Korɛntə veelɛ 1:19 - Yálá laawoo hɛɓɛ (dc)

¹⁹ Mąąhɔlɔɓo, Yálá lon Jesus Kristə, yai ku mąą mɛ̨nį laa həli káá: Ɲą́ą́, Silvɛn, ɛlɛɛ, Timote, hvo kɛli kɛ a: «ee!» da «kpaa!» Kɛlaa yaamun, gaa a «ee!», a yələ kəlee.

Yálá laawoo hɛɓɛ

¹⁹ Mąąhɔlɔɓo, Yálá lon Jesus Kristə, yai ku mąą mɛ̨nį laa həli káá: Ɲą́ą́, Silvɛn, ɛlɛɛ, Timote, hvo kɛli kɛ a: «ee!» da «kpaa!» Kɛlaa yaamun, gaa a «ee!», a yələ kəlee.

Bible

¹⁹ Kpɛ́ni fêi, Zîsɛ Kôrai Ɣâla Ǹóŋ nyíi kwa maa-mɛni ƃò kásamâi, kwa Seveenɔ da Temete, ve niî kɛ́ ni a Ooei, Kpa; Ooei nɔ́ ƃe a tãi kélee gbonôi.

Korɛntə veelɛ 1:19 ပူးပေါင်းရင်းမြစ်များ

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Lɛɛ gbɔwɔ ɓa 3:14

Yálá yɛ Moisə ɓa: «Náá ɓaa a: ‹Yai Gaa Lɔ A Yaa›, yá li, yá kɛ diɛ, nui ŋɛ̨i naa ɓa a: ‹ƝĄ́Ą́ LƆ, ya ɓə dɔ́ɔ́ ka pɔ.›»

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Maafîu 27:40

«Yɛ́i kɛi kɛ diɛ ya Yálá hee pɛlɛ́ pu ə́ pənə ə́ dɔɔ hvóló haaɓa yee mu, ə́ kpɔɔ ɓalo wɛ! Yɛ́ kpinįi. Akɛ Yálá Lon mąą a yɛ́, ə́ kpɔɔ kulɔ wɛ golɔwa ɓa ə́ hvilɛn.»

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Markə 1:1

Nwɛlɛɛ lɛlɛɛi vilɛn ŋąąi Yálá lon Jesus Kristə ɓa, gbala tɔɔi ka.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 19:7

Ɉuifəɠaa diɛ mą: «Tɔ́n gaa ku yəi, yɛi: mąąnɛ̨ɛ̨ nu taaləi ŋɛ̨i ə haa, mąąhɔlɔɓo, aa gbɔwɔ kɛ a Yálá Lon.»

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ɉaan 6:69

Ku wɛi, kwaa laa na, kwaa gɔlɔn kuɔ ə́ kaa a Yálá nwɔ mąąhəɠɛɛ.»

Ɉaan 8:58

Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»

Gɛlaɠaa 15:22

Nąąlɔwai, Gɛlaɠaa da galaɉonŋaa, di woo ə laa mą, da gbɔn ɉu nuą, di nu taɠaa həɠə ɉu di lɔwai, di di tɔɔ Antiɔsə da Polə ni ə mą kɛ, Barnabasə. Diɛ ɓaa kɛ a Ɉudasə, yai da kɛ mą: Barsabasə da Silasə, nu hveelɛi ti di kɛ a laa na nuą galan nɛa lɔwai.

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Korɛntə veelɛ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Tɛsalonikə dɔlɔɔ 1:1

Polə, Silvain, ɛlɛɛ Timote, kuɔ ɓə ɉɛɓɛ́i ŋɛ̨i tɛɛi Tesalonikə kalan gbɔn ɓa, diɛi di kaa gu Ną́n Yálá da gu Ną́mu Jesus Kristə hu. Mɛ̨inɛ̨ɛ̨ da liilaa ə kɛ ka pɔ.

Tɛsalonikə veelɛ 1:1

Polə, Silvain, ɛlɛɛ, da Timote diɛ ɓə ɉɛɓɛ́i ŋɛ̨i tɛɛi Tesalonikə kalan gbɔn ma, diɛi gu Ną́n Yálá da gu Ną́mu Jesus Kristə hu.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Hebreu 1:11

Di wɛi, haa kaa diɛ, kɛlaa, ə́ wɛi, ə́ kaa lɔ laa a yələ kəlee. A tɛ̨ą, gəlee da haɠa yɛ həɠə.

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Piɛrə veelɛ 1:17

Ɓɛlɔwai ə kɛi kɛnɛ̨ laa da mąąwiɛ hɔlɔɓo la Ną́n Yálá yəi, ku kɛ laa. Yálá kpinįi ɓə mo yɛ kɛ mą: «Nui ŋɛ̨i kaa a Nón ɉulɔnu, yii nwɛli kaa mą́ą́. Yaa ɓə ŋą́ą́ mą́ą́ mɛ̨nįɠaa kəlee lɛɛ ma.»

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Zɔ̂ŋ Veerɛi 1:9

Nui lɔpee a mąą kwea mą ɛlɛɛ, hvo lɛɛ li Kristə ŋą laa na pələi mɛ̨i, akɛ tii, Yálá nwɛi ta hvə li. Nui a lɛɛ laa na pələ mɛ̨i, kɛ tii aa, Nąn da Non di hɔlɔɓo.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ: