Kolosə 4:12 - Yálá laawoo hɛɓɛ (dc)

¹² Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Yálá laawoo hɛɓɛ

¹² Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Bible

¹² Zîsɛ Kôrai yée-mu-nuui Ɛpafɔlɛ, nyíi gáa a kátài e fàa kâa. Gáa tɔ̂ɔni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ka tɔɔ kpɔ́ a gbanaŋɔɔ ka Ɣâla ŋɔnîa-mɛnii kélee kɔlɔŋ a ǹɛ́lɛɛ.

Kolosə 4:12 ပူးပေါင်းရင်းမြစ်များ

Maafîu 5:48

Ka wɔ túwɔ́ pələ lɛlɛ ə pɛli ɉu, yɛ pələi ka Ną́n Yálá yai gaa yələkɔlɔn ɉu, nwɛi kaa la.»

Lukə 1:1

Nwɛ́li kɛ mąą mun Teofilə, yɛ pələi ə́ gbaɠala kɔ́lɔn na, mɛ̨nį kpɛa-kpɛaai ŋɛ̨i kɛ ɓɛ nɔi, nu tamąą daa gɔɠɔ tɔɔ diɛ hɛɓɛ́ pɛ̨ɛ̨ yɛ hvilɛn na mɛ̨nįɠaa tii ɓa.

Lukə 22:44

Ə kɛ yɛ nu a kɛ ɉaa kɔ́wɔ ŋą, yɛ Yálá hvɛli kpɔ a mɔlɔɔ. Hvɛnɛ̨ yɛ kulɔ mą yɛ ŋąmą, yɛ hvilɛn nɔi ɓa.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Lomaŋ 15:14

Yii hvilɛn na ka mąą mɛ̨nį ɓa, ną́n nonnii, ɲą́ą́ kpinįi náái kpɔ na, gɛ́, ká laahvɛɛi a mɛ̨nį lɛlɛɛ kɛ mɛ̨nį, ká pilaa a mɛ̨nį kɔlɔnŋąą; ɛlɛɛ, káá pɛli ka keeni kilaa ponoi.

Lomaŋ 15:30

Nąn nonnii, yii gáá vɛlii kaa gu Ną́mu Jesus Kristə laa hu, da Kili-Mąąhəɠɛɛ nwɔ wɛlikɛmąąlaa hu, ya ɓa: 'Ká kpɔnmąą tɛɛ bɔ́ gɔi ŋɛ̨i hu, a Yálá hvɛlii ká mo mą́ą́ mɛ̨nį ɓa.

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Korɛntə dɔlɔɔ 2:6

Kɛlaa gaa kpɔ pa a tɛ̨ą, kilikɛɲəi laa ɓə ku kaa nɛi Kristalɛa diɛ, a diɛi daa di kpɛlaan ɉee. Gilikɛɲəi laa yili, hvo a ɲɛ̨nɛ̨ɛ̨ ŋɛ̨i nwɔɔ, ə mą kɛ a ɲɛnɛ̨ɛ̨ ŋɛ̨i hu tɔɔɓɛlaa di wɔɔ, yai naa kulɔi ɓaa a nwun na pili.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Kolosə 1:22

Ya ka kɛa yiihu, Yálá aa ká diɛni ká yee lɔ gee hu, a non gulɔi ə mo a hálaa, ɉáálai; káá pɛli kɛi la a nu mąąhəɠɛɛɠaa ɲɛ̨i mu, ká mąąkulɔi hva kɛ káá, hɛn da hva pɛli kɔ́ pɛlɛi káá.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Kolosə 1:29

Nwɔ́ɔ́ tɔɔ a nwąnąi laa nwun gaa mą, ya ɓaa; gɔi gáá gɔi, a hvaŋąi kolo kɛi ɉú.

Kolosə 1:7

yɛ bələi Epafrasə ə ká mąąkwɛli la, yai a gu ɓɛlan, a gu hiɛgee pulu, a Kristə ŋą timun dələnmoɔ,

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Kolosə 4:9

Onesimə ɓə pai naa lɛi, yai a gu nąn non a kulɔ nwoo ɓa, mąą mɛ̨nį nwąnąą, ə ɓo a ká ta. Mɛ̨nįɠaa kpɔ tɛɛi ɓɛ, diɛ ɓə pai ɉukulɔi káá.

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Filemɔn 1:23

Epafrasə ŋɛ̨i kwa yaa ku kaa gaho ŋą Jesus Kristə laa mąą mɛ̨nį ɓa, yɛ ə́ tuwɔ ɓo.

Hebreu 5:14

Kɛlaa, nuąi daa di mąą-nu-laa kpɛɛ, di wɛi, kɔ̨nɔ̨n nwalawala ɓə da mįi; diɛi tii daa tɛɛ yɛnɛ̨ɛ̨ mɛ̨nį tamąą hui, diɛ ɓə mɛ̨nį tamąą hukpɛ kili kaa diɛ, da pɛli di mɛ̨nį lɛlɛɛ da ɲɔ̨nwɔ̨ɔ̨ di kulɔ ɉu kɛ.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Zĩi 1:4

Kɛlaa, ká tɔɔ a ká nwąnąi, ká wɔ liikpələlaa ə too pono ŋą, ə gɛ ka mąą mɛ̨nį laa ə kulɔ kpɔ a neelee, ká hvo hvɛɠɛ a hɛn nɔpee ta.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,