Kolosə 4:11 - Yálá laawoo hɛɓɛ (dc)

¹¹ Jesus, yai naa mɛ̨i hee ɓaa Ɉustusə, yɛ ká tuwɔ ɓo. Ɉuifəɠaa lɔwai, diɛ tɔ̨nɔ̨ lɔ ɓə kwa diɛni ku yee káá Yálá-taa tɔɔlaa mąą kóló ɓa; diɛi ti ɓə liilaa tɛɛi bɔ́.

Yálá laawoo hɛɓɛ

¹¹ Jesus, yai naa mɛ̨i hee ɓaa Ɉustusə, yɛ ká tuwɔ ɓo. Ɉuifəɠaa lɔwai, diɛ tɔ̨nɔ̨ lɔ ɓə kwa diɛni ku yee káá Yálá-taa tɔɔlaa mąą kóló ɓa; diɛi ti ɓə liilaa tɛɛi bɔ́.

Bible

¹¹ Zîsɛ nyíi da kɛ̂ ma Zɔsitɔi, e fàa kâa máŋ. Ǹûai ŋí nɔ́ ƃe díkaa a Zûu-Korai-ƃela ḿarâa-tii-kɛ ƃelai sama Ŋ̀âla-taa kâloŋ-laai mɛni ma, nyíi-ŋai da wɔ́lɔ kɛ́ a ŋá-nɛnɛ-ƃelai.

Kolosə 4:11 ပူးပေါင်းရင်းမြစ်များ

Gɛlaɠaa 10:45

Laa na nuąi kɛ a Ɉuifəɠaa, diɛi lɛɛ Piɛrə pɔ diɛ pai, di kwəi ə pili diɛ, mąąhɔlɔɓo, Kili-Mąąhəɠɛɛ yəi mɛ̨inɛ̨ɛ̨ aa kɛ tɛɛ, ə mą kɛ, huwu takpɛliɠaa pɔ.

Gɛlaɠaa 11:2

Ɓɛlɔwai Piɛrə ə pənə ə paa la Ɉerusalɛmə, gɛ̨nɛ̨lɛa di hvaa pɛlɛ mą.

Lomaŋ 16:3

Gáá Priska da Akilasə di túwɔ́ɓoi diɛi di kaa a mɛ́laani Jesus Kristə nwɔ tiɓoi hu.

Lomaŋ 4:12

Abrahamə kaa lɔ nwɔ̨nɔ̨ a nuąi di kɛ́nɛ̨ kɛɛ di kalaɓɔlɔ diɛi di hva di kilitɔɔ lɔ kɛ́nɛ̨ mɛ̨nį ɓa, kɛlaa, laa na laai kɛ gu kalaɓɔlɔ Abrahamə yəi, di hvo ni kɛ ɉee li kɛ́nɛ ɓa, ya ɓə di hvilɛn ŋąą bulu.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Ifisiɛŋ 2:11

Ká kili ə pu ɉu kani, káá, tɔlɔɔ-tɔlɔɔ, káá ŋɛ̨i kɛ hali yíi hu, ká kaa pələ hu, nuąi wɔlɔ kɛi di kpɔwɔ kaa a kɛ́nɛ̨lɛaa, a gɛ́nɛ̨i tii da gɛ nu kɔlɔ ɓa pələ, nuąi tii di kɛli ká təli a kɛ́nɛ̨ kpoloaɠaa;

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Kolosə 4:7

Yii hvilɛn na mą́ą́ mɛ̨nį ɓa, ká káá pai mɛ̨n ɉii, gu nąn non Tisikə la, yai nwɛli kaa mą́ą́, a tímun a kulɔ nwoo ɓa, yai gwa yaa ku kaa kóló tɔ̨nɔ̨i kɛi gu Ną́mu hu.

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Tɛsalonikə dɔlɔɔ 3:7

Yili ɓa tii, ną́n nonnii, kwaa liilaa hɔlɔɓo ká mąą mɛ̨nį hu, ku wɔɔ liihɛlɛnŋaa da ku wɔɔ mɔ̨nɔ̨ɠaa hu, ká wɔ laa na laa háálai.

Taitɔ 1:10

A tɛ̨ą, nu tamąą kaa laa di hva lɛɛ nwoo mu laa kɛ, gəlee mą kɛ, Ɉuifəɠaai daa kɛ a Kristalɛa, da kɛ nu tamąą ɓowoi a lɛɛ woo kpɛli-kpɛliɠaa.

Filemɔn 1:1

Ɲą́ą́ Polə, ɲą́ą́ ŋɛ̨i gaho ŋą Jesus Kristə laa mąą mɛ̨nį ɓa, kwa Timote ɓə ɉɛɓɛ́ ŋɛ̨i tɛɛi Filemɔn ɓa, diɛi kwa diɛni ku kaa díɓo tɔ̨nɔ̨i ŋɛ̨i ɓa.

Filemɔn 1:24

Ə mą kɛ Markə, Aristarkə, Demasə da Lukə diɛi kwa diɛni ku kaa góló tɔ̨nɔ̨i ŋɛ̨i ɓa diɛ kpɛli diɛ ə́ tuwɔ ɓɔ.