Korɛntə veelɛ 3:1 - Yálá laawoo hɛɓɛ (dc)

¹ Kuɔ ɓə mɔ̨ɔ̨ kuɔ ku pa tɔɔ nwɔ̨nɔ̨, kuɔ ku kpɔwɔ lɛ káá a ku mąątɛ̨nɛ̨ pələ? Awala kɛ tii, ku kpɔwɔ mąą liɛwoo kɛ hɛɓɛ́ kɛ mɛ̨nį mąąkpaan gaa kuɔ, kuɔ paa la ká pɔ? A wala kɛ ti, káá dɛɛ ku pɔ, yɛ bələi yili mąąkpaan gaa la nu takpɛliɠaa diɛ?

Yálá laawoo hɛɓɛ

¹ Kuɔ ɓə mɔ̨ɔ̨ kuɔ ku pa tɔɔ nwɔ̨nɔ̨, kuɔ ku kpɔwɔ lɛ káá a ku mąątɛ̨nɛ̨ pələ? Awala kɛ tii, ku kpɔwɔ mąą liɛwoo kɛ hɛɓɛ́ kɛ mɛ̨nį mąąkpaan gaa kuɔ, kuɔ paa la ká pɔ? A wala kɛ ti, káá dɛɛ ku pɔ, yɛ bələi yili mąąkpaan gaa la nu takpɛliɠaa diɛ?

Bible

¹ Kwa pá pɛlɛ̂i kúkpîŋ lɛ́ɛ ma ŋɔ́nɔ? Kpaa fɛ̂ɛ ku kɔlɔ tɛɛ kápɔ kúlɛ mɛni ma, yɛ̂ɛ berei núu da-ni da gɛ̀ lai, kpaa máŋ fɛ̂ɛ ku kɔlɔ kúla káyêei.

Korɛntə veelɛ 3:1 ပူးပေါင်းရင်းမြစ်များ

Gɛlaɠaa 18:27

Yɛ bələi ə naala gwəi, yɛ kɛ, ə li Akaiə, gu nąn nonnii di hvaa nwoo ti ɓa, di hɛɓɛ́ tɛɛ nąą kalan nɛa diɛ, diɛ kɛ diɛ, di di yee Apɔlɔsə mu a nɛlɛɛ. Ɉəliɛ laa, ə kpɔnmąą tɛɛ kpɔ nąą kalan nɛa pɔ kɛnɛ̨, Yálá ŋą lúwɔ́ háálai.

Lomaŋ 16:1

Gáá gu mąąhala Febe mąą mɛ̨nį laa həlii káá, yai a Sankre Yálá kpɔn ŋą tínɛ̨ą.

Korɛntə dɔlɔɔ 10:33

Yili ɓə a gɛ, ɲą́ą́ gbínįi ŋą́ tɔɔ a nwą́ną́i, gɛ́ gbɔ́wɔ́ lɛlɛ pələ kwɛli nu kəlee ɲɛ̨i ɓa mɛ̨nį kəlee hu, a gbɔ́wɔ́ tɔ̨nɔ̨i vá gwɛli, kɛlaa, nu kpulu kɛnɛ̨ nwɛi, ə gɛ, di nwun mąą ə ɓo.

Korɛntə dɔlɔɔ 16:3

Ɓɛlɔwai ŋą́ paa la, nuąi ká di həɠə ɉu, ŋą́ dɛɛ di pɔ ŋą́ bɛlɛ hɛɓɛ́ ɓa, də li la Ɉerusalɛmə.

Korɛntə dɔlɔɔ 3:10

Mɛ̨inɛ̨ɛ̨ Yálá ə gɛ mą́ą́ ɉaalai, ɲą́ą́ yɛ yɛlɛkɛmun nɛlɛɛ, ŋą́ gɔ́wɔ hvilɛn, nu ta kpɛli ə dɔɔ. Kɛlaa, nu kəlee ə gɛ a nɛlɛɛ nwɛi tɔɔ pələ hu.

Korɛntə dɔlɔɔ 4:15

Hvo gaai, ə mą kɛ, mąąkwɛli kɛ nuą waa pow a hɔlɔɓo, diɛ Kristə mąą mɛ̨nį lɛ káá, ka nąnni di hvo tamą li, ɲą́ą́ lɔ ɓə, Nwɛlɛɛ lɛlɛɛ háálai, ɲą́ą́ ɓə ka káá a lon Jesus Kristə hu.

Korɛntə veelɛ 10:12

Ku hva ku liikpələ, kuɔ ku kpɔwɔ kɛ yɛ nu taɠaa, awala kɛ tii, kuɔ ku kpɔwɔ kɔɔn diɛ. Diɛi da mɛ̨nį kəlee gɔɔnmąą həɠə di kpɔwɔ mɛ̨i, di kili aa kpɛɛ di yəi.

Korɛntə veelɛ 10:18

Nui a gbɔwɔ mąą liɛwoo kɛ, yɛ gbɔwɔ mąątɛ̨nɛ̨, yaa hvəə dɔlɔ ka mą, kɛlaa, nui gu Nąmu a mąą liɛwoo kɛ, a mąątɛ̨nɛ̨ pələ.

Korɛntə veelɛ 10:8

Mąąhɔlɔɓo, nwumɛ̨ hva pɛli tɛi a ɲą́ą́, ɉuwalawalai gu Nąmu Jesus ə dɛɛ bɔ́ ká hutɔɔ mɛ̨nį ɓa, ɉu, hvo dɛɛ li bɔ́, ká kala mɛ̨nį ɓa.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Korɛntə veelɛ 12:19

Kɛlɛi, ɉu aa kwɛa, a kɛ ká kwəi, ku kaa ku kpɔwɔ nwun mąąkɔ̨nwɔ̨i ká ɲɛ̨i ɓa-e? Kpaa-o, Yálá ɲɛ̨i ɓa, Kristə hu ɓə ku kaa pələ ɓoi laa. Yili kəlee hu, nwɛ́likɛmąą nuą, ká hutɔɔ mɛ̨nį ɓə a mɛ̨nį lɛlɛɛ.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 5:12

Ku hvo pənəi kuɔ ku kpɔwɔ mąą mɛ̨nį lɛ káá, kɛlaa ku kaa bɔ, ká ɲɛ̨i ə pono ku mąą mɛ̨nį hu, nuąi di nwun dɛ mɛ̨nį kaa a ɲɛ̨i həɠə mąą, hva həɠə di koo kpala,, káá pɛli di woo hu tooi.