Korɛntə veelɛ 5:20 - Yálá laawoo hɛɓɛ (dc)

²⁰ Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Yálá laawoo hɛɓɛ

²⁰ Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Bible

²⁰ Mɛni ma kúkaa a Kôrai pɔ́ɔ-ŋa-ƃela, Ɣâla kɛ́ ǹûai toli ku-sârai. Kwa kákpera fei Kôrai mɛni ma a gɛ́ɛ ka Ɣâla-ni ká káloai kpɛtɛ.

Korɛntə veelɛ 5:20 ပူးပေါင်းရင်းမြစ်များ

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Kɔlɔnikɔ Veerɛi 36:15

Di nąnni di wɔɔ Yálái Yai-Laa ə di liɛwoo ɓo, gwəi mɛ̨nį hukulɔ nuą laaləi gee mɛ̨i tamąą, mąąhɔlɔɓo, nwɔ nuąi ɲɛ̨imąąwɛli ə kɛ mą, da gbɔwɔ nwɔ pɛlɛ́i.

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Zôo 22:21

Ka Yálá ka ka lɔwai pɔn naa pu, ə gɛ liilaa ə kɛ ka lɔwai, a kɛ ti, ə́ kaa pai nwun na nɛ̨ɛ̨ hɔlɔɓoi.

Zôo 33:23

Kɛlaa, ya lɔ ɓaa malaka ta ə lɛɠɛ mą, yii a kɛ a Yálá, da nu kanŋąą di lɔwai pɔn naa kulɔmun, tanɔ̨n di ɉəɠə waa lɔwai, yili a pɛli ə nu hiɛ pələ lɛ mą.

Zôo 33:6

Yálá ɲɛ̨i ɓa, gwa yɛ́ gu kaa tɔ̨nɔ̨, ɲą́ą́ gbɛli mąn, di bɛ́li lɔ a pɔlɔ.

Hanwon 13:17

Wɛlɛɛ ɓomun ɲɔ̨nwɔ̨ɔ̨ a mɛ̨nį nwąnąą laa gbɔwɔ ɓa. Kɛlaa, wɛlɛɛ ɓomun nɛlɛɛ a nu ɓalo.

Azaya 27:5

Kɛlaa nui a gɛ́ a mąąkpɛmun, kwa yaa kwa liilaa mįnɛ̨ həɠə, kuɔ yɛnɛ̨ɛ̨ kɛ liilaa hu.

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lukə 14:23

«Ɉulɔnui tii ə mo nwɔ̨nɔ̨ nwɔ tímun ma, yɛ mą: ‹'Li daa pulu, ɲɛa pələɠaa pɔ, galaɠaa koo ɓa, nui lɔpee yá gaa laa, ə́ mo mą kpɔ a ə́ nwąnąąi ə pa, əgɛ, nwɔ́ɔ́ pɛlɛi laa ə hvɛɛ.

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Korɛntə veelɛ 3:6

Yaa ɓə a hvaŋą tɛɛ ku pɔ, kuɔ pɛli kɛi a mįnɛ̨ nįnɛ̨ hu kóló kɛ nuą, mįnɛ̨ nįnɛ̨i tii hvo a hɛɓɛ́ kɔw, kɛlaa, gaa a Kili-Mąąhəɠɛɛ ŋą mɛ̨nį; hvo gaai, dɔn ɉɛɓɛ́, a nu paa, kɛlaa, Kili-Mąąhəɠɛɛ nwɛi, a yɛnɛ̨ɛ̨ tɛɛ nu pɔ.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Kolosə 1:20

ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.