Kolosə 3:23 - Yálá laawoo hɛɓɛ (dc)

²³ Kóló huwui lɔpee da naa káá, 'ká gɛ a liinɛ̨ɛ̨ gwəi laa, yɛ ká kɛi gɛ gu Ną́mu ɓa, 'ká hvo ká kiliŋąhiɛ nu ɓa.

Yálá laawoo hɛɓɛ

²³ Kóló huwui lɔpee da naa káá, 'ká gɛ a liinɛ̨ɛ̨ gwəi laa, yɛ ká kɛi gɛ gu Ną́mu ɓa, 'ká hvo ká kiliŋąhiɛ nu ɓa.

Bible

²³ Kà kɛ̀ tíi kélee kɛ̂i, ka gɛ́ a kálii kélee, yɛ̂ɛ kà kɛ̀ tíi kɛ̂i Kúnuu-namui mi, kɛ́lɛ, núu-kpune fei.

Kolosə 3:23 ပူးပေါင်းရင်းမြစ်များ

Kɔlɔnikɔ Veerɛi 31:21

Golóɠaai kpɔ ə ɲee too ɉu Yai-Laa ŋą pɛlɛ́i mąą mɛ̨nį ɓa, Yálá nwɔ tɔ́n da mąą pamą wooɠaa mąą mɛ̨nį ɓa; ə gəlee kɛ a Yálá ɲɛ̨i laa kwɛliɛ a nii kəlee, ɛlɛɛ, ɲee ə lɔ.

Mąątɛ̨nɛ̨ 103:1

Davidə nwɔ wələ woo. Nį́i! Yai-Laa mąąwiɛ, gɛ́ níí ə Naa mąąhəɠɛɛ mąąwiɛ.

Mąątɛ̨nɛ̨ 119:10

Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Mąątɛ̨nɛ̨ 119:145

Gáá ə́ təlii a nwą́ną́i Yai-Laa! 'Nwóó mu hon, əgɛ, ŋą́ ə́ liiɓa mɛ̨nįɠaa kɛ.

Mąątɛ̨nɛ̨ 119:34

Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Maafîu 6:16

«Ka kɛi hin nɔ, ka hvo dɔɔ ka ɲɛ̨i, yɛ bələi tɛ ɲɛ̨i mɛ̨nį kɛ nuą da gɛ la. Da di ɲɛ̨i laai mąąhvalin, ə gɛ, nuą di gaa diɛ di kaa hin ɉu. Gáá moi kaa a tɛ̨ą, di hvɛla lɔ ka tii da ɉɔlɔɓo.

Lomaŋ 14:6

Nui a yələ ta hviala ɓo, a gɛ ti yɛ gu Nąmu mąąwiɛ la. Nui a hɛn gəlee mįi, a gɛ tii, yɛ gu Nąmu mąąwiɛ la. Mąąhɔlɔɓo, a Yálá hɛɠɛɛɓo, gɔ̨nɔ̨n ti mąą mɛ̨nį ɓa. Nui hva hɛn gəlee mįi a gɛ ti, yɛ gu Nąmu mąąwiɛ la, yɛ Yálá hɛɠɛɛɓo.

Lomaŋ 14:8

Mąąhɔlɔɓo, gwa kɛ yɛnɛ̨ɛ̨, gu kaa gu Ną́mu yəi, gwa haa, gu haa gu Ną́mu mąą mɛ̨nį ɓa. Yili ɓa, gu kɛ yɛnɛ̨ɛ̨-o, gu haa-o, gu kaa a gu Ną́mu nwɔɔ.

Ifisiɛŋ 5:22

Nɛ̨ąą, 'ká lɛɛ ká hilɛni woo ɲą, yɛ bələi ká gɛ la gu Nąmu ɓa.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə dɔlɔɔ 2:13

'Ká lɛɛ nwun nąmįną kəlee woo mu, gu Nąmu mąą mɛ̨nį ɓa, yɛ ə kɛ a tɔɔmun yai heeɓo laa kaa ɲəi,

Piɛrə dɔlɔɔ 2:15

Mąąhɔlɔɓo, Yálá liiɓa ɓaa, ká kɛli mɛ̨nį lɛlɛɛ kɛ, ɓowo nuąi di tɛɠii, káá di kilaa pono.