Korɛntə veelɛ 5:9 - Yálá laawoo hɛɓɛ (dc)

⁹ Yili ɓa, ku kɔlɔi ŋɛ̨i, ɲɛ̨i mąą ə hvaliŋ-o, ku kulɔ ɉu-o, yii ku gwɛlii ya ɓaa, kwa Yálá lii hon nɔ.

Yálá laawoo hɛɓɛ

⁹ Yili ɓa, ku kɔlɔi ŋɛ̨i, ɲɛ̨i mąą ə hvaliŋ-o, ku kulɔ ɉu-o, yii ku gwɛlii ya ɓaa, kwa Yálá lii hon nɔ.

Bible

⁹ Mɛni ma à nɛ̀ɛ máŋ ku kɛ́ kúpɔ-taai kpaa máŋ ku kúla naa, ku kúkili ŋá sîa a gɛ́ɛ ku ǹíi láa.

Korɛntə veelɛ 5:9 ပူးပေါင်းရင်းမြစ်များ

Zɛnɛse 4:7

Akɛ ya túwɔ́ a nɛlɛɛ, ə́ ɲɛ̨i a pɔ̨nɔ̨, kɛlaa, ya túwɔ́ a ɲɔ̨nwɔ̨ɔ̨, ə́ kɛ nɛ̨ŋɛ̨n a kɛ laani ə́ yəi bɛlɛ́ laaləi yɛ haɠa kɛnɛ̨. Nɛ̨ŋɛ̨n tii a kɛ bɔ, ə tɔɔlaa kɛ ə́ mɛ̨i, kɛlaa, mąąnɛ̨ɛ̨ ə́ yee ə tɛɛ mą.»

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Gɛlaɠaa 10:35

Nui lɔpee a ɲɔw mą, yɛ tələnmo yíiɓo a ɲɛ̨i lɛlɛɛ hee mą.

Lomaŋ 14:18

Nui a kɛi tí kɛ tii Kristə ɓa, ya ɓə gaa a Yálá liiɓamun. Ɛlɛɛ, nuą da dɛ̨nɛ̨.

Lomaŋ 14:8

Mąąhɔlɔɓo, gwa kɛ yɛnɛ̨ɛ̨, gu kaa gu Ną́mu yəi, gwa haa, gu haa gu Ną́mu mąą mɛ̨nį ɓa. Yili ɓa, gu kɛ yɛnɛ̨ɛ̨-o, gu haa-o, gu kaa a gu Ną́mu nwɔɔ.

Lomaŋ 15:20

Kɛlaa nwɛ́i, ɓɛi di hvo ni kɛ Kristə mąą wɛlɛɛ lɛlɛɛ laa həli li laa, nąą ɓə ŋą́ ɉukulɔ laa. Ə gɛ, və́ pa kɛ nwɛ́i kɔwɔ hvilɛn nu takpɛli nwɔɔ mɛ̨i.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə veelɛ 5:6

Yili ɓa tii, ku hvaŋąlɔi lɔ a yələ kəlee, bələi mąn ku ɉukɔlɔn na kuɔ kɛ, yii kpɔ ni ku kaa gɔlɔi ŋɛ̨i hu, ku hvo ku wɔɔ pɛlɛ́i mu, ku mąą kwɛai ni gu Nąmu ɓa.

Korɛntə veelɛ 5:8

A tɛ̨ą, ku hvaŋąlɔɔi lɔ a yələ kəlee, ɛlɛɛ, ku kaa kɛa bɔ ku kulɔ gɔlɔi ŋɛ̨i hu, gwəli ku hee gu Ną́mu kwɛlɛ.

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Kolosə 1:29

Nwɔ́ɔ́ tɔɔ a nwąnąi laa nwun gaa mą, ya ɓaa; gɔi gáá gɔi, a hvaŋąi kolo kɛi ɉú.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Tɛsalonikə dɔlɔɔ 4:11

'Ká ká wɔ yɛnɛ̨ɛ̨ kɛ, a yíi-la-nɛ̨ɛ̨, 'nu kəlee ə ɲɛ̨i lɛɛ gbɔwɔ mɛ̨nį ɓa, ɛlɛɛ, ə kóló kɛ a gbɔwɔ yee, yɛ bələi ku ká tí la,

Timote dɔlɔɔ 4:10

Gbala ə tɔɔ, akɛ gu kaa mɔ̨nɔ̨ mįi, ɛlɛɛ, guɔ kɔ́, gu kili ɓə gu dɔɔ Yálá hvúlúmąą ɓa, yai a nu kanŋaa kəlee ɓalomun, gəlee ə mą kɛ, laa na nuą.

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Hebreu 4:11

'Ká gu gu mąą hulɔ kani, gu lɔ vįitɔɔ tii hu, ə gɛ, gili walawala lii tii, hvo pa nu ta too.

Piɛrə veelɛ 3:14

Yili ɓə gaa mą:, nwɛ́li kɛ mąą nuą, gwa kɛi mąąkpɔn ti kɛ, ka ka ŋąą wala, ə gɛ, a pa, ə ka káá liilaa hu, hɔn nɔpee ta hvo kɛ kaa.