Korɛntə veelɛ 10:13 - Yálá laawoo hɛɓɛ (dc)

¹³ Kɛlaa, ku wɛi, ku ɲɛ̨i pono mɛ̨nįi ku kaa nɛi káá, ku hva ku kpɔwɔ ɲąą kɛnɛ̨ ɉu, ku hvo tɛɛ ɲɛ̨n ma. Kɛlaa, kpaaləi Yálá ə naa ku tɔwɔ, ya ɓə, a ku wɔɔ kólói ɲɛ̨n, gbaaləi tii ɓə ku lɛɛ mą, kuɔ həli la káá.

Yálá laawoo hɛɓɛ

¹³ Kɛlaa, ku wɛi, ku ɲɛ̨i pono mɛ̨nįi ku kaa nɛi káá, ku hva ku kpɔwɔ ɲąą kɛnɛ̨ ɉu, ku hvo tɛɛ ɲɛ̨n ma. Kɛlaa, kpaaləi Yálá ə naa ku tɔwɔ, ya ɓə, a ku wɔɔ kólói ɲɛ̨n, gbaaləi tii ɓə ku lɛɛ mą, kuɔ həli la káá.

Bible

¹³ Kɛ́lɛ, kúfe pâi yoŋka téei é tɛ́ɛ gɛ̂i ma, kɛ́lɛ, kwa pâi yoŋka téei nɔ́ díi mɛni ma Ɣâla e dɛ̀ɛ kúpɔi, a gɛ́ɛ máŋ ku seri la kâa.

Korɛntə veelɛ 10:13 ပူးပေါင်းရင်းမြစ်များ

Mąątɛ̨nɛ̨ 19:4

Hvo pɛ̨ɛ̨ li, di woo hva tɔɔ, nu hva di woo mɛ̨n.

Hanwon 25:14

Nui a gbɔwɔ ŋąą kɛnɛ̨, yɛ gaa pai mɛ̨inɛ̨ɛ̨ kɛi hva gɛ, gaa yɛ tulɔi a dɛ hva pu.

Azaya 28:17

Mɛ̨nį haŋąą ɓə pai kɛi a bɛlɛ́ kɔ́ɔn ɲɛli, tələnmolaa ə ɓo a ɉaŋą hɛn, ka mąąkilɛ pɛ́lɛ́i a lɛɛ, hanwon gaa pai ɉukalai, ɓɛi ka káá pai ka mąąkilɛi laa, yá hvɛɛ a nąą həɠə.

Maafîu 25:15

Ə wali kwələ lɔɔli həɠə ə dɛɛ dɔlɔɔ pɔ, ə hveelɛ həɠə ə dɛɛ veelɛ nąn pɔ, ə li ə tɔ̨nɔ̨n həɠə ə dɛɛ ɉaaɓa nąn pɔ. Ə dɛɛ di pɔ yɛ pələi di wɔ hvaŋą lɔ laa kaa la. Yili pulu ə li hiɛ ɓa.

Lomaŋ 10:18

Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Lomaŋ 12:6

Nu kəlee kɛ kóló kulaai gee mu, yɛ bələi gu mɛ̨inɛ̨ɛ̨ hɔlɔɓo la Yálá yəi. Akɛ Yálá mɛ̨nį noloɓoɔ ɓə ə́ kaa moi, 'gɛ yɛ bələ laa na la kaa la.

Lomaŋ 15:20

Kɛlaa nwɛ́i, ɓɛi di hvo ni kɛ Kristə mąą wɛlɛɛ lɛlɛɛ laa həli li laa, nąą ɓə ŋą́ ɉukulɔ laa. Ə gɛ, və́ pa kɛ nwɛ́i kɔwɔ hvilɛn nu takpɛli nwɔɔ mɛ̨i.

Korɛntə dɔlɔɔ 12:11

Kɛlaa, mɛ̨nįɠaa tii kəlee, Kili tanɔ̨n tii kɛ-kóló li, yɛ nu tɛitɛi nwɛi tɛɛ bɔ, yɛ bələi a laa la a nii.

Ifisiɛŋ 4:7

Nu tɛitɛi ə nwɔɔ hɔlɔɓo Yálá nwɔ nɛ̨ɛ̨laa hu, yɛ bələi di Kristə nwɔ mɛ̨inɛ̨ɛ̨ kɔɔn na mą.

Piɛrə dɔlɔɔ 4:10

'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.