Korɛntə veelɛ 12:20 - Yálá laawoo hɛɓɛ (dc)

²⁰ Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Yálá laawoo hɛɓɛ

²⁰ Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Bible

²⁰ Kpɛ́ni fêi, ŋ́gaa yáôi a gɛ́ɛ tãi da ŋà pà fa kákàa yɛ̂ɛ berei ŋa ŋ̀wɛ̂lii lai, káa máŋ káfa ŋ́gaa yɛ̂ɛ berei ka ŋ̀wɛ̂lii lai; tãi da laa-saa a pâi kɛ̂i kásama, tólo, lii-ŋwana, ŋɛi-kpala, laa-kara, laa-ƃo, lii-kɛtɛ, da woo-taa-taa.

Korɛntə veelɛ 12:20 ပူးပေါင်းရင်းမြစ်များ

Mąątɛ̨nɛ̨ 41:7

Nu ta a pa ną́ą́ kaai, a kɛ giliŋąhiɛi a ɲɔ̨nwɔ̨ɔ̨, liiɲɔ̨ngwəilaa ɓə a kɛ ɉu, a kulɔ, yɛ yili hukulɔ bələ pɔ, gwəli lɔwai.

Hanwon 16:28

Gbąnąlaa ɲɔ̨nwɔ̨ɔ̨ kɛmun a hvaa too nuą lɔwai. Hiɛnɔwai yɛ ɓɛlan naa taɠa.

Lomaŋ 1:29

Di laa hvɛɛ a mɛ̨nį ɲɔ̨n ɉuwɔ lɔpee gəlee: nwąną lɔɔ, ɲɛ̨i kulɔ bɔ ɲɔ̨nwɔ̨ɔ̨, nu paa mɛ̨nį, tolo ɲɔ̨nwɔ̨ɔ̨, hvaa kɛɛ, gbana laa ɲɔ̨nwɔ̨ɔ̨, di hva di kiliŋąhiɛ a nɛlɛɛ nu ta ɓa, ə lɛɛ, di laa kpɔn və hee li.

Lomaŋ 1:30

Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Lomaŋ 2:8

Nuąi da nənə tɛ̨ą ɓa, di kwɛli təɛ, di hvilɛŋąą hvulu mɛ̨nį pulu, diɛ ɓə pai Yálá nwɔ lííholi da nwɔ liiɲąnwąną hɔlɔɓoi.

Korɛntə dɔlɔɔ 1:11

Mąąhɔlɔɓo, ną́n nonnii, Kloe yəi bɛlɛ́n nuą di mo mąą diɛ: Woo taɠa kaa ka lɔwai.

Korɛntə dɔlɔɔ 14:33

Mąąhɔlɔɓo, Yálá hvə puɉu mɛ̨nį kɛ Yálá, kɛlaa gaa a liilaa Yálá. Yɛ bələi a kɛ kɛi la gbɔn mąąhəɠɛɛɠaa hu,

Korɛntə dɔlɔɔ 5:2

Ɛlɛɛ kaamun, káá hvɛɛ a kpɔwɔ ɲąąkɛnɛ̨, ka hvo yili kaa li, a nwumɛ̨ mɛ̨nį, ká hvo mąą wɛli hee ɓo, yɛ haa a too káá, ká mɛ̨nį tii kɛmun gulɔ ká lɔwai.

Korɛntə veelɛ 1:23

Yálá ɓaa a nwɛ́i gɛla, akɛ gáá lɛɛ kɛi, ə báá; mɛ̨nįi gɛ və́ búlú pənə la, və́ paa la Korɛntə daai, nwun mąą: Ka lɛɛ ka ɓɛlɛ mɛ̨i.

Korɛntə veelɛ 10:2

Gáá nɛ̨ɛ̨mąą hvəə káá, ká hvo gɛ və́ pa haŋą káá ɓɛlɔwai ŋą́ paa la ká pɔɔli, a niikpələi tii, gɛ́ ŋą́ pa nɛ nuąi da kɛ «ŋą́ túwɔ́ a nu kili», diɛ.

Korɛntə veelɛ 10:6

ɛlɛɛ, ɓɛlɔwai ku wɔ lɛɛ nwoo mu laa ɲąą a pɛli la kpɔ a neelee, kwa pɛli kulɔ nwoo mu nuą hutɔɔi.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Korɛntə veelɛ 13:2

Gáá bələi ŋɛ̨i ɓoi háákələi, nuąi daa ta nɛ̨ŋɛ̨n ɉəɠə diɛ, da nu takpɛliɠaa tii kəlee, ɓɛlɔwai və́ la ká lɔwai, lɔ yɛ bələi ŋą́ mo la, a nwɔ́ woo pilimąą hiɛ veelɛną yələ, ŋą́ pa pai ká pɔɔli, gáá pai di hon ɉii kpɔ a nwalawalaa;

Korɛntə veelɛ 2:1

Nwɛ́i, yii ŋį́ naa gwəi, ya ka: Vá pənə və́ pa ká pɔɔli liiɲąnwą hu.

Galatə 5:15

Kɛlaa, akɛ, kɛi ká keeni ɲin, káá ká keeni huwɔ hu hvala-hvala, 'ká gɛ a nɛlɛɛ, ká hvo pa ká keeni mąą mɛ̨nį pili ɉu.

Galatə 5:26

Mąą hvo nɛ̨ɛ̨li 'gu hvo gu kpɔwɔ ɲąąkɛnɛ̨, gu hvo gu liiŋąnwąną gu kee pɔ, gu hvo gu keeni ɲɛ̨ikɔw kpɔlu.

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.

Piɛrə dɔlɔɔ 2:1

'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.