Kolosə 2:8 - Yálá laawoo hɛɓɛ (dc)

⁸ 'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.

Yálá laawoo hɛɓɛ

⁸ 'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.

Bible

⁸ Ka kámɛi káa a gɛ́ɛ núu da fe káƃòo a táre-lono-ŋa da núu pɛlɛ-woo kpɛni-kpɛni-ŋa yɛ̂ɛ berei núu-kpune tua-pere káa lai, yɛ̂ɛ bere ŋɔ́nɔ ŋ̀éniɛi su tua-perei káa lai. Dífa Kôrai ŋɔsɛŋ-lɛɛi maa-tua kɛ̀.

Kolosə 2:8 ပူးပေါင်းရင်းမြစ်များ

Wɛli 2:15

Ka gɛlɛnŋaa tii hon! Ka gɛlɛn bɛlɛɛɠaa tii hon, diɛi da kɛ viɲə kalai. Mąąhɔlɔɓo, ku wɔ viɲəɠaa daa powa.

Ɉeremi 29:8

«Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Ká hvo nɛɛ laa, nuąi di kaa ka lɔwai, diɛ kɛ di kaa Yálá kwəi mɛ̨nį hukulɔi, da dɔlukpɛ nuą di hvo ka ɓowo, ɛlɛɛ, ka hvo ka kilitɔɔ ka wɔ hįi wooɠaa diɛ.

Maafîu 10:17

'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Maafîu 16:6

Jesus ə mo diɛ yɛ diɛ: «'Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Lomaŋ 16:17

Ną́n nonnii, gáá ka liɛwoo ɓoi, gɛ́: nuąi di kaa a kɔ́wɔ tuwo kwɛni, diɛ ɓɛlaɓo too ka lɔwai, dɛ̨ąwooi di ka mąąkwɛlima daa nɛɛ laa, ka ka kpɔɔ mɛ̨i kaa di mąą mɛ̨nį ɓa; 'ká ka mąą kwɛa diɛ.

Korɛntə dɔlɔɔ 10:12

Yili ɓa, nui a giliŋąhiɛ yɛ gaa tɔɔni, ə gɛ a nɛlɛɛ, hvo pa too.

Korɛntə dɔlɔɔ 8:9

Kɛlaa, ka gɛ a nɛlɛɛ, nɛɛ gbɔwɔ ɓa laai tii ka yəi, yili hvo kɛ a ká ɓɛlaai di hvii kpɛɛ, di lan ɉɛn.

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Galatə 1:14

Ɉuifəɠaa di wɔ kalan bələi hu, ɲéé tɛɛi kɛ mɛ́laa kəlee diɛ; ku huwu la mɛ̨nįɠaa hu; váŋą kɛnɛ̨ɛ̨ kɛ dɛ́ɛ́ diɛ.

Galatə 4:3

Ɛlɛɛ, guɔ kpɛlimąn, gu kɛ a lɛapɛlɛɛi di kaa ɲɛnɛ̨ɛ̨ ŋɛ̨i hu hɛnŋaa yee mu, yɛ luwɔɠaa.

Galatə 4:9

Kɛlaa, yiihu kɛa, yii kɛa káá Yálá kɔ́lɔn, a wala kɛti, yɛ bələi aa ká kɔ́lɔn na, ká tɔɔ pələ kɛ ləi nwɔ̨nɔ̨, káá pənə káá li ɉɛn vįikpɛɛɠaa ti pɔ pələ; a diɛi tii di hvɛɠɛɛi, káá nwɔ̨nɔ̨ lɔ di yee mu, luwɔlaa nįnɛ̨ hu?

Galatə 5:15

Kɛlaa, akɛ, kɛi ká keeni ɲin, káá ká keeni huwɔ hu hvala-hvala, 'ká gɛ a nɛlɛɛ, ká hvo pa ká keeni mąą mɛ̨nį pili ɉu.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Ifisiɛŋ 4:20

Kɛlaa ka wɛi, bələ hvə ká Kristə mąą mɛ̨nį mąąkwɛli la.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Filipə 3:2

'Ká gɛ a nɛlɛɛ yilɛɠaa ti mąą mɛ̨nį ɓa, ka gɛ a nɛlɛɛ nɛɛ góló ɲɔ̨nwɔ̨ɔ̨ kɛ nuą tii mąą mɛ̨nį ɓa, 'ká gɛ a nɛlɛɛ, nɛɛ kɛ́nɛ̨lɛai ti mąą mɛ̨nį ɓa.

Kolosə 2:18

'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Kolosə 2:20

Yii kɛa ká Kristə ni kaa haa, ɛlɛɛ, káá kulɔ yɛnɛ̨ɛ̨ hɛnŋaa yəi. Lə mɛ̨nį ɓa, ká dɔn bɔ yíiɓo, yɛ ká kɛ ni, a ká hɛlɛnŋąą yɛnɛ̨ɛ̨ ɓa?

Kolosə 2:22

Ɉɛnŋaai ti kaa a hɛn yá gɛ, akɛtii ɉukalaa li; ɛlɛɛ, yaan, ya lɔ ka tii, a nu kanŋaa di wɔɔ tɔn da di wɔɔ laa na mɛ̨nį.

Kolosə 2:23

Di mąn kpɔ dɔn nwooɠaa ti heekpəlin na kɛ a kilikɛɲəi laai, gaa lɔ a: di kpɔ-kpɔɔ kalan bələ, a kalan bələ huwu ta, a di kɔlɔ mɔ̨nɔ̨ ɓo pələ; nwun nɔ pee ta hvo mą, gaa lɔ a kɔlɔ liiɓa kɛ mɛ̨nį.

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Timote veelɛ 3:13

Nu nwun ɉu lan nuą da laa nɛ̨ɛ̨ mąą nuą, da kɛnɛ̨ mɛ̨nį ɲɔ̨n ɉu, diɛ nu takpɛliɠaa ɓowo, diɛ nwɔ̨nɔ̨ di kpɔwɔ ɓowo.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.

Zɔ̂ŋ Veerɛi 1:8

'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.