Korɛntə veelɛ 13:9 - Yálá laawoo hɛɓɛ (dc)

⁹ A neelee, kwa kɛ kwəinɛ̨ɛ̨ kulɔi, ɓɛlɔwai ku hvįi a kɛ la a gbɛɛ, ká hvaŋą yɛ kɛnɛ̨. Ku wɔɔ hvɛli woo nwun ga, ya ɓaa, ká mąą mɛ̨nį ə pɛli ɉu.

Yálá laawoo hɛɓɛ

⁹ A neelee, kwa kɛ kwəinɛ̨ɛ̨ kulɔi, ɓɛlɔwai ku hvįi a kɛ la a gbɛɛ, ká hvaŋą yɛ kɛnɛ̨. Ku wɔɔ hvɛli woo nwun ga, ya ɓaa, ká mąą mɛ̨nį ə pɛli ɉu.

Bible

⁹ Kpɛ́ni fêi, kúlii nɛɛ̂i à kɛ̀ kúfii kpɛɛ̂i kákponôi kpanaŋɔɔ. Mɛnii kwa Ɣâla fɛlîi mɛni mai, ǹyaa ƃa kámaa-mɛni kélee su é sã́a.

Korɛntə veelɛ 13:9 ပူးပေါင်းရင်းမြစ်များ

Lomaŋ 15:2

Mąąnɛ̨ɛ̨ gu gu kiliŋąhiɛ gu ɓɛlaa di wɔ mɛ̨nį lɛlɛɛ ɓa, ə gɛ, gu dɛ tɔwɔ laa na pələ mɛ̨i.

Korɛntə dɔlɔɔ 1:10

Kɛlaa, ną́n nonni, gáá ka liɛwoo ɓoi gu Ną́mu Jesus Kristə laa hu, gɛ́: Ká woo ə kɛ ɉu tanɔ̨n, ɓɛlaɓo hvo kɛ ká lɔwai. 'Ká yili ka kii ɓa kili tɔ̨nɔ̨ hu kiliŋąhiɛ tanɔ̨n ɉu.

Korɛntə dɔlɔɔ 2:3

Yili ɓə gɛ, ŋą́ kɛ ka lɔwai yɛ nu hvįikpɛɛ, gɛ́ ɲɔw, mąą yɛ kpɛlin.

Korɛntə dɔlɔɔ 4:10

Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Korɛntə veelɛ 11:30

Akɛ mąąnɛ̨ɛ̨ nu ə gbɔwɔ ɲąą kɛnɛ̨, nwɛ́i ŋą́ hviikpɛɛlaa hu ɓə ŋą́ gbɔ́wɔ́ ɲąą kɛnɛ̨ laa.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.

Korɛntə veelɛ 4:12

Bələ lɔ ɓə, haa a gɛ kolo kɛ la ku hu, kɛlaa, yɛnɛ̨ɛ̨ yɛ nwɛi kɛ ká hu.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Tɛsalonikə dɔlɔɔ 3:10

Kpini pɛlɛɛ hvóló ɓa, kwa Yálá hvɛli a hɔlɔmąą laa, kuɔ ku pɛli ku ɲɛ̨i tɔɔi káá, ɛlɛɛ, ku ká wɔ laa na laa laa kulɔ.

Timote veelɛ 3:17

ə gɛ Yálá nwɔ nu, ə mɛ̨nį lɛlɛɛ huwu kəlee kɛi.

Hebreu 12:23

ɛlɛɛ, káá lɔ, Yálá lonnii dɔlɔɔɠaa di wɔɔ kpɔn hu, a diɛi di laa pɛ̨ɛ̨i yələkɔlɔn ɉu; ɛlɛɛ, káá ká mąąlɛɠɛ Yálá ɓa, yai a nu kəlee kiti teemun, da tələnmo nuą nįį, diɛi daa həli mɛ̨nį kəlee laa kulɔi.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Hebreu 6:1

Yili ɓa, nu mąąkwɛli mɛ̨nį dɔlɔɔɠaai vilɛnŋąąi Kristə ɓa, ká gu yiliɠaa lɛɛ kɛa laa, ká gu nu pɔlɔ-pɔlɔ mɛ̨nįɠaa kɛ, gu hvo pənə nwɔ̨nɔ̨ gu hvo pa mɛ̨nį pɔlɔɠaa mɛ̨i, yɛ bələi: nu pulu tɔɔ haa ŋą túwɔ́ pələɠaa diɛ, laa Yálá la mɛ̨nį,

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.