Korɛntə veelɛ 1:8 - Yálá laawoo hɛɓɛ (dc)

⁸ Mąąhɔlɔɓo, nąn nonnii, ku hvo bɔ, ká hvo kɛ kwəi pilimąą hu, mɔ̨nɔ̨ɠaai ku mįi Asi lɔi hu, di nwiɛ pələ kuɔ, ɉee pələ ku hu, vaŋą kɛnɛ̨ pələ ə tɛɛ kuɔ, ku kili hvo kɛ mą, kuɔ kwa lɛɛ kɛ yɛnɛ̨ɛ̨.

Yálá laawoo hɛɓɛ

⁸ Mąąhɔlɔɓo, nąn nonnii, ku hvo bɔ, ká hvo kɛ kwəi pilimąą hu, mɔ̨nɔ̨ɠaai ku mįi Asi lɔi hu, di nwiɛ pələ kuɔ, ɉee pələ ku hu, vaŋą kɛnɛ̨ pələ ə tɛɛ kuɔ, ku kili hvo kɛ mą, kuɔ kwa lɛɛ kɛ yɛnɛ̨ɛ̨.

Bible

⁸ Kpɛ́ni fêi, ŋánûa, kúfe ŋ̀wɛ̂lii a gɛ́ɛ kákɛ a káƃoɔɔ mɛni-kpɔ̂lui ku zɔlɔ ƃô Eesiai m̀ɛni ma; kpɛ́ni fêi, mɛni-kpɔ̂lui è kɛ̀ kpɔ́ a ŋwiɛɛ kûa a dámaa nyíi kúfa pɔ̂ri mui, ǹyaŋ kúlɛ̂woi kpîŋ maa-lii-sɛlɛŋ è kɛ̀ kûa.

Korɛntə veelɛ 1:8 ပူးပေါင်းရင်းမြစ်များ

Gɛlaɠaa 16:6

Polə da Silasə di Frizi lɔi da Galatə lɔi hu hiɛ, mąąhɔlɔɓo, Kili-Mąąhəɠɛɛ aa kɛ kpɛ̨ąn di tɔwɔ Yálá lawoo laa həli mɛ̨nį ɓa Asi lɔi hu.

Gɛlaɠaa 19:41

Yii kɛa ə kpɛɛ a nwooɠaai ti ɓoɔ, yɛ nuą diɛ; 'ka taɠa ɓɛ!

Gɛlaɠaa 2:9

Yaan, nu taɠaa kaa gu lɔwai di həɠə: Partə lɔi hu, Medi lɔi hu da Elamə lɔi hu, daɠaa di həɠə Mesopotami lɔi hu, Ɉude lɔi hu da Kapadosə lɔi hu, daɠaa di həɠə Pɔn lɔi hu, da Asi lɔi hu,

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.

Korɛntə dɔlɔɔ 15:32

Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Korɛntə dɔlɔɔ 16:9

Mąąhɔlɔɓo, pələ kɛnɛ̨ laa aa ɓo gɛ́ kólo tɔwɔ, ɛlɛɛ ɲówoɠaa tamąąi.

Korɛntə dɔlɔɔ 4:8

Káá gbɛa pilɛ! Káá gbɛa kɛ a hɛn gɔw nąmįną! Ə kulɔ ku pulu, ká kaa kɛ a tɔɔɓɛlaa! Kɛlaa, ku wɛi, ku hvo la! Ə li kɛ, ka kaa kɛ la a neeleei, kuɔ kpɛli ku li kɛ tɔɔlaa hu gwa gaa ni.

Korɛntə veelɛ 1:9

A tɛ̨ą leelee, ku kili ə kɛ kɛa ɉu kuɔ, ku haa hiɛ li. Gɛ pələi tii, ku hvo ku gilitɔɔ ku kpɔwɔ ɓa, kɛlaa ku dɔɔ Yálá ɓa, yai a haa nuą nwun.

Korɛntə veelɛ 6:9

diɛ ku kaa yɛ nuąi kɔlɔn və diɛ, yá pa, ku kɔlɔnŋąą, diɛ ku kaa yɛ haa nuą, yá pa, ku kaa yɛnɛ̨ɛ̨, da ku mɔ̨nɔ̨ɓo, kɛlaa, di hva ku paa,

Samuɛlə dɔlɔɔ 20:3

Davidə ə gwɛla ma, yɛ mą: «Ə́ nąn gili kaa ɉu, yɛ gwa yɛ́ gu nɛɛi. Gaa giliŋąhiɛ yɛ kɛ diɛ: ‹Maa hvo nɛ̨ɛ̨li Ɉonatan gili hvo pu ɉu; a nee ɉukulɔ Davidə ɓa.› Kɛlaa, gáá gwɛlai a Yai-Laa laa, da ə́ wɔ yii yɛnɛ̨ɛ̨ kpɔ-kpɔ, ɉáá mɛ̨nį mąą hvo kwɛa li mą́ą́ kpɛli tiikpə.»

Samuɛlə dɔlɔɔ 27:1

Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»