Korɛntə veelɛ 10:7 - Yálá laawoo hɛɓɛ (dc)

⁷ Ká ká ɲɛ̨i hee tai ká kpɔwɔ mɛ̨nįɠaa hu, akɛ gaa nu ta kwəi, yɛ kɛ gaa a Kristə ŋą nu, ə kɛ lɔ nwɔ̨nɔ̨ tii gwəi, yɛ kɛ, kuɔ kpɛli ku kaa a Kristə ŋą nuą.

Yálá laawoo hɛɓɛ

⁷ Ká ká ɲɛ̨i hee tai ká kpɔwɔ mɛ̨nįɠaa hu, akɛ gaa nu ta kwəi, yɛ kɛ gaa a Kristə ŋą nu, ə kɛ lɔ nwɔ̨nɔ̨ tii gwəi, yɛ kɛ, kuɔ kpɛli ku kaa a Kristə ŋą nuą.

Bible

⁷ Zɛŋ gáa káŋɛi tuɛi ka gáa. À kɛ̀ núu da lâai la a gɛ́ɛ gáa a Kôrai pɔ́ɔ, tɔɔ é gbîŋ kíli ŋá pono a gɛ́ɛ berei gáa la a Kôrai pɔ́ɔi, bere nɔ́ ƃe kúa máŋ kúkaa la.

Korɛntə veelɛ 10:7 ပူးပေါင်းရင်းမြစ်များ

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Ɉaan 7:24

Ka hvo kiti tee lɔ mɛ̨i pɛlɛ, kɛlaa, ka kiti tee a ɉaŋąą.»

Korɛntə dɔlɔɔ 1:12

Yii gɛ́ ŋą́ mo, ya ka: Ka tɛitɛi ka kɛ kɛi diɛ: «Nwɛ́i, kwá Polə ɓə», daɠaa diɛ kɛ: «Nwɛ́i, kwá Apɔlɔsə ɓə», daɠaa diɛ kɛ: «Nwɛ́i, kwá Sefasə ɓə», daɠaa diɛ kɛ: «Nwɛ́i kwá Kristə ɓə.»

Korɛntə dɔlɔɔ 14:37

Akɛ nu ta a giliŋąhiɛ yɛ gaa a Yálá kwəi hukulɔ mun, a wala kɛti, aa gili hɔlɔɓo Yálá yəi, ə gɔlɔn yɛ, mɛ̨nįɠaai gáá ká tíi la, ɉɛɓɛ́i ŋɛ̨i hu, ŋą́ ɉɔlɔɓo Yálá yəi.

Korɛntə dɔlɔɔ 15:23

kɛlaa, nu kəlee da dɔɔi: Kristə ɓə tɔwɔ, a həɠə laa, nuąi di kaa Kristə yeekɔnma.

Korɛntə dɔlɔɔ 3:23

Kɛlaa, ka káá a Kristə nwɔɔ, Kristə yɛ ɓo a Yálá nwɔɔ.

Korɛntə dɔlɔɔ 9:1

Akɛti, lɛɛ gbɔwɔ ɓa laa hvo mɔ̨ɔ̨ ɲə́i? Və́ mɔ̨ɔ̨ a gɛlaɠaa ta? Akɛti, və́ mɔ̨ɔ̨ gu Ną́mu Jesus kaa? Ka hvo mɔ̨ɔ̨ a gɛ́ kólo, gu Ną́mu hu?

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 11:18

Yii nu tamąą da di kpɔwɔ ɲąą kɛnɛ̨ yɛnɛ̨ɛ̨ mɛ̨nįɠaa hu, ɲą́ą́ gbɛli, ŋą́ gbɔ́wɔ́ ɲąą kɛnɛ̨.

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Korɛntə veelɛ 11:4

Gbala ə tɔɔ, ká hvaa mą, nui lɔpee a tɔɔ, yɛ ká mąąkwɛli a Jesus takpɛli mąą mɛ̨nį, a Jesus ku hvo ta ká mąąkwɛli li a mąą mɛ̨nį. Awala kɛ tii, káá ká yee hee ka mąąkwəli woo takpɛli mu, a kilii ká hvo ta ɉɔlɔɓo li. Awala nwɔ̨nɔ̨ kɛ tii, di wɛlɛɛ lɛlɛɛ takpɛli laa həli káá, yii ká hvo ta ɉɔlɔɓo li kpɛli, ɛlɛɛ, káá ká yee hee mu a nwalawalaa.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Korɛntə veelɛ 13:3

hvó gaai, ká káá bɔ ká gaa, káá Kristə ɓə pə́lə́ ɓoi káá, bɔ́ pələ. Kristə hvįi hvo kpɛɛli ká mąą mɛ̨nį ɓa, kɛlaa a nwɔ huwalawalaa kulɔ pono ŋą ka lɔwai.

Korɛntə veelɛ 5:12

Ku hvo pənəi kuɔ ku kpɔwɔ mąą mɛ̨nį lɛ káá, kɛlaa ku kaa bɔ, ká ɲɛ̨i ə pono ku mąą mɛ̨nį hu, nuąi di nwun dɛ mɛ̨nį kaa a ɲɛ̨i həɠə mąą, hva həɠə di koo kpala,, káá pɛli di woo hu tooi.

Galatə 3:29

Ɛlɛɛ, akɛ, káá kɛ kɛa a Kristə nwɔɔɠaa, akɛ tii, káá ɓə a Abrahamə kwəi lon, yɛ bələi di naakwɛlanmo la, káá ɓə a gwɛlin ɉəɠə nuą.

Zɔ̂ŋ Maa-ŋuŋ 4:6

Gu wɛi, gu kaa a Yálá nwɔɔ. Nui Yálá kɔlɔn gili kaa mą, a nwəli tɔɔ guɔ. Nui hvo a Yálá nwɔɔ, hva nwəli tɔɔ guɔ. Yili pɔ pələ ɓə gwa pɛli tɛ̨ą Kili da lɛɛ kili di kulɔ ɉu kɛi la.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»