Korɛntə veelɛ 11:4 - Yálá laawoo hɛɓɛ (dc)

⁴ Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Yálá laawoo hɛɓɛ

⁴ Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Bible

⁴ Kpɛ́ni fêi, à kɛ̀ núu da à pà é Zîsɛ da kpɛni maa-mɛni ƃó káa é kúla nyíi pôlu ku maa-mɛni ƃò káa a maa-ŋuŋ, kpaa máŋ kà mɔ̂leŋ da kpɛ́ni sɔlɔ ƃô é kúla nyíi pôlu ká zɔlɔ ƃô a maa-ŋuŋ, kpaa máŋ kà káyee sèe tuŋ da kpɛ́ni mu é kúla nyíi pôlu ká káyee sèe mu a maa-ŋuŋ, gɛ̀ ní káyee-see-mui a pâi kɛ̂i a nàa fii kpɛ̂ɛ.

Korɛntə veelɛ 11:4 ပူးပေါင်းရင်းမြစ်များ

Markə 7:9

Ə mo diɛ, yɛ diɛ: «Kaa Yálá nwɔ tɔ́n, lɛɛ laa, kaa hvilɛn ka wɔ huwula mɛ̨nįɠaa pulu.

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Korɛntə dɔlɔɔ 3:11

Yii ɓaa gɔwɔ hvilɛnŋąą nwɛi, nu hva pɛli nįnɛ̨ hvilɛn ɉii, ə kulɔ yii laa bulu, ya ɓaa: Jesus Kristə.

Korɛntə veelɛ 11:1

Akɛ ká pɛli ká liikpələi tiikpə, nwɔ́ ɓowo hvaa ɓoɔ mui; yaan, a tɛ̨ą, hvo kɛli ká ká liilaa bɔ́!

Korɛntə veelɛ 2:12

Líi ŋą́ mo Troasə, Kristə mąą wɛlɛɛ lɛlɛɛ laa həli mɛ̨nį ɓa, ɛlɛɛ, gu Ną́mu ə pələ laa ɓo dúwɔ́ kpɔ kɛnɛ̨,

Galatə 3:2

'Ká gílaa pono mɛ̨nįi ŋɛ̨i hu, akɛtii dɔn bɔ yíi háálai ɓə mɔ̨ɔ̨ ká Yálá nwɔ Kilii hɔlɔɓo la, awala kɛ tii, laa na laa mąą wɛlɛɛ lɛlɛɛi ká ká wəli tɔɔ mą ya ɓə?

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Timote dɔlɔɔ 2:5

Mąąhɔlɔɓo, Yálá kaa tanɔ̨n gbən, ɛlɛɛ, Yálá da nu kanŋaa di lɔwai pɛlimun, ə ɓo lɔ tanɔ̨n gbən, a nu tanɔ̨n, ya ɓaa: Jesus Kristə;