Kolosə 3:1 - Yálá laawoo hɛɓɛ (dc)

¹ Yii kɛa ká Kristə ni káá nwun, 'ká yələi pələ mɛ̨nįɠaa mąąkiliŋąhiɛ kɛ, ɓɛi Kristə kaa laa heeni Yálá ɓa-mįi-yee hu;

Yálá laawoo hɛɓɛ

¹ Yii kɛa ká Kristə ni káá nwun, 'ká yələi pələ mɛ̨nįɠaa mąąkiliŋąhiɛ kɛ, ɓɛi Kristə kaa laa heeni Yálá ɓa-mįi-yee hu;

Bible

¹ À kɛ̀ ǹyaŋ ka Kôrai-ni ka kámu siɣe saa yêei gîe ma, gɛ̀ ní ka zãâi kɔri nyíi-ŋai díkaa kúmɛi-perei, ƃɛi Kôrai káa naa see ni Ɣâla laa-mii-yee mɛi.

Kolosə 3:1 ပူးပေါင်းရင်းမြစ်များ

Mąątɛ̨nɛ̨ 110:1

Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!»

Mąątɛ̨nɛ̨ 16:11

Yá yɛnɛ̨ɛ̨ kɛ pələ lɛ mą́ą́, kwəinɛ̨ɛ̨ kɛnɛ̨ lɔ ɓə ə́ lííla; a mɛ̨nį ɲąąnɛ̨ɛ̨ɠaai kpɛɛ hvo mą, diɛ ɓə ə́ ɓa-mįi-yee hu.

Hanwon 15:24

Mɛ̨nį hukpɛ kili a nu tɛ yələi, yɛ ɲąmuątaa pələ kulɔ nu yəi.

Ikilisiati 10:2

Kilimąą mun gili a kóló lɛlɛɛ kɛ, Kɛlaa, kilikpɛɛgwəi mun a mɛ̨nį kəlee ŋąą kaa lɔ a gɔɓɛi pələ.

Maafîu 22:44

«‹Yálá ə mo nwun mąąɓomun yii ə mąą minə həɠə mą, yɛ mą: «Pa ə́ hee má-mɛɛ-yee hu, ə lɛɛ la ɉu ŋą́ ə́ yowoɠaa too ə́ kɔ́wɔ mu ə́ hiɛ di mɛ̨i.»›

Maafîu 26:64

Jesus yɛ mą: «Yaa kpɔlɔ ka tii yaa hvilɛn mɛ̨i, ya ɓaa a ɲą́ą́! Gáá moi kaa, ə həɠə háákələi ɓa, ka káá pai Nu Lon kaai heeni Yálá yee-lɛlɛɛ-mɛ̨i Huwalawala kɛnɛ̨ hu, yili pulu, ka gaa yɛ həɠə yələi yɛ yɛɛ tulɔ kpinįn ɉu.»

Maafîu 6:20

Kɛlaa, ka ka wɔ hɛn gɔw laaikɛ yələkɔlɔn ɉu, ɓɛi koló hva pu laa hɛn da hu, kpɛ̨ɛ̨ hva hee la hɛn da ɓa, nwuɔ̨ nuą di hva pɛlɛ laa yali laa, diɛ nwuɔ̨ kɛ.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Markə 12:36

Hvo gaai, Davidə kili ŋą ponoi Yálá ə mo, yɛ mą: «‹Yai-Laa ə mo nwɔ́ mɛ̨nį Ną́mu ɓa, yɛ mą: «Pa ə hee mamįiyee hu, ə lɛɛ la ɉu, ŋą ə́ yowoɠaa kəlee too ə́ kɔ́wɔ mu.»›

Markə 14:62

Jesus ə nwoo pulu pənə, yɛ mą: «Ɲą́ą́ ɓə a yaa. Ɲą́ą́ ŋɛ̨i a Nu Lon ka káá pai gáái heeni Yálá yee lɛlɛɛ mɛ̨i, huwalawala kɛnɛ̨ hu, tulɔ kpiliɠilin mɛ̨i, gɛ́ pa.»

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Lukə 20:42

Mąąhɔlɔɓo, Davidə yaa kpinįi ə mo kpɔ Yálá mąątɛ̨nɛ̨ wələ hu, yɛ kɛ mą: «‹Ną́mu Yálá ə mo Ną́mu ɓa yɛ mą: Hee mamįiyee hu;

Lukə 22:69

Kɛlaa, ə həɠə yiihu ɓa, Nu Lon gaa pai kɛi heeni Huwalawala Kəlee Ną́mu Yálá ɓa-mįi-yee mɛ̨i.»

Gɛlaɠaa 2:34

Mąąhɔlɔɓɔ, Davidə kpinį, hvo tɛ yələkɔlɔn ɉu, kɛlaa, ə mo yɛ mą: «‹Námu Yálá ə mo Ną́mu ɓa yɛ mą: Pa ə́ hee ɲéé lɛlɛɛ mɛ̨i.

Gɛlaɠaa 7:55

Kɛlaa, Yálá ə kɛ Etiɛnə pɔ, ɲɛ̨i heɛ ɲələi pələ; ə Yálá nwɔ mąąwiɛ laa kaa, Jesus ə ɓo tɔɔni Yálá yee lɛlɛɛ hu pələ,

Lomaŋ 8:34

Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Lomaŋ 8:6

Nu liiɓa kɛɛ a haa tɛɛ nu pɔ, kɛlaa, Kili-Mąąhəɠɛɛ liiɓa kɛɛ, a yɛnɛ̨ɛ̨ da liilaa tɛɛ nu pɔ.

Korɛntə veelɛ 4:18

Ku wɛi, mɛ̨nįɠaai kaa kaa diɛ, ku hvo di pulu, kɛlaa yiiɠaai hva kaa, diɛ ɓə kwa gwɛli, yiiɠaai kaa kaa diɛ, hvoló tɔ̨nɔ̨ mɛ̨nįɠaa lɔ li, kɛlaa Yii kaa hvo mą, kpɛɛ hvo diɛ.

Ifisiɛŋ 4:10

Nui ŋɛ̨i yɛɛ, ya lɔ ɓə nwɔ̨nɔ̨ tɛ, yɛ laŋįn yələkɔlɔn gəlee mɛ̨i, əgɛ, ə yələ kwəi kəlee hvɛɛ.

Ifisiɛŋ 5:22

Nɛ̨ąą, 'ká lɛɛ ká hilɛni woo ɲą, yɛ bələi ká gɛ la gu Nąmu ɓa.

Kolosə 2:20

Yii kɛa ká Kristə ni kaa haa, ɛlɛɛ, káá kulɔ yɛnɛ̨ɛ̨ hɛnŋaa yəi. Lə mɛ̨nį ɓa, ká dɔn bɔ yíiɓo, yɛ ká kɛ ni, a ká hɛlɛnŋąą yɛnɛ̨ɛ̨ ɓa?

Kolosə 3:2

Ká wɔɔ yɛnɛ̨ɛ̨ kaa yələi pələ, hvo ɓɛ lɔi mɛ̨i.

Hebreu 1:13

Ɛlɛɛ, malakaɠaa tii, nɛlɛ ɓə aa ta kɛ mą: «'Hee mamįiyee hu, ŋą́ ə́ yowoɠaa kəlee pɛlɛ ə́ kɔ́wɔ mu, yɛ haɠa?»

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 10:12

Kristə nwɛi, haláá tanɔ̨n gbən mə ə gulɔ nu kanŋaa di wɔɔ nɛ̨ŋɛ̨nŋaa mąą hvaalɛɛ mɛ̨nį ɓa, ə hee Yálá yee lɛlɛɛ mɛ̨i pələ, a yələ kəlee mɛ̨nį.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 8:1

Mɛ̨nįɠaa ŋɛ̨i ku kaa moi, gəlee nwun gbɔ-kpɔɔi ga mą, ya ka: ɉaláá laa həli mun gɛnɛ̨ɛ̨ taaləi tii ɓə gaa ká gu yəi, yai heeni dɔɔkpəlin ŋą mąąwiɛlaa yee lɛlɛɛ hu, yələkɔlɔn ɉu.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.