Korɛntə veelɛ 1:22 - Yálá laawoo hɛɓɛ (dc)

²² ya ɓə gɔlɔn ɉii kɛ guɔ, diɛ pɛli gu kɔlɔn ɉii la a nwɔ nuą; yɛ gu lii laahvɛɛ a nwɔ Kilii, a mɛ̨inɛ̨ɛ̨ tɔlɔɔ.

Yálá laawoo hɛɓɛ

²² ya ɓə gɔlɔn ɉii kɛ guɔ, diɛ pɛli gu kɔlɔn ɉii la a nwɔ nuą; yɛ gu lii laahvɛɛ a nwɔ Nįį, a mɛ̨inɛ̨ɛ̨ tɔlɔɔ.

Bible

²² A ŋɔŋɛi-kɛ-maai kɛ́ kûa. A Ŋɔmɔ̂leŋ tɛ́ɛ kúpɔ kúlii-ŋai su yɛ̂ɛ kono-tee-woo.

Korɛntə veelɛ 1:22 ပူးပေါင်းရင်းမြစ်များ

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Lomaŋ 4:11

Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə veelɛ 5:5

Nui gu pɛli tínąą tii mąą mɛ̨nį ɓa, Yálá kpinįi ɓə. Yaa ɓə gu kɔ a ŋą Kilii yəi mɛ̨inɛ̨ɛ̨ dɔlɔɔ.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 7:3

«'Ká hvo mɛ̨nį ta laa lɔi ɓa, gboloyá, ə mą kɛ, wuluɠaa diɛ, hvo kɛli ni, kwa ku kɔlɔn ɉii kɛ Yálá ŋą tínuą tɔwɔla.»

M̀ɛni-lɛɛi 9:4

Di tɔn dɔɔ diɛ, di hvo kɛ di kaa mɛ̨nį ɲɔ̨n gɛi a kala tɛlinŋaai lɔi mɛ̨i, da wulu, ə mą kɛ, hihɛn nɔpee ta, kɛlaa, ə kulɔ lɔ nuąi tii Yálá kɔ́lɔn ɉii hvo kɛ di tɔwɔla.