Korɛntə veelɛ 1:17 - Yálá laawoo hɛɓɛ (dc)

¹⁷ Giliŋąhiɛ taaləi tii kɛi ŋą́ mo, ŋą́ gɛ mɔ̨ɔ̨ dɛ́ɠíi? Awalawala kɛ tii, gwə́i kiliɠaa kaa lɔ mɔ̨ɔ̨ a nu kan gwəi gili, yai, «ee!» kaa ɉu «kpaa!» yɛ ɓo ɉu?

Yálá laawoo hɛɓɛ

¹⁷ Giliŋąhiɛ taaləi tii kɛi ŋą́ mo, ŋą́ gɛ mɔ̨ɔ̨ dɛ́ɠíi? Awalawala kɛ tii, gwə́i kiliɠaa kaa lɔ mɔ̨ɔ̨ a nu kan gwəi gili, yai, «ee!» kaa ɉu «kpaa!» yɛ ɓo ɉu?

Bible

¹⁷ Ŋá kɛ̀ tíi támaa kɛ̂i tãi ŋá kɛ̀ ŋ̀wɛ̂lii ŋa nyíŋi kɛ́ lai? Ŋa ŋámɛni kpɛtɛɛi kɛ̀ yɛ̂ɛ ŋ̀éniɛi ŋí su-nuu, nyíi gbɛtɛɛ̂i nɔ́ a gɛ́ɛ é kɛ́ Ooei, Kpa, a maa félaai?

Korɛntə veelɛ 1:17 ပူးပေါင်းရင်းမြစ်များ

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Sofoni 3:4

Nuąi laa, diɛ Yálá kwəi mɛ̨nį hukulɔ, di kaa a kpɔwɔ ɲąąkɛnɛ̨ nuą, di kwəi hvo kwələ li. Nwɔ haláá laa həli nuą, daa ɉɛn mąąhəɠɛɛ mɛlɛ kpɛɛ mą, daa dɔ́n mąą kala.

Maafîu 1:19

Nwɔ wɛli Ɉosɛfə ə kɛ a nui dúwɔ́ pələ lɛlɛɛ Yálá ɲɛ̨i ɓa. Hvo kɛ bɔ hvo Mari nwumɛ̨; ə kɛ bɔ ə nwɛli kala loo pələi.

Maafîu 5:37

Mąąnɛ̨ɛ̨ ka wɔ ‹Ee!› Ə kɛ a ‹Ee›; ka wɔ ‹Kpaa!› Ə kɛ a ‹Kpaa›. Yii kɛa a ɓo mɛ̨nį hveelɛi tii pulu, a kɛ tii yili ə həɠə gbąną mun bɔ.»

Ɉaan 8:15

Ka wɛi, ka kiti tee lɔ yɛ pələi nuą kiliŋąhiɛ pələ kaa la; kɛlaa nwɛ́i, vá nu ta kiti tee.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 11:18

Yii nu tamąą da di kpɔwɔ ɲąą kɛnɛ̨ yɛnɛ̨ɛ̨ mɛ̨nįɠaa hu, ɲą́ą́ gbɛli, ŋą́ gbɔ́wɔ́ ɲąą kɛnɛ̨.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Tɛsalonikə dɔlɔɔ 2:18

Yili kpɔ ɓə gɛ, kuɔ kɛ ku paa la ká pɔɔli. Gəlee ə mą gɛ, ɲą́ą́ Polə, ŋą́ą́ ɉu kɔɔn gbɔ geemɛ̨i tamąą, ɛlɛɛ, ɓilihi yɛ kpɛ̨ąn ku tɔwɔ.

Zĩi 5:12

Mɛ̨nį kəlee ə mą kɛ, nąn nonnii, 'ká hvo ká kwɛla a yələkɔlɔn da lɔi, a wala kɛ ti, a hɛn ɉuwui lɔpee gəlee ta. Ká wɔɔ «ee!» ə kɛ a «ee!» Ká wɔɔ «kpaa!» ə kɛ a «kpaa!» Ya ɓə a gɛ, ká hva too la kitii hu.

Nwun mąąɓo 9:4

Nuąi tii di nɛɛ mą, di wali kwələ pow mɛ̨ihveelɛ həɠə Baalə-Beritə pɛlɛ́ mu, di dɛɛ Abimelɛkə pɔ. Abimelɛkə ə nwalii tii ta tɛɛ nu kpoloonŋąą pɔ, da too nwun ma kulɔ nuą, di hvilɛn bulu.