Kolosə 4:5 - Yálá laawoo hɛɓɛ (dc)

⁵ Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Yálá laawoo hɛɓɛ

⁵ Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Bible

⁵ Ka kámɛi káa a táre Ŋ̀âla-kpolowa-ŋai sama. Tãi nyíi gáa káyêeii, ka tíi kɛ́ la a ǹɛ́lɛɛ.

Kolosə 4:5 ပူးပေါင်းရင်းမြစ်များ

Mąątɛ̨nɛ̨ 90:12

Ku yíi hvóló hu hvo kwɛa li, yili kpaɠala lɛ kuɔ, ku kili ə pu ɉu, əgɛ, kuɔ pɛli kili hɔlɔɓoi.

Danîa 2:8

Tɔɔmun ə pənə ə mo diɛ, yɛ diɛ: «Ŋą́ą́ gaa kpɔ a tɛ̨ą, gɛ́ diɛ: Ka káá lɔ bɔ ka lɔwai hɔlɔɓo, mąąhɔlɔɓo, mɛ̨nįi ŋɛ̨i ŋą́ą́ mo, hva pɛli həɠəi mą.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Markə 4:11

Ə di woo pulu pənə yɛ diɛ: «Ka wɛi, kaa Yálá-taa tɔɔlaa hu mɛ̨nį lowuɔɠaa aa tɛɛ ka pɔ. Kɛlaa di wɛi, hvo tɛɛ li di pɔ, da mɛ̨n hanwon ɉu.

Lomaŋ 16:19

Nu kəlee kili kaa ɉu diɛ ka woo mɛ̨n naa kɛ. Ká mąą mɛ̨nį a gwə́inɛ̨ɛ̨, yii gáá bɔ ya ɓaa ka kɛ a kilimąą nuą, ka mɛ̨nį lɛlɛɛ kɛ ka mɛ̨nį ɲɔ̨n mąą laa.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Tɛsalonikə dɔlɔɔ 4:12

əgɛ, ká túwɔ́ pələ mąą ə wiɛ yɛnɛ̨ɛ̨ nuą ɲɛ̨i ɓa, ɛlɛɛ, ká hvo pa nəi hɛlɛn nu ta ɓa.

Timote dɔlɔɔ 3:7

Hvo kɛli nwɔ̨nɔ̨, yɛnɛ̨ɛ̨ nuą diɛ dɛnɛ̨ a nɛlɛɛ, əgɛ, hvo pa too nwumɛ̨ mɛ̨nį hu, nąnį nwɔ hɛlɛn ŋą.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Zĩi 3:13

Gbɛɛ ɓə ká lɔwai a kilimąą mun, a nwun gɛ-ɉumun? Mąą nu ə nwɔ kili mɛ̨nį lɛ dúwɔ́ pələ hu, a kpɔɔ mąą yɛɛ laa.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Piɛrə dɔlɔɔ 3:1

Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,