələ kɔwɔ. Ká hva pɛli kɔ̨nɔ̨n mįi gu Ną́mu nwɔ kɔ́wɔi hu, káá nwɔ̨nɔ̨ ká yee lɔ ɲinɛ̨nŋaa di wɔ kɔ́wɔi hu.

Korɛntə dɔlɔɔ 15:33

'Ká hvo ka kpɔwɔ ɓowo: Hiɛ gee pulu ɲɔ̨nwɔ̨ɔ̨, a nu yíi pələ lɛlɛɛ hukala.

Korɛntə dɔlɔɔ 5:9

Nwɔ́ hɛɓɛ́ dɔlɔɔ ŋɛ̨i ŋą dɛɛ káá, ŋą́ bɛ̨ɛ̨ ɉu gɛ́ mą: Nuąi nwɛli mɛ̨nį taaləi tii hu, 'ká diɛni, ká mąą mɛ̨nį ta hvo kɛ gee ɓa.

Korɛntə dɔlɔɔ 6:6

Kɛlaa, mɛ̨nį ta a kɛ nąn nonnii hveelɛ lɔwai, yili ɓo mɛ̨nį ɓa lə yɛnɛ̨ɛ̨ nuą ɲɛ̨i ɓa?

Korɛntə dɔlɔɔ 7:39

Hilɛtai nɛ̨a yiliɛ hilɛ ɓa ŋą yɛnɛ̨ɛ̨ kəlee yee mu. Akɛ ɉilɛ a haa, mąą aa hvoloon, a pɛli hee hulɔnui nwɛli kaa mą bɔ, kɛlaa, ə kɛ a Kristalon da.

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.