Korɛntə veelɛ 12:11 - Yálá laawoo hɛɓɛ (dc)

¹¹ Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Yálá laawoo hɛɓɛ

¹¹ Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Bible

¹¹ Ŋá ŋ́gbîŋ kùla a ƃoo-nuu! Kɛ́lɛ, káa ƃe ŋ́gɛ ŋá gɛ́ ti, kpɛ́ni fêi, káa ƃêi pɔ̂ri ńɛ̂i. Kpɛ́ni fêi, fe a núu-doo-mu pere-sii kélee su zia-ƃelai ŋí sama nyíi-ŋai da díkpîŋ kɛ́tɛ̂i, berei máŋ ŋ́gaa la nɔ́ kpɛni-kpɛni.

Korɛntə veelɛ 12:11 ပူးပေါင်းရင်းမြစ်များ

Hanwon 27:2

'Nɛɛ laa nu takpɛli ə́ ə́ mąątɛ̨nɛ̨, 'hvó ə́ kpɔwɔ mąątɛ̨nɛ̨; 'nɛɛ laa nwɛ̨ą ə gɛ, yɛ́ kpinįi 'hvó gɛ.

Lukə 17:10

Bələ kpɔlɔɔ ɓə gaa la, ka mąą mɛ̨nį ɓa, yii da ka tí la, ka kpɛɛ a yiliɠaa kɛɛ; mąąnɛ̨ɛ̨ kaa diɛ: ‹Tínuą kpɛli-kpɛli lɔ ɓaa a kuɔ. Yii mąąnɛ̨ɛ̨ ku gɛ, ya lɔ ka tii ku gɛ.›»

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 3:22

yɛ ə kɛ a Polə, Apɔlɔsə ə mą kɛ a Sefasə; yɛ ə kɛ a yɛnɛ̨ɛ̨, yɛ ə kɛ a kɛ yɛnɛ̨ɛ̨, awala kɛ tii, haa; yɛ ə kɛ a háákələi awala kɛ tii, tínąą; gəlee kaa a ká wɔɔ.

Korɛntə veelɛ 1:6

Mɛ̨nį walawala aa həli kuɔ? Yili kaa a ká liilaa mɛ̨nį da ká ɓalo mɛ̨nį. Liilaa mɛ̨nį aa həli kuɔ? Yili kaa a ká liilaa mɛ̨nį, yai a pɛli gɛi, mɔ̨nɔ̨i ku kaa mįi ká mąą mɛ̨nį ɓa, káá pɛli ká liikpələi ká wɛi mu.

Korɛntə veelɛ 11:1

Akɛ ká pɛli ká liikpələi tiikpə, nwɔ́ ɓowo hvaa ɓoɔ mui; yaan, a tɛ̨ą, hvo kɛli ká ká liilaa bɔ́!

Korɛntə veelɛ 11:5

Ɲą́ą́ gwə́i pələ, və́ tíkpə li, və́ tɛɛ, gɛla kpɛa-kpɛaɠaa tii diɛ, a diɛi ká kili kaa diɛ.

Korɛntə veelɛ 12:12

Mɛ̨nįɠaai da gɛla kɔlɔn na, káá di kaa diɛ kɛ ɓɛ ká ɲɛ̨i ɓa, liikpələ ɲąąhɛn mɛ̨nį kəlee hu, kwɛlɛɛn mɛ̨nįɠaa hu, kpalo mɛ̨nįɠaa hu, kɛ mɛ̨nį walawalaɠaa hu.

Korɛntə veelɛ 12:6

Ee! Ŋą́ kɛ kpɔ bɔ ŋą́ gbɔ́wɔ́ ɲąą kɛnɛ̨i, hva kpɛli kɛ a ɓowo mɛ̨nį, a kɛ kpɔ a tɛ̨ą; kɛlaa, ŋą́ gbɔ́wɔ́ huhon, ə gɛ nuą di hvo pa nəi mą́ą́ mɛ̨nį kɛnɛ̨, di hvo dɛɛ yii di kaa gaai ɲéé pɔ, mą; awala kɛ tii, dɛɛ yii di kaa mɛ̨n ɉii ná mą.

Korɛntə veelɛ 3:1

Kuɔ ɓə mɔ̨ɔ̨ kuɔ ku pa tɔɔ nwɔ̨nɔ̨, kuɔ ku kpɔwɔ lɛ káá a ku mąątɛ̨nɛ̨ pələ? Awala kɛ tii, ku kpɔwɔ mąą liɛwoo kɛ hɛɓɛ́ kɛ mɛ̨nį mąąkpaan gaa kuɔ, kuɔ paa la ká pɔ? A wala kɛ ti, káá dɛɛ ku pɔ, yɛ bələi yili mąąkpaan gaa la nu takpɛliɠaa diɛ?

Korɛntə veelɛ 5:13

Akɛ ɓowo hvaa ɓə ku mo, ku mo Yálá ɓa. Kɛlaa, akɛ kilimąą woo ɓə, akɛtii, ká mąą mɛ̨nį ɓə.

Galatə 6:3

Mąąhɔlɔɓo, akɛ nu ta a gbɔwɔ kaa yɛ nu walawala, ya pa, yaan hvo a hɛn da, gaa gbɔwɔ ɓowoi.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.