Korɛntə veelɛ 3:7 - Yálá laawoo hɛɓɛ (dc)

⁷ Dɔ́n nwooɠaa tii pɛ̨ɛ̨i kɛ kwɛnį ɓɛla mɛ̨i, dɔn tii a nu paa, Moisə ɓə kɛ a ŋą tímun. Bələi mąn ə kɛ la tii, ə kɛli mąąwiɛlaa kɛnɛ̨ hɔlɔɓo ɲəi, mąąwiɛlaa tii ɓə kɛli Moisə ɲɛ̨ilai lən, Israɛlə lonnii di hvo kɛli pɛli di ɲai heei ɲɛ̨ilai, yá pa, hvo lamun mą,

Yálá laawoo hɛɓɛ

⁷ Dɔ́n nwooɠaa tii pɛ̨ɛ̨i kɛ kwɛnį ɓɛla mɛ̨i, dɔn tii a nu paa, Moisə ɓə kɛ a ŋą tímun. Bələi mąn ə kɛ la tii, ə kɛli mąąwiɛlaa kɛnɛ̨ hɔlɔɓo ɲəi, mąąwiɛlaa tii ɓə kɛli Moisə ɲɛ̨ilai lən, Israɛlə lonnii di hvo kɛli pɛli di ɲai heei ɲɛ̨ilai, yá pa, hvo lamun mą,

Bible

⁷ Kɛ́lɛ, à kɛ̀ díi nyíi a pâ a saa nyíi bɔ̃yɛɛ̂i kɔni mai, è pà a folo-laa a gɛ́ɛ Eezuɛ-ŋai dífe pɔ̂ri Mose ŋɛi kâai sii, kpɛ́ni fêi ŋ̀ɛi è kɛ̀ fólôi, nyíi maa-folo-laai è kɛ̀ tɛɛ̂i,

Korɛntə veelɛ 3:7 ပူးပေါင်းရင်းမြစ်များ

Zɛnɛse 3:21

Yai-Laa ə Adamə da nɛ̨ą di mąą həɠə pɛli a huwɔ kɔ́lɔ, ə doo di kwaną.

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Mąątɛ̨nɛ̨ 119:174

Yai-Laa, ə́ yei ɓə gáá bɔ ŋį́ ɓalo hɔlɔɓo laa, ɛlɛɛ, gwə́inɛ̨ɛ̨ hɛn maa ə́ wɔ tɔn nwooi.

Mąątɛ̨nɛ̨ 119:97

Ə́ wɔ tɔn nwooi wɛli kaa mą́ą́! Ŋą́ ɉu kpɛ a yələ kəlee.

Lɛɛ gbɔwɔ ɓa 24:12

Yai-Laa yɛ Moisə ɓa: «'Tɛ́ bɔ́ pələ, ɲee nwuɔ̨, ə́ lɛɛ laa ŋį́ gwɛni ɓɛlaɠaa tɛɛ ə́ pɔ. Diɛ ɓaa Dɔ́n nwoo da díɓoɠaai ŋį́ di pɛ̨ɛ̨, yɛ́ pɛli nuą mąąkwɛlii mą.»

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 32:19

Di kɛɛ lɛɠɛi muwu la, di nįŋɛ̨ lon gaa, nuą daa wələ yɛli tinɛ̨n mą. Moisə lii ə holi kpɔ kɛnɛ̨, gwɛni ɓɛlaɠaa ti kɛ ɲəi, ə bili, gəlee hu ə yali ɲee kɔ́wɔ la.

Lɛɛ gbɔwɔ ɓa 34:1

Yai-Laa yɛ Moisə ɓa: «Kwɛni ɓɛla hveelɛ mąą haɠa yɛ́ kpinįi, yɛ bələi dɔlɔɔɠaa di kɛ la, nwooi lɔ tii kɛ dɔlɔɔ ɓa, diɛi tii ə́ di wolo, ŋį́ pənə ŋį́ bɛ̨ɛ̨.

Gɛlaɠaa 6:15

Nuąi kpɔ kɛ dɔ́n gələ mu, di kəlee di di ɲɛ̨i hee Etiɛnə ɓa, ɲɛ̨ilaai ə ɓo yɛ Yálá nwɔ malaka ta.

Lomaŋ 10:4

Mąąhɔlɔɓo, Kristə ɓə a dɔ́n gbɛlai, əgɛ, nuąi da laa na, di tələnmolaa hɔlɔɓo.

Lomaŋ 4:15

Mąąhɔlɔɓo lííholi a kulɔ dɔ́n ɉu. Ɓɛi tɔ́n və laa, mɛ̨nį kalaa hvo laa.

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Lomaŋ 7:10

Ɲą́ą́n ŋą́ą́ haa: Liɛwoo ŋɛ̨i kɛ mąąnɛ̨ɛ̨ ə yɛnɛ̨ɛ̨ tɛɛ bɔ́, aa kɛ a báá hɛn.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Lomaŋ 7:5

Ɓɛlɔwai gu kɛ la kɔ́lɔ yee kɔnmą, dɔ́n gala túwɔ́ɠaa lɔ ɓə gu kɛli mo; gu ɓá yɛ kɛ a haa nwɔɔ.

Korɛntə dɔlɔɔ 13:10

Kɛlaa, ɓɛlɔwai mɛ̨nį kəlee laa kaa pai hvɛɛi la, mɛ̨nį ɲɛ̨n dɔɔɠaa tii kəlee da kpɛɛ.

Korɛntə veelɛ 3:3

Gəlee ə mą kɛ, ka káá a hɛɓɛ́i Kristə ə bɛ̨ɛ̨, galihvaɓoɔ kuɔ, kuɔ naa həli; hvo pɛ̨ɛ̨ li a hɛɓɛ́-yá, kɛlaa, bɛ̨ɛ̨i a Yálá hvulúmąą ŋą Kilii yee pɔɔ, hvo pɛ̨ɛ̨ li kwɛni ɓɛla mɛ̨i, kɛlaa, bɛ̨ɛ̨i nuą kili pɔ.

Korɛntə veelɛ 3:6

Yaa ɓə a hvaŋą tɛɛ ku pɔ, kuɔ pɛli kɛi a mįnɛ̨ nįnɛ̨ hu kóló kɛ nuą, mįnɛ̨ nįnɛ̨i tii hvo a hɛɓɛ́ kɔw, kɛlaa, gaa a Kili-Mąąhəɠɛɛ ŋą mɛ̨nį; hvo gaai, dɔn ɉɛɓɛ́, a nu paa, kɛlaa, Kili-Mąąhəɠɛɛ nwɛi, a yɛnɛ̨ɛ̨ tɛɛ nu pɔ.

Korɛntə veelɛ 3:8

gu hvo mun kɛ, Yálá nwɔ Kilii ŋą kóló, nwɔ mąąwiɛlaa hva mɔ̨ɔ̨ kɛnɛ̨ ə tɛɛ yili ɓa?

Galatə 3:10

Gbala ə tɔɔ, dɔn bɔ yíiɓo nuą kəlee, di kaa dɔn ŋą nąŋɛ̨n naa yee mu, hvo gaai, ɉɛɓɛ́ yɛ diɛ: Nui hvo pai Yálá nwɔ tɔ́nŋąą ŋɛ̨i bɛ̨ɛ̨, bɔ yíiɓoi, nɛ̨ŋɛ̨n naai!

Galatə 3:21

Akɛ tii dɔ́n a kɔ pɛlɛ mɔ̨ɔ̨ Yálá ŋą mɛ̨nį laakwɛlanmoɔ ɓa? Kpaa-o! Akɛ dɔ́n a pɛli kɛ yɛnɛ̨ɛ̨ tɛɛi, ɛlɛɛ, ə li kɛ, nu kanŋaa di dɔ́n ɲili hɔlɔɓo kɛi, yɛ mą dɔ́n ə li pɛli mą, nu kanŋaa tələnmoi.

Dutɛrɔnome 4:13

Ə nwɔ mįnɛ̨i hukulɔ kaa, a tɔ́n bow, yɛ kɛ ka bɔ yíi ɓo; ə di pɛ̨ɛ̨ kpəlin mɛla hveelɛ mɛ̨i.

Dutɛrɔnome 4:8

Lɔi lə kɛɛ ɓə laa, gɛnɛ̨, tɔ́nŋąą da yɛnɛ̨ɛ̨ hon bələ yɛ ɓo ɲəi, di haŋąą yɛ bələi dɔ́nŋąą ŋɛ̨i gáá dɛɛi ka pɔ di kaa la?

Dutɛrɔnome 5:22

Yai-Laa ə mɛ̨nįɠaai ŋɛ̨i ɓo ka kəlee kaa, ka ɲąąkpɔnŋąą, ə kɛ ɲee nwuɔ̨ nwɔ̨n ɉąą nwɔ̨n nulu da tulɔ kpinįn ɉuwia hu, a nwoo kɛnɛ̨, ɛlɛɛ, hvo mɛ̨nį ta pɛlɛ mą. Ə di pɛ̨ɛ̨ kwɛni ɓɛla hveelɛ mɛ̨i, ə gwɛni ɓɛlaɠaai tii tɛɛ bɔ́.

Dutɛrɔnome 9:15

Ŋą́ pənə ŋį́ ɲee yɛɛ, ɲee tii kɛ yɛ nwɔ̨n ɉu; mįnɛ̨ kwɛni ɓɛla hveelɛi di ɓo ɲéé ŋą.

Hebreu 12:18

Ká hvo ká mąąlɛɠɛ li hɛn da ɓa, yii nu yá ə́ yee tunwɔ̨n mą, yɛ bələi: Nwɔ̨n nən, kɛɛkpinįɛ, kpinį, túlɔ́-hvaŋą,

Hebreu 3:3

Kɛlaa, mąąwiɛlaai Jesus ə ɉɔlɔɓo gɛnɛ̨i dɛɛi Moisə nwɛi ɓa, yɛ bələi lɔ pɛlɛ́ tɔɔ mun, ŋą mąąwiɛlaa kɛnɛ̨i la dɛɛ bɛlɛ́i ə dɔɔ mą.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.