Korɛntə veelɛ 1:12 - Yálá laawoo hɛɓɛ (dc)

¹² Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Yálá laawoo hɛɓɛ

¹² Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Bible

¹² Kpɛ́ni fêi, kúyoŋka téɛɛ ká ŋí, kúkili-ŋa-siai m̀aa sêre-faai ƃa a gɛ́ɛ kwa tûa lɛ́lɛɛ kɛ́ ŋ̀éniɛi su a Ɣâla ŋɔmaa-waa-laai da ŋɔtɔ̃yâ laa-lai. Kútûa lɛ́lɛɛi dámaa káa kápɔ-pere. Kúfe gɛ̀ ní a ǹɔii ŋí su-tarei, kɛ́lɛ, ku gɛ a Ɣâla ŋɔƃɛlɛ-sêei.

Korɛntə veelɛ 1:12 ပူးပေါင်းရင်းမြစ်များ

Samia Veerɛi 22:22

Mąąhɔlɔɓo, kpaaləi Yai-Laa ə kɛ yɛ ŋą́ hiɛ la, ya ɓə ŋą́ hiɛ laɉu. Və́ kɛ kulɔ li nwɔ́ Yálá woo mu.

Zôo 13:15

Yálá ka kiɛ pai báái, gíli hvo tɔɔ li hɛn da kpɛli ɓa. Ə mą kɛ ti, gáá lɔ pai ɉíɛ pələ hukulɔi ma.

Azaya 38:3

Yɛ kɛ mą: «Ee kə! Yai-Laa, nɛ̨ɛ̨ yɛ́, ə́ kiliŋąhiɛ, ə́ vilɛn bələi ŋą́ túwɔ́ la ə́ ɲɛ̨i ɓa a tɛ̨ą da kwəi kwələ laa; mɛ̨nįi kɛ a nɛ̨ɛ̨ yɛ́, ya ɓə ŋą́ kɛi gɛ.» Ezekiasə ə wɔlɔ kpɔ kɛnɛ̨.

Gɛlaɠaa 23:1

Polə ə ɲɛ̨i hee kpɔ tɔ́n vili nąmįną diɛ, yɛ diɛ: «Nąn nonnii, kiliŋąhiɛ yii kɛ mą́ą́ gɛ́ kólo kɛ la Yálá ɓa, aa lɛɛ la ɉu háákələi yələ aa ɉəli, gaa a kiliŋąhiɛ lɛlɛɛ.»

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Lomaŋ 9:1

Kristə hu, tɛ̨ą ɓə gáá moi, və́ lɛɛ kɛi, ŋą́ gbɔ́ɔ́ mąą kɛla hvaaɓo a yili, Kili-Mąąhəɠɛɛ háálai, və́ lɛɛ kɛi.

Korɛntə dɔlɔɔ 1:17

Gbala ə tɔɔ, Kristə hvo kɛ dɔ́ɔ́ li nuą mąąwaa mɛ̨nį ɓa, kɛlaa, nwɛlɛɛ lɛlɛɛ laa həli mɛ̨nį ɓə, və́ naa həli a kilikɛɲəi woo hukulɔ, ə gɛ, Kristə ŋą haai ə mo kolɔwa ɓa hvo pa lɛɛ a kpɛli.

Korɛntə dɔlɔɔ 12:8

Kili-Mąąhəɠɛɛ a nu taɠaa di wɛi kɛ a kilikɛɲəi wooɓoɔ, daɠaa di wɛi yɛ ɓo a: mɛ̨nį kɔ́lɔn nwoo Kili tanɔ̨n tii haalai;

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə dɔlɔɔ 2:13

Kuɔn, ku hvo mɛ̨nį ta ɓoi a nu kan ŋą kilikɛɲəi woo, kɛlaa, ku kaa moi a Yálá nwɔ Kilii nwɔ mɛ̨nį lɛ pələ, kuɔ mo a Yálá nwɔ kili.

Korɛntə dɔlɔɔ 4:4

A tɛ̨ą, gwə́i kili hva ɉɔ́n gaa mą́ą́, kɛlaa yili hvə a də́lə́nmo, nui a mą́ą́ mɛ̨nį hutɔɔ, ya lɔ ɓaa gu Ną́mu.

Korɛntə dɔlɔɔ 5:8

Yili ɓa, ká gu gu wɔɔ hɛli pu kan, hvo kɛ a lɛɠɛi dɛ hɛn bɔlɔ pɔlɔ, hvo kɛ a kili ɲɔ̨nwɔ̨ɔ̨ da túwɔ́ pələ ɲɔ̨n. Kɛlaa, ká gu gɛ a lɛɠɛ yii gala hɛn və ɉu, kwəi kwələlaa hu da tɛ̨ą hu.

Korɛntə veelɛ 1:17

Giliŋąhiɛ taaləi tii kɛi ŋą́ mo, ŋą́ gɛ mɔ̨ɔ̨ dɛ́ɠíi? Awalawala kɛ tii, gwə́i kiliɠaa kaa lɔ mɔ̨ɔ̨ a nu kan gwəi gili, yai, «ee!» kaa ɉu «kpaa!» yɛ ɓo ɉu?

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Korɛntə veelɛ 8:8

Və́ moi yɛ ŋą́ kɛli tɔ́n naa ká mɛ̨i yili hu, kɛlaa, ŋą́ kɛi nu takpɛliɠaa kwəinɛ̨ɛ̨ pələ hukulɔ káá, gáá bɔ ká ká wɔɔ wɛlikɛmąąlaa lɛ kpɔ ɉu a neelee.

Galatə 6:4

Kɛlaa, nu kəlee ə gbɔwɔ túwɔ́ pələ mąą kpɛɛ, a ɲɛ̨i pono mɛ̨nį nwun gaa, ə gaa lɔ gbɔwɔ kpinį hu hva kɛ mɛlaa mąą mɛ̨nį hu.

Ifisiɛŋ 6:14

'Ká həɠə kani kɛa ká tɔɔ! 'Ká tɛ̨ą kɛ a ká hɛ̨ą-yili-kɔlɔ, tələnmolaa ə kɛ a ká kəɠə mɛ̨i həɠə,

Filipə 1:10

káá pɛli mɛ̨nįɠaa gulɔ ɉu kɛi, yii nɛlɛɛ, káá gɛ; yili ɓə pai gɛi, ká mąą ə həɠə, ká mąąkulɔi hva kɛ káá, a Kristə ŋą hvóló;

Tɛsalonikə dɔlɔɔ 2:10

Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Taitɔ 2:7

Yɛ́ kpinįi ə́ kpɔwɔ lɛ ə́ túwɔ́ pələ hu, a kɔɔmąą lɛlɛɛ, kalan gɛ pələ mąąhəɠɛɛ hu, ə́ ɲąąlaa,

Hebreu 13:18

'Ká kɛ Yálá hvɛlii kuɔ, mąąhɔlɔɓo, ku kilaa ponoɔi kpɔ a nɛlɛɛ, ku kwəi kwɛlɛɛ, ku kaa bɔ, ku túwɔ́ a nɛlɛɛ mɛ̨nį lɔpee gəlee hu.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,