Kolosə 2:5 - Yálá laawoo hɛɓɛ (dc)

⁵ Ə mą kɛ, gbínį hvo ka lɔwai, kɛlaa, gáá laa a gíli, gɛ́ ká yee kɛ mɛ̨nį ka kɛ tíi ɓa kpɔ tii kpąą, a laa na laa Kristə ɓa, gwəinɛ̨ɛ̨ kulɔ.

Yálá laawoo hɛɓɛ

⁵ Ə mą kɛ, gbínį hvo ka lɔwai, kɛlaa, gáá laa a gíli, gɛ́ ká yee kɛ mɛ̨nį ka kɛ tíi ɓa kpɔ tii kpąą, a laa na laa Kristə ɓa, gwəinɛ̨ɛ̨ kulɔ.

Bible

⁵ Berei máŋ ŋ́gbonôi fé la kákɔlɛi, ŋ́gaa kákɔlɛ ŋámɔ̂leŋ su. Ńii nɛɛ̂i a gɛ́ɛ ŋa kákaa kakɛ tíi kɛ̀ gîe ma kálaa-lai su kpanaŋɔɔ Kôrai kponôi.

Kolosə 2:5 ပူးပေါင်းရင်းမြစ်များ

Kɔlɔnikɔ Veerɛi 29:35

Ɛlɛɛ, ɉaláá hɛn da gəlee kələn damąąi kɛ, ɛlɛɛ, liilaa haláá huwɔ wulɔ kɛnɛ̨, ə mą kɛ, nɔɔi di kɛi bu ɉaláá hɛn da gəlee kələn mą. Bələ ɓə di pənə di Yai-Laa nwɔ pɛlɛ́i mu koló hee la gbanɲą.

Mąątɛ̨nɛ̨ 78:37

Di kili hvo kɛ tɔɔ li mą a neelee, di hvo kɛi di kilitɔɔ mįnɛ̨i da diɛni di ɉəɠə mą.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Lonon mo 7:11

Kɛlaa, Yai-Laa yɛ Moisə ɓa: «'Mąąnɛ̨ɛ̨ bɛlɛ́ nąmįną kpɛa-kpɛaai tii di pa a di yɛli, nu tɔ̨nɔ̨ hvóló tɔ̨nɔ̨.»

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Korɛntə dɔlɔɔ 11:34

Pulu a kɛ nu ta ɓa, ə kɔ̨nɔ̨n mįi ɲəi bɛlɛ́n, ə gɛ, ká hvo pa ká ɲąąkpɔn ká nwun na pili mɛ̨nį ɓa. Mɛ̨nį yiiɠaai tii daa lɛɛ, ŋą́ pa hiɛ hu, ŋą́ yiliɠaai ɲɛ̨i kulɔ.

Korɛntə dɔlɔɔ 14:40

'ká mɛ̨nį kəlee kɛ a gɛ pələ, puɉu túwɔ́ hvo kɛ ɉu.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Kolosə 2:1

Gáá bɔ́, gɔ́ kɛnɛ̨i ŋɛ̨i gáá gɔi, ká gili kɔlɔn kaa diɛ, ka mąą mɛ̨nį ɓə gáá gɔi la, ə mą kɛ, Laodise nuą da nuąi kpɔ di hvo ni ɲɛ̨́ilaai kaa li.

Tɛsalonikə dɔlɔɔ 2:17

Yii ɓaa ku wɛi, nąn nonnii, gu mąą kwɛai lɔ gu kee ɓa lɔ tíikpə, gu ɲɛ̨i hvo hee li gu kee ɓa, kɛlaa gu nąą kili kaa gu kee ɲą. Kwaa tɔɔ kpɔ a ku nwąnąi, kuɔ ku pa, ku ku ɲɛ̨i tɔɔ káá, mąąhɔlɔɓo, yili nąą wɛli kaa kuɔ kpɔ kɛnɛ̨.

Tɛsalonikə dɔlɔɔ 3:8

Ɛlɛɛ, yiihu kɛa, ku kaa yɛnɛ̨ɛ̨ kɛi, mąąhɔlɔɓo, káá tɔɔ kpąą ku Nąmu hu.

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 6:19

Gilitɔɔmąąlaai gu yəi, gaa a gu kpulɔn ɲɛli, a poną, ganąn ŋąą gu kili pɔ a nwala-walaa, ə ɓo a tɛ̨ą, yɛ lɔ ɉəɠə ɓɛla pulu pələ Yálá lííla.

Piɛrə dɔlɔɔ 5:9

'Ká tɔɔ na laa na laa hu, ká kili ə pu ɉu káá, bələ lɔ ɓə ká kaayɔɠaa kaa mɔ̨nɔ̨ mįi la yɛnɛ̨ɛ̨ nąą kəlee.

Rutə 1:18

Yii kɛa Naomi ə gaa yɛ Rutə aa nwąnąąi pu ɉu, hvo kɛa hvaa bɔ.