Korɛntə veelɛ 3:12 - Yálá laawoo hɛɓɛ (dc)

¹² Ku ɲɛ̨i kɛɛ mɔ̨ɔ̨ mɛ̨nį taaləi tii tɔwɔ, yili ɓə a ku wɔɔ laa na laa hvaŋą kɛ ɉu.

Yálá laawoo hɛɓɛ

¹² Ku ɲɛ̨i kɛɛ mɔ̨ɔ̨ mɛ̨nį taaləi tii tɔwɔ, yili ɓə a ku wɔɔ laa na laa hvaŋą kɛ ɉu.

Bible

¹² Tãi gili-kɛ-zu-sii ti káa la kúyêei, lii-kpele támaa káa kúyêei,

Korɛntə veelɛ 3:12 ပူးပေါင်းရင်းမြစ်များ

Ɉaan 10:24

Ɉuifəɠaa di mąątinɛn, diɛ mą: «Akɛti, ə́ kaa pai ku lɛɛi kwəi pili mąą hu, hvo kɛ li mįnɛ̨ lɔwai hvo ku kulɔ ɉu? Akɛ, Nwun mąąɓomun Yálá ə naakwɛlanmo ya ɓaa a yɛ́, ə́ laa tee kpɔ ma, ə́ mo kuɔ.»

Ɉaan 16:25

«Ŋą́ mɛ̨nįɠaai tii kəlee ɓo kaa hanwon ɉu, kɛlaa, lɔwai ta kaa pai ɉəlii, və́ pai kɛa mɛ̨nį ɓoi kaa tii. Kɛlaa, yii hvilɛn na Ną́n mąą mɛ̨nį ɓa, ŋą́ mo kaa a ɉuponoɔ.

Ɉaan 16:29

Nwɔ́ kalan nɛai diɛ mą: «Ə́ kaa kɛa mɛ̨nį ɓoi a ɉu ponoɔ̨, hanwon və ɉu.

Gɛlaɠaa 14:3

Polə da Barnabasə di yíikuu ta wolo kɛ laa, di kilitɔɔi kɛ gu Nąmu ɓa, gu Nąmu kpinįi ə kɛli tɔɔ, nwɔ nɛ̨ɛ̨laai mąą kalan di kɛli kɛ bulu, a gwɛlɛɛn mɛ̨nįɠaa da kpalo mɛ̨nį tamąąi ə kɛli mąą laa tɛɛ di pɔ, diɛ gɛ.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Gɛlaɠaa 9:27

Barnabasə ɓə kɛa ɉəɠə ə li la gɛlaɠaa pɔ. Bələi kpɔ Solə ə gu Ną́mu Jesus kaa la Damasə pələi mɛ̨i, da bələi nwɔ̨nɔ̨ gu Ną́mu Jesus ə pələ ɓo la mą, ə gəlee hukulɔ diɛ, ɛlɛɛ, bələi Solə ə Kristə mąą mɛ̨nį lɛ la Damasə daai a tɛ̨ą, ə yili kəlee hukulɔ diɛ.

Gɛlaɠaa 9:29

Ɉuifəɠaai kɛi Grɛkə woo ɓo, da diɛ ni di kɛi hɛa too di kee lɔwai, kɛlaa, yiliɠaai di kɛli baa pələ kwɛli.

Korɛntə dɔlɔɔ 14:19

Kɛlaa, gbɔn ɉu, nɛlɛɛ ɓaa, ŋą́ woo lɔɔli ɓo, nuą di mɛ̨n, ə tɛɛ, woo waa tamąą ɓa, yii di hva mɛ̨n.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 3:11

Gbala ə tɔɔ, akɛ hɛn lamun hvo kɛ mą, mąąwiɛ pələ ə kɛ tii, gu hvo mu kɛ, mɛ̨nįi kpɛɛ hvo mą?

Korɛntə veelɛ 4:13

Ɛlɛɛ yaan, gilitɔɔmąą laa tii kɛɛ mɔ̨ɔ̨ ku yəi, kuɔ Yálá mɛ̨nį kaa la a tɛ̨ą, yai di mąą mɛ̨nį pɛ̨ɛ̨, diɛ kɛ la mą: «Gaa ɓə ŋą́ mo a tɛ̨ą, yili ɓə gɛ, gɛ́ hvaa mą» yili a kɛ tii, kuɔ kpɛlimąn, ku gaa a tɛ̨ą, yili mąą mɛ̨nį ɓə ku kaa hvaai la.

Korɛntə veelɛ 7:4

Kilitɔɔmąą laa kɛnɛ̨ɛ̨ kaa ɲə́i, ká mąą mɛ̨nį ɓa, ɲɛ̨i pono kɛnɛ̨ɛ̨ kaa ɲə́i ká mąą mɛ̨nį ɓa, gwə́inɛ̨ɛ̨i kpɔ kɛnɛ̨ ku wɔ mɔ̨nmɔ̨ɠaa kəlee hu.

Filipə 1:14

Gɛ́ mɛ̨nį gaho ɲą, yili aa gu nąn nonnii tamąą di wɔɔ liikpələ ta kɛ mą, gu Ną́mu hu, di hva ɲɔw Yálá lawoo laa həli.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Kolosə 4:4

gɛ́ pɛli Kristə mąą mɛ̨nį hukulɔ a ɉu ponoɔ yɛ bələi mąąnɛ̨ɛ̨ ŋį́ mo la.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Timote dɔlɔɔ 3:13

Mąąhɔlɔɓo, nuąi gbɔn ɉu mɛ̨nį ɲɛ̨i kulɔ mɛ̨nį kaa di nwuɔ̨, daa kóló lɛlɛɛ həɠə ɉu, di kilitɔɔmąą laa kɔwɔ hvilɛnŋąą laa na laa mɛ̨i Jesus Kristə hu.

Filemɔn 1:8

Yili ɓə gaa mą, bələi mąn Kristə aa lɛɛ gbɔwɔ ɓa laa tɛɛ la bɔ́, gɛ́ pɛli ə́ tíi a ə́ kɛ mɛ̨nį,