Korɛntə veelɛ 10:5 - Yálá laawoo hɛɓɛ (dc)

⁵ ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Yálá laawoo hɛɓɛ

⁵ ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Bible

⁵ Kwa sia-mɛni kélee su kàra, kúkɛ yoŋka-mɛni kélee su kara nyíi a tɔ̂ɔ Ɣâla maa-tarei ŋɛi tuɛi, kúkɛ kili-ŋa-sia kélee kɛ́ a gɛ́ɛ ku Kôrai wóo mɛni.

Korɛntə veelɛ 10:5 ပူးပေါင်းရင်းမြစ်များ

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Tɔɔɓɛlaa veelɛ 19:22

Gbɛɛ ɓə ə́ nalan? Yɛ mɛlɛkpɛɛ mą? Gbɛɛ ɓə ə́ ə́ woo həɠəi mą? Yɛ́ gaa a ə́ ɲɛ̨i kpon bələ? Israɛlə nwɔ Yálá Mąąhəɠɛɛ ɓə!

Tɔɔɓɛlaa veelɛ 19:28

Yɛ bələi yáá ə́ liiholi la bɔ́, ə lɛɛ, ə́ wɔ lii ɲɔ̨n gwəi woo yɛ too nwə́lii; Yələ ta kaa pai ɉəlii, gáá pai kwɛli tooi ə́ hunwɛi. Gɛ́ hoo laa kwɛli too ə́ la, gɛ́ pənə gɛ́ li a yɛ́ ɓɛi ə́ həɠə laai.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Mąątɛ̨nɛ̨ 10:4

Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Mąątɛ̨nɛ̨ 18:27

nui a mąąhəɠə túwɔ́ ɓo, yái ə́ wɔ mąąhəɠəlaa lɛ mą; Kɛlaa nui kili ɲɔ̨nwɔ̨ɔ̨ kaa mą, hva mąą nu mąąhvaalɛɛ.

Mąątɛ̨nɛ̨ 18:44

Yá gúlɔ nuą di wɔ ɲąąhɛn mɛ̨nįɠaa yee mu, yɛ́ ɉéé lɔiɠaa nwun na; nuąi kɛ və́ di kɔ́lɔn, diɛ tí mą́ą́.

Lɛɛ gbɔwɔ ɓa 5:2

Eziptə tɔɔmun yɛ diɛ: «Gbɛɛ ɓaa Yai-Laa yai ŋą́ nwoo hon ti, gɛ́ ɓo Israɛlə lonnii ɓa? Və́ Yai-Laa kɔ́lɔn, ɛlɛɛ vá pɛli Israɛlə lɛɛi laa hvo li.»

Hanwon 15:26

Kiliŋąhiɛ ɲɔ̨nwɔ̨ɔ̨ɠaa wɛli kpɛɛi Yai-Laa ɓa kpɔ tɛ-tɛ, Kɛlaa, wɛlikɛmąą woo hu həɠeen ŋąąi.

Hanwon 24:9

Hɛn lɔ kilikpɛɛgwəi a giliŋąhiɛ mą, ya ɓaa nɛ̨ŋɛ̨n ɉəɠɛɛ. Yɛlɛ kulɔ ɉumun nwɛli hvo yɛnɛ̨ɛ̨ nuą diɛ.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Azaya 59:7

Mɛ̨nį ɲɔ̨n mə di kɔ́wɔ a mąą gilɛ həɠə, da kɛ gilɛ həɠəi, diɛ li kwəi kwələmun ɲąmą pu mɛ̨nį ɓa, di kwəi kiliɠaa kaa a mɛ̨nį ɲɔ̨n gɛ kili, ɓɛi da tɛɛ laa, kɛɛ kalaa, hɛn ɉu wolɔɔ ɓə da di lɛɛ laa.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Ɉeremi 23:29

Nwóó kaa yɛ nwɔ̨n, gaa yɛ madalan, a kwɛni wolo, Ɲą́ą́ Yai-Laa nwóó li!»

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Izikiɛ 17:24

A kɛ ti lɔwɔi wuluɠaa kəlee da gbaɠala kaa, diɛ kɛ ɲą́ą́ ɓə gaa a Yai-Laa. Yai a wulu kwɛaa kɛ a kpɔlɔ wulu, yɛ kpɔlɔ wulu kɛ a wulu kwɛaa; yɛ wulu nwunu kpala, yɛ gɛ wulu kpala yɛ tɛlin. Ɲą́ą́ Yai-Laa yii ŋą́ mo, ŋą́ gɛ́.»

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Lukə 1:51

Aa mɛ̨nį kpɛa-kpɛa tamąą kɛ a nwɔ huwalawala yee; aa kpɔɔ ɲąą kɛnɛ̨ nuą mąą yɛɛ.

Lomaŋ 1:21

Mąąhɔlɔɓo, bələi mąn di Yálá kɔ́lɔn na gɛ mɛ̨nįɠaa kəlee hu, di hvo gɛ li di hvo mąąwiɛ, di hvo ɉɛɠɛɛɓo, yɛ bələi mąąnɛ̨ɛ̨ la. Kɛlaa yaamun di di wɔ kiliŋąhiɛ mąą a kwɛa Yálá ɓa, di hvilɛn ŋąą la ɓowo mɛ̨nį pulu, diɛ ɓo la a kpinį ŋą luwɔɠaa.

Lomaŋ 1:5

Yaa ɉaalai ɓə ŋį́ kɛ la nwɔ kɛla ə gɛ, huwu kəlee di kɛ nwoo mu laa na laa háálai.

Lomaŋ 16:26

kɛlaa yiihu kɛa, mɛ̨nįi ti aa too ponoŋą, huwu takpɛliɠaa diɛ, Yálá kwəi mɛ̨nį hukulɔ nuą di wɔ hɛɓɛ́ pɛ̨ɛ̨ hu, yɛ bələi kpɔlɔ Yálá ə mo la, di laa na di lɛɛ nwoopulu.

Lomaŋ 7:23

Kɛlaa, ŋą́ą́ tɔ́n da kpɛli kaa gɔ́lɔi yɛ kɔ́ pɛlɛ nwɔ́ kiliŋąhiɛ lɛlɛɛ ɓa yɛ gɛ́ a nɛ̨ŋɛ̨n nwɔ luwɔ.

Korɛntə dɔlɔɔ 1:19

Gbala ə tɔɔ, bɛ̨ɛ̨i, diɛ kɛ: «Ŋą́ kilimąą nuą kili kpɛɛ di yəi, ŋą́ nwun gɛ ɉu nuą di wɔ nwun gɛ ɉu laa, hu kala.»

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Korɛntə veelɛ 11:20

Ká kɛ hvaai mą, diɛ ká kɛ a luwɔɠaa, diɛ ká mįi, diɛ ká mąąkpoloon, diɛ tɛɠɛɓo ká hu, diɛ ká laa lowa;

Korɛntə veelɛ 9:13

Bələi kpɔ Ká káá la, ká wɔ mɛ̨inɛ̨ɛ̨i tii, a ká lɛ diɛ, diɛ mąąwiɛ tɛɛ la Yálá pɔ, a ká lɛɛ mɛ̨nį Kristə ŋą Wɛlɛɛ lɛlɛɛ woo mu, yai káá gaa a tɛ̨ą, da ká wɔɔ nú-kpɔɔlaa kɛ pələ, káá di kɔ, ə mą kɛ, nu kəlee, a ka yəi hɛn gɔw.

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Filipə 4:7

Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Tɛsalonikə veelɛ 2:8

nąąlɔwai ɓə mɛlɛtoomun tii a kulɔ la pono ŋą, ɛlɛɛ, gu Ną́mu Jesus ə nwun napili a naa-hvaŋą, ə ɉu kala, a nwɔ kɛɛ ponoi gaa pai la, ɉu.

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,