Korɛntə veelɛ 11:1 - Yálá laawoo hɛɓɛ (dc)

¹ Akɛ ká pɛli ká liikpələi tiikpə, nwɔ́ ɓowo hvaa ɓoɔ mui; yaan, a tɛ̨ą, hvo kɛli ká ká liilaa bɔ́!

Yálá laawoo hɛɓɛ

¹ Akɛ ká pɛli ká liikpələi tiikpə, nwɔ́ ɓowo hvaa ɓoɔ mui; yaan, a tɛ̨ą, hvo kɛli ká ká liilaa bɔ́!

Bible

¹ Ka káwoli tɔ́ɔ ḿâ ŋáƃoo-lono-wooi su. Ka káwoli tɔ́ɔ ḿâ a lii-kpêle!

Korɛntə veelɛ 11:1 ပူးပေါင်းရင်းမြစ်များ

Tɔɔɓɛlaa veelɛ 5:3

Yələ ta, nɛ̨ɛ̨non tii yɛ neenɛ̨ą ɓa: «Ŋį́ mo kɛ néénɛ̨ą a pɛli lii Yálá kwəi mɛ̨nį hukulɔ mun ŋɛ̨i Samari daai, ə həli mąi, a pɛli mą kɛ ə malo, ə gulɔ volóɲɔ̨n tii yəi.»

Lonon mo 11:29

Moisə yɛ Ɉosue ɓa: «A kɛ tii ə́ kaa mą́ą́ toló kulɔi? Ə li kɛ mun, Yai-Laa a hvaa mą, ə nwɔ Kilii tɛɛ nwɔ nu kpului ŋɛ̨i kəlee pɔ, gəlee di kɛ a Yálá kwəi mɛ̨nį hukulɔ nuą!»

Maafîu 17:17

Jesus ə haŋą nuą tii kɛ laa diɛ, yɛ diɛ: «Ka wɔ mɛ̨nį ɲɔ̨nwɔi, laa na laa hvo ka yəi! Akɛti, gáá pai lɛɛ ka mu kpəŋəi hąą, hvo kɛli mįnɛ̨ lɔwai? Yili pulu yɛ diɛ: Ka pa a nokolo kpɔ bɔ́.»

Gɛlaɠaa 18:14

Polə ə kɛli kpɔlɔɔ pa hvaai, Galiɔn yɛ Ɉuifəɠaa woo pulu pənə, yɛ kɛ diɛ: «Káái a Ɉuifəɠaa, ə li kɛ, lɔi mąą tɔn da ɓə nui ŋɛ̨i ə gala, a wala kɛ ti, túwɔ́ pələ ɲɔn da ɓə ə gulɔ, ŋį́ li kɛ nwə́li tɔɔ ká woo ɓa, yɛ bələi mąąnɛ̨ɛ̨ ŋą́ gɛ la.

Gɛlaɠaa 26:29

Polə ə nwoo ɲąąpənə yɛ mą: «Ə kɛ a yiihu-o, ə kɛ a ɉu kwɛa-o, yii gáá Yálá hvɛli la, ya ɓaa: yɛ́, ə mą kɛ a nuąi di kaa di wəli tɔɔi mą́ą́ háákələi, ka kɛ yɛ ɲą́ą́, ka hvo kɛ a gaho nąmįną.»

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə dɔlɔɔ 3:18

Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Korɛntə dɔlɔɔ 4:10

Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Korɛntə dɔlɔɔ 4:8

Káá gbɛa pilɛ! Káá gbɛa kɛ a hɛn gɔw nąmįną! Ə kulɔ ku pulu, ká kaa kɛ a tɔɔɓɛlaa! Kɛlaa, ku wɛi, ku hvo la! Ə li kɛ, ka kaa kɛ la a neeleei, kuɔ kpɛli ku li kɛ tɔɔlaa hu gwa gaa ni.

Korɛntə veelɛ 11:19

Káámun a kilimąą nuą, ká naa ká kwəi, káá ká yee hee hupumąą nuą mu;

Korɛntə veelɛ 11:21

Ku ɲɛ̨i paa mɛ̨nį kpɔ-kpɔɔ ka ŋɛ̨i gáá moi, ku ku kpɔwɔ lɛ lɔ yɛ hvįikpɛɛ nuą. Gáá hvaai yɛ ɓowomun, mɛ̨nįi da di kpɔwɔ ɲąą kɛnɛ̨ ɉu, ɲą́ą́ gbɛli ŋą́ gbɔ́wɔ́ ɲąą kɛnɛ̨ lɔ ɉu.

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Korɛntə veelɛ 5:13

Akɛ ɓowo hvaa ɓə ku mo, ku mo Yálá ɓa. Kɛlaa, akɛ kilimąą woo ɓə, akɛtii, ká mąą mɛ̨nį ɓə.

Hebreu 5:2

Ɉaláá laa həli mun gbinįi tii, vįikpɛɛi, a pɛli mą, nuąi di tɛɠii, nuąi da lan di mąą mɛ̨nį kpaɠala kaai,

Zasua 7:7

Ɉosue yɛ Yai-Laa ɓa: «Ee! Ną́mu Yai-Laa! Lə mɛ̨nį ɓa, ə́ hvaa mą ə́ Ɉurdɛn yá teen a nuą ŋɛ̨i? Yɛ́ ku kwɛlɛ Amɔrə nuą ŋɛ̨i diɛ, diɛ ku paa? Akɛ yili ə kɛ tii, kwa kɛ kani kɛ ku lɛɛ Ɉurdɛn yá pulu pələi!