Korɛntə veelɛ 2:12 - Yálá laawoo hɛɓɛ (dc)

¹² Líi ŋą́ mo Troasə, Kristə mąą wɛlɛɛ lɛlɛɛ laa həli mɛ̨nį ɓa, ɛlɛɛ, gu Ną́mu ə pələ laa ɓo dúwɔ́ kpɔ kɛnɛ̨,

Yálá laawoo hɛɓɛ

¹² Líi ŋą́ mo Troasə, Kristə mąą wɛlɛɛ lɛlɛɛ laa həli mɛ̨nį ɓa, ɛlɛɛ, gu Ną́mu ə pələ laa ɓo dúwɔ́ kpɔ kɛnɛ̨,

Bible

¹² Tãi ŋá pà la Toroɛ Kôrai ŋɔtuŋ lɛ́lɛɛi ƃó mɛni mai, dí gbôŋ lá ƃò ńduɛ Kúnuu-namui kponôi;

Korɛntə veelɛ 2:12 ပူးပေါင်းရင်းမြစ်များ

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Gɛlaɠaa 16:11

Ku nɛɛmą, ku tɛ kələn da hu Troasə, ku ɉaŋąn a Samotrasə pələ, mąą yələ laa ɓoɔ, kwəli Neapolisə daai,

Gɛlaɠaa 16:8

Di Misi lɔi hu ɓɔ, di yɛɛ Troasə.

Gɛlaɠaa 20:8

Ɲələ pɛlɛ́i ti ku ɲąąkpɔnŋąąi kɛ mu, labon damąą di kɛ laa.

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Korɛntə dɔlɔɔ 16:9

Mąąhɔlɔɓo, pələ kɛnɛ̨ laa aa ɓo gɛ́ kólo tɔwɔ, ɛlɛɛ ɲówoɠaa tamąąi.

Korɛntə dɔlɔɔ 9:12

Akɛ nu taɠaa da kɛ ɉɛnŋąą tii hɔlɔɓoi ka yəi, gu hvo mun kɛ kuɔ? Kɛlaa yaamun, ku hvo gɛ li tii, ku ku liikpələ, ku mɔ̨nɔ̨ mįi, ə gɛ, mɛ̨nį ta hvo pa kpɛ̨ąn Kristə mąą wɛlɛɛ lɛlɛɛ hu.

Korɛntə dɔlɔɔ 9:14

Bələ lɔ ɓə gu Ną́mu ə niɛwoo kɛ la yɛ diɛ: Nwɛlɛɛ lɛlɛɛ laa həli nuą kɔ̨nɔ̨n a kulɔ nwɛlɛɛ lɛlɛɛ hu.

Korɛntə dɔlɔɔ 9:16

Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Korɛntə veelɛ 10:14

Mąąhɔlɔɓo, ku hva mɛ̨nį ta kɛ ku hvo dɛɛ ɲɛ̨n ma, yɛ kwa wala həli ká pɔɔli, kuɔ tɔlɔɔ ɓə gbɛa həli ká pɔɔli a Kristə mąą wɛlɛɛ lɛlɛɛ.

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Korɛntə veelɛ 11:7

Akɛtii, mɛ̨nį ɲɔn mə tii mɔ̨ɔ̨ ŋą́ gɛi, gɛ́ gbɔ́wɔ́ mąąyɛɛ, gɛ́ Yálá ŋą wɛlɛɛ lɛlɛɛ laa həli la káá a mɛ̨inɛ̨ɛ̨, ə gɛ, káá kɛnɛ̨?

Korɛntə veelɛ 4:3

Akɛ nwɛlɛɛ lɛlɛɛi ku kaa naa həlii, mɛ̨i kpuluɔi, mɛ̨i kpuluɔi lɔ nwun na pili nuą diɛ.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Korɛntə veelɛ 8:18

Ku kaa dɔɔ da gu nąn non ŋɛ̨i galan gbɔn gəlee da kɛ dɛnɛ̨i nwɛlɛɛ lɛlɛɛ mąą mɛ̨nį hu.

Korɛntə veelɛ 9:13

Bələi kpɔ Ká káá la, ká wɔ mɛ̨inɛ̨ɛ̨i tii, a ká lɛ diɛ, diɛ mąąwiɛ tɛɛ la Yálá pɔ, a ká lɛɛ mɛ̨nį Kristə ŋą Wɛlɛɛ lɛlɛɛ woo mu, yai káá gaa a tɛ̨ą, da ká wɔɔ nú-kpɔɔlaa kɛ pələ, káá di kɔ, ə mą kɛ, nu kəlee, a ka yəi hɛn gɔw.

Kolosə 4:3

Ká wɔɔ Yálá hvɛlii lɔwaiɠaa, ká Yálá hvɛli kuɔ kpɛlimąn kuɔ, əgɛ, Yálá ə naa woo laa həli pələ laaɓo ku tɔwɔ, gɛ́ pɛli Kristə mąą mɛ̨nį loɔɠaa hukulɔi, yai gáá gaho ɲą, mąą mɛ̨nį ɓa;

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,