Korɛntə veelɛ 1:1 - Yálá laawoo hɛɓɛ (dc)

¹ Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Yálá laawoo hɛɓɛ

¹ Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Bible

¹ Ńyãa Pɔ̂ɔ, ŋ́gaa a Zîsɛ Kôrai ŋɔsia-nuu yɛ̂ɛ berei Ɣâla ŋɔnîa-mɛnii káa lai, kwa Temete nyíi gáa a ku ƃarâŋ-nuui, Ɣâla-toli-kpɔŋ gáa Kɔleŋ da Ŋ̀âla-ƃelai kélee díkaa Ɛkeya-lɔii kwaa kélee:

Korɛntə veelɛ 1:1 ပူးပေါင်းရင်းမြစ်များ

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Lomaŋ 15:26

Mąąhɔlɔɓo, Masedoanə nuą da Akaiə nuą daa di kiliŋąhiɛ ə gɛ di mɛ̨inɛ̨ɛ̨ kɛ Yálá nwɔ nuą Ɉerusalɛmə diɛ, mąąhɔlɔɓo di yee ɲą aa kpɛɛ.

Lomaŋ 16:21

Timote yai kwa yaa ku kaa kólo kɛi gee ɓa, yɛ ka tuwɔ ɓo, ə mą kɛ Lusiusə, Ɉasɔn, da Sosipatrɔsə diɛi di kaa a ŋą́ nuą, diɛ kpɛli diɛ ka túwɔ́ɓo.

Lomaŋ 16:5

Yálá nwɔ nuąi da kɛ di ɲąąkpɔn ɉii di yəi bɛlɛ́n, ŋą́ di tuwɔ ɓo. Epenɛtə yai ɲee hee Kristə mu tɔlɔɔ Asi lɔi hu, ŋį́ duwɔ ɓo.

Korɛntə dɔlɔɔ 10:32

'Ká hvo kɛ a nui lɔpee ta too hɛn, ə kɛ a Ɉuifə, ə kɛ a, Grɛkə, ə kɛ nwɔ̨nɔ̨ a Yálá nwɔ kpɔn.

Korɛntə dɔlɔɔ 16:10

Timote a pa laa, ka ká yee hee mu a nɛlɛɛ, mąąhɔlɔɓo, kwa yaa ɓə ku kaa Ną́mu nwɔ kólói ɓa kuɔ gɛ.

Korɛntə dɔlɔɔ 16:15

Ną́n nonnii! Mɛ̨nį tɔ̨nɔ̨ ɓə gáá ɉu hvɛlii káá, 'ká kili kaa ɉu, Stefanasə da ɲəi bɛlɛ́n nuą ɓə kɛ a Akaiə nuą dɔlɔɔ, diɛ di kpɔwɔ kɛ a nu mąąhəɠɛɛɠaa di wɔɔ tínuą.

Korɛntə dɔlɔɔ 16:24

Ká kəlee ká wɛlikɛ kaa mą́ą́, gu Ną́mu Jesus Kristə hu.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Korɛntə veelɛ 1:19

Mąąhɔlɔɓo, Yálá lon Jesus Kristə, yai ku mąą mɛ̨nį laa həli káá: Ɲą́ą́, Silvɛn, ɛlɛɛ, Timote, hvo kɛli kɛ a: «ee!» da «kpaa!» Kɛlaa yaamun, gaa a «ee!», a yələ kəlee.

Korɛntə veelɛ 1:23

Yálá ɓaa a nwɛ́i gɛla, akɛ gáá lɛɛ kɛi, ə báá; mɛ̨nįi gɛ və́ búlú pənə la, və́ paa la Korɛntə daai, nwun mąą: Ka lɛɛ ka ɓɛlɛ mɛ̨i.

Korɛntə veelɛ 11:10

Kristə mąą tɛ̨ąi heeni ɉú, ɉáálai, gáá kpɔ moi gɛ́: Ɲɛ̨́i pono mɛ̨nįi gaa Akaiə lɔi hu, hva kulɔ ɲə́i.

Korɛntə veelɛ 9:2

Ŋą́ ka wɔ kiliŋąhiɛ lɛlɛɛ kɔ́lɔn, ɛlɛɛ, ŋą́ ɲɛ̨́i pono la Masedoanə lɔi hu nuą ɲɛ̨i ɓa; ŋą́ kɛ kɛi diɛ: Akaiə yee ɲąą pɛliɛi, gwɛlan dɔ̨nɔ̨ ka; ɛlɛɛ, ká wɔɔ tɔɔ a nwąnąi laa tii, aa kalan gbɔn damąą lii muhəɠə a nɛlɛɛ.

Galatə 1:1

Ɲą́ą́ Polə, Jesus Kristə ŋą tímun; nu ta hvei gɛ́ la, ɛlɛɛ, və́ mąą laa hɔlɔɓo li nu ta yəi. Kɛlaa, ŋį́ ɉɔlɔɓo Jesus Kristə kpinįi kpɔ ɓə ɲəi, da gu Nąn Yálái gulɔ haa yəi, ə gɛ a vulú;

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Tɛsalonikə dɔlɔɔ 1:1

Polə, Silvain, ɛlɛɛ Timote, kuɔ ɓə ɉɛɓɛ́i ŋɛ̨i tɛɛi Tesalonikə kalan gbɔn ɓa, diɛi di kaa gu Ną́n Yálá da gu Ną́mu Jesus Kristə hu. Mɛ̨inɛ̨ɛ̨ da liilaa ə kɛ ka pɔ.

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Tɛsalonikə veelɛ 1:1

Polə, Silvain, ɛlɛɛ, da Timote diɛ ɓə ɉɛɓɛ́i ŋɛ̨i tɛɛi Tesalonikə kalan gbɔn ma, diɛi gu Ną́n Yálá da gu Ną́mu Jesus Kristə hu.

Timote dɔlɔɔ 1:1

Polə, Jesus Kristə ŋą kɛla, yɛ bələi gu nwun mąąɓomun Yálá ə dí la, da Jesus Kristə yai a gu wɔ kilitɔɔi.

Timote veelɛ 1:1

Polə, Jesus Kristə ŋą kɛla, Yálá liiɓa hu, yɛ bələi ə yɛnɛ̨ɛ̨ laakwɛlanmo la Jesus Kristə hu,

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Filemɔn 1:1

Ɲą́ą́ Polə, ɲą́ą́ ŋɛ̨i gaho ŋą Jesus Kristə laa mąą mɛ̨nį ɓa, kwa Timote ɓə ɉɛɓɛ́ ŋɛ̨i tɛɛi Filemɔn ɓa, diɛi kwa diɛni ku kaa díɓo tɔ̨nɔ̨i ŋɛ̨i ɓa.

Hebreu 13:23

'Ká kili ə pu ɉu káá, gu nąn non Timote aa kulɔ gaho ŋą. A pa ɉa, kwa yaa kwa pa ká pɔɔli.