Korɛntə veelɛ 5:10 - Yálá laawoo hɛɓɛ (dc)

¹⁰ Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Yálá laawoo hɛɓɛ

¹⁰ Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Bible

¹⁰ Kpɛ́ni fêi, fɛ̂ɛ kúkelee kútûa-perei é lɛ́ Kôrai ŋɔmɛni-ŋa-tee see-sɛŋ ŋɛ́i tuɛ a gɛ́ɛ núu kélee é ŋɔfela-fei lɛ́lɛɛi kpaa máŋ ŋɔfela-fei nyɔ́mɔɔi sɔlɔ ƃó yɛ̂ɛ berei e ŋɔfúlu-laai kɛ̀ la gbonôi.

Korɛntə veelɛ 5:10 ပူးပေါင်းရင်းမြစ်များ

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Tɔɔɓɛlaa dɔlɔɔ 8:32

Ee! Yai-Laa, lɛɛ yələkɔlɔn ɉu, ə́ ə́ wəli tɔɔ, ə́ ə́ kɛ mɛ̨nį kɛ ɉu, ə́ ə́ wɔ tínuą hutɔɔ, nui a ɉɔn gɛ, ə́ gala mą, a nwɔ nɛ̨ŋɛ̨n yɛɛi ya mo a nwun. Ɛlɛɛ, nui túwɔ́ a ɉaŋąą, nwɔ tələnmolaa ə kulɔ pɔ̨nɔ̨ŋą.

Tɔɔɓɛlaa dɔlɔɔ 8:39

Ee Yai-Laa, lɛɛ yələkɔlɔn ɉu, ɓɛi ə́ kaa laa, ə́ ə́ wəli tɔɔ, ə́ mąąhvaalɛɛ, ə́ ə́ kɛ mɛ̨nį kɛ ɉu; ə́ ɉon yɛ bələi ə túwɔ́ la. Mąąhɔlɔɓo, ə́ gwəi kɔ́lɔn, yaan, yɛ́ tɔ̨nɔ̨ lɔ ɓə nu kanŋaa kwəi kiliŋąhiɛ kɔ́lɔn.

Zôo 34:11

Mąąhɔlɔɓo, nu túwɔ́ pələ ɓə a bɔɔ kulɔ mą, yɛ nu tɛitɛi hon, yɛ bɛli ɉiɛ pələ ɓa.

Mąątɛ̨nɛ̨ 62:12

Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Ikilisiati 11:9

Yɛ́i a nunwunu, ə́ wɔ nunwunulaa ɲąąnɛ̨ɛ̨ kulɔ, ə́ ɲąąnɛ̨ɛ̨ kulɔ nąąlɔwai. Yii kpɔ a nɛ̨ɛ̨ yɛ́, gɛ. Yii yá gaa a nɛlɛɛ, yili kɛ. Kɛlaa, ə́ kili lɛɛ ɉu a nɛlɛɛ, yɛ́ kɛ: Yálá kaa pai ə́ kɛ mɛ̨nįɠaa tii kəlee kiti teei.

Ikilisiati 12:14

Yálá kaa tínąą nu kəlee da di kwɛlanmo Yálá ɓa; yii kpɔ hvilɛn na nu kɛ mɛ̨nįɠaa diɛ, ə kɛ a nɛlɛɛ, ə kɛ a ɲɔ̨nwɔ̨ɔ̨, ə mą kɛ, yiiɠaai di gɛ loo hu, da tínąą gəlee gwɛlanmo kɛ Yálá ɓa.

Izikiɛ 18:30

Yili mąą mɛ̨nį ɓa, gáá pai ka tɛi tɛi ka kiti teei ka túwɔ pələ mąą mɛ̨nį ɓa, Israɛlə nwɔ pɛlɛ́i; ɲą́ą́ Mɛ̨nį kəlee ŋą Hééɓomun Yálá, nwóó li. Yili ɓa, 'ka pənə ka pa, 'ka ká pulu tinɛ̨n ka wɔ kulɔ nwoo mu laai ɓa, ɛlɛɛ, ɉɛn kɛi ka kalin yɛ ka too nɛ̨ŋɛ̨n ɉu, ka hvo nɛɛ ka lɔwai.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Gɛlaɠaa 10:42

Ə vɛli kuɔ, yɛ ku mąą mɛ̨nį laa həli nɔi nuą diɛ, ɛlɛɛ, ku nɛ diɛ kuɔ diɛ yaa ɓə Yálá aa ɉəɠə ɉu, aa gɛ a nu hvulúmąąɠaa da haaɓɛlaa di kiti teemun.

Gɛlaɠaa 17:31

Hvo gaai, aa kuu ta hee, yɛ gaa pai yɛnɛ̨ɛ̨ nuą kəlee kiti teei a ɉaŋąa, a Nui ə ɉəɠə ɉu. Ə nɛ nu kəlee ɓa, yɛ mɛ̨nįi tii hvo pai ɉəɠəi mą, a nui ə nwun, ə gulɔ haa nuą lɔwai.»

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Lomaŋ 6:19

Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 7:3

Və́ yili ɓoi ti káá, ká hvala mɛ̨nį ɓa, mąąhɔlɔɓo, ŋą́ą́ gbɛa kɛ mo káá, ká káá ku lii hu, ə kɛ haa hu, ə kɛ ku hvulú kɔwɔ ɲą.

Ifisiɛŋ 6:8

Gbaɠala kaa ti káá, káá; mɛ̨nį lɛlɛɛi nu tɛitɛi kaa pai gɛi, gaa pai kwiɛn ɉii la gu Nąmu kwɛlɛ, ə́ kɛ a luwɔ-o, ə́ kɛ a lii gbɔwɔ ɓamun.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Piɛrə dɔlɔɔ 4:5

Kɛlaa, di kaa pai di kwɛlanmoi nui ɉɛ̨ą yiliɛ nu hvulúmąąɠaa da haa nuą di kiti tee mɛ̨nį ɓa.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

M̀ɛni-lɛɛi 22:12

«'Ɓɛ kaa, gáá pai ɉu hvo kwɛa li, ɛlɛɛ, ŋą́ nu hvɛla kulɔ hɛn ə ɓo ɲéé ɲą, gɛ́ pa nu tɛitɛi hvɛla kulɔi yɛ bələi ə tuwɔ la.

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.