Korɛntə veelɛ 11:26 - Yálá laawoo hɛɓɛ (dc)

²⁶ Ŋą́ą́ hiɛ tamąą gulɔ gɔ́wɔ́ ɲą, haa aa hvoló mą́ą́ tamąą yá-kpɛa-kpɛaa ɲą, ŋą́ą́ kulɔ toomɛ̨i kɛ nuą yee mu, ŋą́ą́ kulɔ gááyɔwɔɠaai a ną́n nonnii di yee mu, yiiɠaai di hvo a Ɉuifəɠaa di yee mu, ŋą́ą́ tɛɛ mɛ̨nį kpɔluɠaa hu daa-leeɠaa hu, nɔi pun ɉu, gboloyá ɲą, hu hveelɛ nuą yee mu!

Yálá laawoo hɛɓɛ

²⁶ Ŋą́ą́ hiɛ tamąą gulɔ gɔ́wɔ́ ɲą, haa aa hvolo mą́ą́ tamąą yá-kpɛa-kpɛaa ɲą, ŋą́ą́ kulɔ toomɛ̨i kɛ nuą yee mu, ŋą́ą́ kulɔ gááyɔwɔɠaai a ną́n nonnii di yee mu, yiiɠaai di hvo a Ɉuifəɠaa di yee mu, ŋą́ą́ tɛɛ mɛ̨nį kpɔluɠaa hu daa-leeɠaa hu, nɔi pun ɉu, gboloyá ɲą, hu hveelɛ nuą yee mu!

Bible

²⁶ ŋá sia támaa kɛ́, ŋa mɛni káa ya-lee-ŋa yêei, ŋa mɛni káa ŋuma-ƃela yêei, ŋa mɛni káa ńyãa kpɔ́ɔi-ƃelai yêei, ŋa mɛni káa Zɛ̃tai-ŋai yêei, ŋa mɛni káa daa kɛ́tɛi su, ŋa mɛni káa vɛ̃ɛ-kpâlaŋ su, ŋa mɛni káa yúo su, ŋa mɛni káa ŋánûai yêei nyíi-ŋai díkaa a woya-ƃelai;

Korɛntə veelɛ 11:26 ပူးပေါင်းရင်းမြစ်များ

Gɛlaɠaa 13:45

Yii kɛa Ɉuifəɠaa di nu kpului ti kaa, di kɛli hvɛɛ a lííholi, diɛ Polə laa hɛatoo, diɛ nalan.

Gɛlaɠaa 13:50

Kɛlaa, Ɉuifəɠaa di pili Yálá mąąwiɛ nɛ̨ąą kpɛa-kpɛaa, da daa kalanɉonŋaa wəlii, ə gɛ, di hvaa kɛnɛ̨ pɛlɛ Polə da Barnabasə diɛ, di di kpɛ di wɔɔ lɔi hu.

Gɛlaɠaa 14:19

Nąąlɔwai Ɉuifəɠaa di həɠə Antiɔsə da Ikoniumə, di nuą ɲąąhee diɛ, di pɛlɛ Polə ɓa, diɛ ɉɔɔ a kwɛni; di lɛɛ ɉɔɔi di nɛɠɛ həɠə di kulɔ la daa kpala, ə kɛ di kwəi, aa haa.

Gɛlaɠaa 14:5

Ɉuifəɠaa da nuąi di hvo kɛ a Ɉuifəɠaa da di nwun nąmįną di naa di kwəi diɛ kɛ di bili nwɛa mɛ̨nį hu ɛlɛɛ, di gɛlaɠaa paa a kwɛnį.

Gɛlaɠaa 15:40

Polə yaan, ə Silasə hvilɛn bɔ, di bələ həɠə diɛ li, gu nąn nonnii di di galihva ɓo gu Ną́mu Yálá nwɔ mɛ̨inɛ̨ɛ̨ ɓa.

Gɛlaɠaa 17:13

Kɛlaa, yii lɔ Tesalonikə Ɉuifəɠaa di bələ mɛ̨n diɛ Polə kaa nwɔ̨nɔ̨ Yálá lawoo laa həli Bere, di pa laa, nuą muhəɠə mɛ̨nį ɓa, da di hu pu mɛ̨nį ɓa diɛ.

Gɛlaɠaa 17:5

Kɛlaa, Ɉuifəɠaa di tolo kulɔ a diɛ, di nu-kpoloonŋaa yɛɠɛ daa pɔ, di di ɲąąkpɔn a di kpulu; di daa kɛ lɔ ɉuwu-ɉuwu. Di li Ɉasɔn yəi bɛlɛ́ laaləi, diɛ Polə da Silasə di kwɛli, diɛ kɛ di li a diɛ kiti haɠa ɓa daa lonnii lii la.

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Gɛlaɠaa 19:23

Nąąlɔwai, gu Ną́mu Jesus nwɔ pələi mąą mɛ̨nį ɓa, hvaa kɛnɛ̨ ə too nuą lɔwai.

Gɛlaɠaa 20:19

Ŋą́ kólo kɛ gu Ną́mu ɓa a kpɔɔmąąyɛɛlaa ɲɛ̨́iyá hu, bələi mąn Ɉuifəɠaa di kɛi lɔ la mą́ą́kili, ɲąąhɛŋi mɛ̨nįɠaa tamąą yɛ həli mą́ą́, gɛ́ mɔ̨nɔ̨ mįi.

Gɛlaɠaa 20:3

Ə ɲąnįn ɉaaɓa kɛ nɔi ti hu. Ɓɛlɔwai ə kɛli pa tɛi la gələn ɉu yɛ li Siri lɔi hu pələ, Ɉuifəɠaa di lɔgilii kɛ mą, yili ɓə gɛ, ə naa gwəi ə yali bulu ə pənə yɛ li Masedoanə lɔi hu pələ.

Gɛlaɠaa 23:10

Nwoo ɲąąnwąną hu kɛnɛ̨ pələi ti, ɉolahi nwun nąmu ə ɲɔw, yɛ di hvo pa Polə hu tee-tee di kee lɔwai. Yili ɓə gɛ, ə mo, nwɔ holahiɠaa də li ɲąąkpɔn ti hu, di Polə hon dɛ li la bɛlɛ lon mu.

Gɛlaɠaa 25:3

Di ɉuhvɛli mą a gbąnąlaa, yɛ da kɛli ŋą mɛ̨nį lɛlɛɛ huhvɛli, diɛ kɛ, di pa a Polə Ɉerusalɛmə. Yii kɛ ɉu a neelee, ya ɓaa di kɛli pa pələ hɛlɛn dɛi tɔwɔ baa mɛ̨nį ɓa bələ pɔ.

Gɛlaɠaa 27:42

Ɉolahiɠaa di kɛ bɔ di gaho nąmįną paa, ə gɛ, di hvo pa too ɲą ŋą, di hvo pu di yəi,

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Lomaŋ 8:35

Lə ɓə a pɛli gu kulɔi Kristə nwɔ wɛlikɛmąąlaa hu? Ɛ̨i, mɔ̨nɔ̨ ɓə? Liikələn gwəi ɓə? Ɓɛlɛkpɛɛmąąlaa ɓə? Pulu ɓə? Yee-howololaa ɓə? Mɛ̨nį ɲąąnwąnąą ɓə? A wala kɛti, haa?

Korɛntə dɔlɔɔ 15:30

Ɛlɛɛ, kuɔ kpɛli lə mɛ̨nį ɓa lɔwai kəlee kwa hvaa mą kuɔ mɔ̨nɔ̨ mįi?

Korɛntə dɔlɔɔ 15:32

Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Korɛntə veelɛ 11:32

Damasə daai, tɔɔmun Aretasə ŋą gbahalanąmąi aa kɛ holahiɠaa tɔɔ ɉįi laa, ə gɛ di ɉón.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.