Korɛntə veelɛ 4:2 - Yálá laawoo hɛɓɛ (dc)

² Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Yálá laawoo hɛɓɛ

² Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Bible

² Kwa kúyee kúla noo-mɛni-ŋai su nyíi-ŋai díkaa a ŋumɛ-mɛnii; kúfa fâa ma a gɛ́ɛ ku wôya maa kɔ́ri, kpaa máŋ ku Ɣâla ŋɔwóoi ƃó a maa-faleŋɔɔ, kɛ́lɛ, kwa kúkpîŋ lɛ̀ nuu-kpune ŋɔkili-ŋa-siai ma Ɣâla ŋɛi a Ɣâla ŋɔtɔ̃yâ-wooi ƃóɔ pono ŋá.

Korɛntə veelɛ 4:2 ပူးပေါင်းရင်းမြစ်များ

Tɔɔɓɛlaa dɔlɔɔ 18:34

Yɛ diɛ: «Ka nowaɠaai ŋɛ̨i laahvɛɛ a yá, a yáləɠi ɲą nąąn, ka da pu ɉuwɔ ɓa, da gwɛi.» Nuą di kɛ tii. Eli yɛ nwɔ̨nɔ̨ diɛ: «'Ka pənə nwɔ̨nɔ̨ ka gɛ tii.» Nuą di gɛ tii. Yɛ nwɔ̨nɔ̨ diɛ: «'Ka pənə nwɔ̨nɔ̨ ka ɉaaɓa nąą kɛ.»

Lomaŋ 1:16

Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Korɛntə veelɛ 11:6

Ŋą́ gɔlɔn, náákpan ɉu hvo tee li mɛ̨nį ɓoi, kɛlaa, yii hvilɛn na mɛ̨nį kɔ́lɔn ŋąą ɓa, nwɛi gaa ɲə́i. Mɛ̨nį kəlee hu, a pələ huwu kəlee, kwaa yili kpaɠala lɛ káá.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 5:11

Yii kani, bələi mąąnɛ̨ɛ̨ gu ɲɔw la gu Nąmu ɓa, nu kəlee ə gɔlɔn, kwa tɔɔ a ku nwąnąi, kuɔ nuą kilaa pono, ɛlɛɛ, Yálá ɲɛ̨i ɓa, ku mąą mɛ̨nį hu ponoɔi. Nwɔ́ɔ́ kwəi pələ, mą́ą́ mɛ̨nį hu ponoɔi káá kpɛlimąn ká kili hu pələ.

Korɛntə veelɛ 6:8

mąąwiɛlaa hu da ɓɛlɛkpɛɛ gwəi laa hu, laa kala hu da nu laa lɛlɛɛ ɓoɔ hu, diɛ ku kaa a lɛɛ nuą, yá pa kuɔ tɛ̨ą ɓo,

Korɛntə veelɛ 7:14

Mąąhɔlɔɓo, gbɔ́wɔ́ ɲąąkɛnɛ̨i ŋį́ mo ɲɛ̨i ɓa, ká mąą mɛ̨nį hu, və́ nwúmɛ̨ li yili hu, kəlee, yɛ bələi kwa kɛ tɛ̨ą ɓoi la káá a yələ kəlee, ɲɛ̨i ponoi ku ɉɔlɔɓo ká yəi, káá nɛ a tɛ̨ą Titə ɲɛ̨i ɓa.

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Ifisiɛŋ 5:12

Mɛ̨nįi nuą tii da gɛ loo pələi, bələ ɓoɔ kpɛli kpɛli kaa a nwumɛ̨ mɛ̨nį.