Korɛntə veelɛ 11:3 - Yálá laawoo hɛɓɛ (dc)

³ Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Yálá laawoo hɛɓɛ

³ Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Bible

³ Kɛ́lɛ, ŋ́gaa yaôi a gɛ́ɛ yɛ̂ɛ berei nɔ́ gàlii è Iî pɛ̀lɛ la a ŋɔwôyai, bere ƃe kákili-ŋa-siai a pâi kakulâi la Kôrai ŋɔsã́a-laai da ŋɔtɔ̃yâ laa-lai maa-wɛli-kɛ-maai ma.

Korɛntə veelɛ 11:3 ပူးပေါင်းရင်းမြစ်များ

Zɛnɛse 3:1

Ɉuwɔɠaa ŋɛ̨i Yai-Laa ə bɛli, kaalə ɓə kɛ gbąnąą di lɔwai, gaaləi tii ɓə nɛ̨ɛ̨nu mąąnikɛ, yɛ mą: «Akɛtii, Yálá ə kɛ kpɔ diɛ: ‹Nwuluɠaai gaa ɓɛ ɲɛa, ka hvə gəlee ɓa mį́i?›»

Zɛnɛse 3:13

Nąąlɔwai, Yai-Laa ə mo nɛ̨ɛ̨nu ɓa, yɛ mą: «Nɛ̨ɛ̨nu! Lə mɛ̨nį ɓa ə́ yili kɛ tii?» Nɛ̨ɛ̨nu yɛ mą: «Kaalə ɓə mówo, ya ɓə gɛ, gɛ́ da mį́i.»

Zɛnɛse 3:20

Hulɔnu ə nɛ̨ą laa hee a Ɛvə, yili mukulaa ɓaa: Yɛnɛ̨ɛ̨. Mąąhɔlɔɓo, ya ɓə gaa a yɛnɛ̨ɛ̨ nuą kəlee di lee.

Zɛnɛse 3:4

Kaalə ə pənə yɛ mą: «Ka hva haa kpɔ tɔ̨nɔ̨ kpɛli.

Mąątɛ̨nɛ̨ 119:53

Níí a kɛ kələn ɉii gwə́i kpɔ kɛnɛ̨, ɓɛlɔwai ŋą́ kɛ nɛ̨ŋɛ̨n ɉəɠə nuą kaai la, diɛ həɠə ə́ wɔ tɔn nwooi pulu.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 11:20

Ká kɛ hvaai mą, diɛ ká kɛ a luwɔɠaa, diɛ ká mįi, diɛ ká mąąkpoloon, diɛ tɛɠɛɓo ká hu, diɛ ká laa lowa;

Korɛntə veelɛ 11:29

Nui a kɛ yɛ vįikpɛɛi, ɲą́ą́ gbɛlimąn vį́ikpɛɛi, nu ta a too nɛ̨ŋɛ̨n ɉu, ɲą́ą́mun mə niikələn gwəi a həli mą́ą́.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Galatə 1:6

Yálá ə ká təli kpɔ a nɛ̨ɛ̨laa Kristə háálai, kɛlaa, ká pulu tɔɔ mɛ̨nį mą kpɔlɔɔ ti ɉa, káá ká ɲɛ̨i tinɛ̨n, kaa ɉee wɛlɛɛ lɛlɛɛ takpɛli ɓa, yili aa gwə́i pili mą́ą́.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Galatə 3:1

Ee kə! Galatə nuą, ɓowo kpɔlɔɔ ɓe tii ká moi! Gbɛɛ ɓə ŋɛ̨i wulu kɛ káái? Ka ɲɛ̨i ɓa, di Jesus Kristə haa mɛ̨nį kolɔwa ɓa ɓo káá a ɉuponoɔ.

Galatə 4:11

Ɲɔw kaa ɉú ká mąą mɛ̨nį ɓa, akɛti góló kɛnɛ̨i ŋį́ gɛ káá, ə lɛɛ mɔ̨ɔ̨ a kpɛli!

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

Ifisiɛŋ 6:24

Nuąi kpɔ gu Nąmu Jesus Kristə wɛli kaa diɛ ɲɛ̨n deei hvo mą, Yálá ŋą nɛ̨ɛ̨laai ə kɛ di kəlee diɛ.

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Kolosə 2:4

Gáá yili ɓoi ti, əgɛ, nu ta hvo pa ka ɓowo, a lɛɛ wooɠaa.

Kolosə 2:8

'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.

Tɛsalonikə dɔlɔɔ 3:5

Yɛ bələi vá pɛli kɛ níikpələ la, və́ nąą mąąkpɔn, ŋą́ nu tɔɔ ə pa ə ká wɔ laa na laa mąą wɛlɛɛ həɠə, ə paa la, ŋį́ kɛli ɲɔw, gɛ́ kɛ, ɲąąhɛn kɛmun hvo pa ká ɲąąhɛn, mɔ̨nɔ̨i ku mįi, hvo pa lɛɛ a kpɛli.

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Timote dɔlɔɔ 2:14

Ə lɛɛ, Adamə hvəə di ɲɛ̨i kwɛli, kɛlaa nɛ̨ɛ̨nu ɓə di ɲɛ̨i kwɛli, ɛlɛɛ, ə too dɔ́n galaa hu.

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Taitɔ 1:10

A tɛ̨ą, nu tamąą kaa laa di hva lɛɛ nwoo mu laa kɛ, gəlee mą kɛ, Ɉuifəɠaai daa kɛ a Kristalɛa, da kɛ nu tamąą ɓowoi a lɛɛ woo kpɛli-kpɛliɠaa.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.

Piɛrə veelɛ 3:3

Ka ka kili lɛɛ ɉu kaa diɛ: Yɛnɛ̨ɛ̨ ɲąąkpɛɛi lɔwai, nu tamąą kaa pai kɛi túwɔ́i yɛ pələi di kpɔɔ kiliŋąhiɛ kaa la. Ə lɛɛ, diɛ yɛlɛ kulɔ ka hu.

Zɔ̂ŋ Maa-ŋuŋ 2:18

Nónnii pɛlɛɛɠaa, vóló gbɛlamąą ka. 'Ká mɛ̨n, diɛ kɛ diɛ: Kristə ɲowo kaa pai; Yaan, Yiihu kɛa Kristə ɲowoɠaa tamąą kaa ɓɛ, yili ɓə gwa gbaɠala kɔlɔn na guɔ, vóló gbɛlamąą aa həli.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

M̀ɛni-lɛɛi 12:15

Ya ɓə, gaaləi tii ə ɓaɠi a yálee kɛnɛ̨ ta, ə vilɛn nɛ̨ɛ̨nui tii pulu, ə gɛ, ɲá hvaŋą ə ɉəɠə.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.