Kolosə 3:8 - Yálá laawoo hɛɓɛ (dc)

⁸ Kɛlaa yiihu kani kɛa, kaa kpɛli mąn, mąąnɛ̨ɛ̨ ka mɛ̨nįɠaa ŋɛ̨i lɛɛ laa, diɛ ɓaa: liiɲąnwąną, lii kələn gwəi, nwąnąlɔɔ túwɔ́, lalan biliɛ, woo ɲɔ̨n nɔpee ta hvo kulɔ ka la.

Yálá laawoo hɛɓɛ

⁸ Kɛlaa yiihu kani kɛa, kaa kpɛli mąn, mąąnɛ̨ɛ̨ ka mɛ̨nįɠaa ŋɛ̨i lɛɛ laa, diɛ ɓaa: liiɲąnwąną, lii kələn gwəi, nwąnąlɔɔ túwɔ́, lalan biliɛ, woo ɲɔ̨n nɔpee ta hvo kulɔ ka la.

Bible

⁸ Kɛ́lɛ, ka tée nyíi-ŋai kélee dîa máŋ, lii-ŋwana, kpɔara, laa-kara, larâŋ woo-ŋa dí kula kála.

Kolosə 3:8 ပူးပေါင်းရင်းမြစ်များ

Mąątɛ̨nɛ̨ 37:8

'Liiholi lɛɛ laa, ə́ nii kələn gwəi lɛɛ laa. 'Hvó ə́ líiholi, naa kulɔi hvo lɛlɛ li.

Hanwon 17:14

Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Hanwon 19:19

Nui a níiholi kɛnɛ̨, hvo kɛ li di tɔ́n naa mą. Da wala gɛ tii, a kɛ tii, di kaa ɲąątɔɔi a dakpɛli kɛ mɛ̨nį.

Hanwon 29:22

Nui níiholi laa nɛ̨ɛ̨, a hvaa too. Nui níi kələn ŋąą gwəi, a nɛ̨ŋɛ̨n diɲɛ gee mɛ̨i.

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Markə 7:22

nwɛli hon ŋąą, nu ɲɛ̨i kulaa ə ɓɛlan ɲei hɛn ɓɔ a ɲɔ̨nwɔ̨ɔ̨, gbąną laa mɛ̨nį, mɛ̨nį pili ɉu kɛɛ, tolo ɲɔ̨nwɔ̨ɔ̨ kulaa, lalan biliɛ, kpɔnŋąą kɛnɛ̨, ə mą kɛ da kilikpɛɛɲei laa.

Lomaŋ 13:13

Ká gu kaa kɛɛpono hu, 'ká gu túwɔ́ a tələnmolaa. Gu hvo ɓowo pələ kɛ, gu hvo too lɔɔ kpələ kpun ɉu, gu hvo gu laai lɛɛ, gu hvo kɛ lɔ a wɛli hon nuą. Ɛlɛɛ, gu hvo hvaa kɛ, gu hvo tolo kulɔ.

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Galatə 5:15

Kɛlaa, akɛ, kɛi ká keeni ɲin, káá ká keeni huwɔ hu hvala-hvala, 'ká gɛ a nɛlɛɛ, ká hvo pa ká keeni mąą mɛ̨nį pili ɉu.

Galatə 5:20

hali kɔ mɛ̨nį, kááhɛn ɉəɠɛɛ, yowolaa, woo taɠa mąą, tolo, liikələ gwəi, wɛa túwɔ́, ɓɛlaɓolaa da kpɔn daɠa mɛ̨nį,

Galatə 5:26

Mąą hvo nɛ̨ɛ̨li 'gu hvo gu kpɔwɔ ɲąąkɛnɛ̨, gu hvo gu liiŋąnwąną gu kee pɔ, gu hvo gu keeni ɲɛ̨ikɔw kpɔlu.

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

Ifisiɛŋ 4:25

Káá kulɔ kɛa lɛɛ yee kɔnma; 'ká tɛ̨ą ɓo kɛa ká kee ɓa, gbala ə tɔɔ, gu kaa a gu keeni tɔɔ-tɔɔnŋaa.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Ifisiɛŋ 5:4

Mąą hvo kpɛli nɛ̨ɛ̨li, lono ɲɔ̨nwɔ̨ɔ̨ɠaa, kili kpɛɛ gwəi lonoɠaa di hvo kɛ ká la, yili hva ká mąą hon; káámun, ká yee ə kɛ lɔ, Yálá hɛɠɛɛɓo mɛ̨nį hu.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Kolosə 3:9

'Ká hvo kɛa lɛɛ kɛ ka keeni diɛ, mąąhɔlɔɓo, gɔlɔ pɔlɔ-pɔlɔi kɛ káá, káá gulɔ káá, da ɉu yííɓo pələ;

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.

Timote dɔlɔɔ 1:20

Nuąi tii lɔwai, taɠaa ɓaa: Himene da Alɛsandrə. Ŋą́ą́ di kwɛlɛ ɓilihi ɓa, ə gɛ, di hvo kɛa Yálá lalan nwoo ɓo.

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Zĩi 2:7

Kɛlɛi diɛ lɔ ɓə da kɛ, Naa lɛlɛɛ ká kɛ vɛlii, mąą kun ɲɔ̨n vaa ɓoi-e?

Piɛrə dɔlɔɔ 2:1

'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Piɛrə veelɛ 2:7

Ə lɛɛ, Lɔtə ŋɛ̨i kɛ a tələnmomun, yii nuą ti di wɔ túwɔ́ pələ ə kɛi nii kələn gwəi, Yálá ə nwun mąąɓo.

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

Zûu 1:8

Bələ kpɔlɔ ɓə nɛɛ kalan gɛ nuą tii da gɛ la diɛ kpɛli. Da kɛ nɛ̨ŋɛ̨n ɉəɠəi di kpɔwɔ ɓa di wɔ kɛɛ kaa hu, diɛ Yálá ɓɛlɛkpɛɛ mą, ɛlɛɛ, diɛ woo ɲɔ̨nŋąą mo a Yálá nwɔ pɛli hɛnŋąą laa diɛi di kaa yələi.

M̀ɛni-lɛɛi 16:9

Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.