Kolosə 2:18 - Yálá laawoo hɛɓɛ (dc)

¹⁸ 'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Yálá laawoo hɛɓɛ

¹⁸ 'Ká hvo ká kpɔwɔ lɛɛ laa, ɲɛ̨imąą-nɛ̨ɛ̨ nuą hvo ká ɲąąnɛ̨nɛ̨n, di hvo ká ɲɛ̨i tínɛ̨n di pɔ pələ: A kalan gɛ pələ huwu ta, a malakaɠaa hvɛli pələ huwu ta; da lɔ di kpɔɔ kiliŋąhiɛ hu, di wɔ mɛ̨nį kɔlɔn bələ yɛ di hu hvɛɛ a ɓowo pələ.

Bible

¹⁸ Káfe ǹɛɛ naa núu da fe mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa-kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fe ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Kolosə 2:18 ပူးပေါင်းရင်းမြစ်များ

Zɛnɛse 3:13

Nąąlɔwai, Yai-Laa ə mo nɛ̨ɛ̨nu ɓa, yɛ mą: «Nɛ̨ɛ̨nu! Lə mɛ̨nį ɓa ə́ yili kɛ tii?» Nɛ̨ɛ̨nu yɛ mą: «Kaalə ɓə mówo, ya ɓə gɛ, gɛ́ da mį́i.»

Zôo 38:2

Gbɛɛ ɓaa yɛ́, yɛ́ pɛli nwɔ́ mɛ̨nįɠaa hu pui, a ɓowo wooɠaa ɓoɔ?

Azaya 57:9

Ə́ kɛi li a gilɛ tɔɔmun bɔ pələ, wulɔ lɔɔ yɛ́, yɛ́ ə́ wɔ mąąti wulɔ kunnɛ̨ɛ̨ɠaa lɔ yɛ́ pɔlɔɔ pɔlɔɔ, yɛ́ nuą tɔɔ kpɔ kwɛala, bələ ɓə ə́ ə́ kpɔwɔ mąą yɛɛ la, kpɔ yɛ́ həli la ɲąmuą taa pələ.

Izikiɛ 13:3

Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Danîa 11:38

A ɲalaɠaai tii mąąhvalin a niin la yálá, yii galaɓɔlɔni di hvo kɛ gɔlɔn. Gaa pai kɛi hɛni, wali kwɛli, da kwɛni kwəlɛɛɠaa, ə mą kɛ hɛn dakpɛliɠaa yiiɠaai mɛlɛ kaa mą, gaa pai kɛ gulɔi nwɔ yálái ɓa a haláá.

Lonon mo 25:18

Mąąhɔlɔɓo, di hvaa kwɛli kaa, a gili ɲɔ̨nwɔ̨ɔ̨i di ka hon na Peɔrə mɛ̨nį hu, da Kozbi mɛ̨nį hu, yai kɛ a Madian kalanɉon da lon nɛ̨ɛ̨nui yaa tii di baa, a ɲɔ̨n tii pɛlɛ kaa Peɔrə mąą mɛ̨nį hu.»

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Lomaŋ 1:25

Tɛ̨ą mɛ̨nįi vilɛn ŋąą Yálá ɓa, diɛ mąąhvalin a lɛɛ. Hɛn gəlee pɛli mun Mąąwiaa, Lúwɔ́ ə ɓo mą a yələ kəlee, diɛ nɛ̨ɛ̨laa, diɛ tí nwɔ pɛli hɛnŋaa diɛ, diɛ kwɛli hvilɛn diɛ.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Korɛntə dɔlɔɔ 13:4

Wɛlikɛmąąlaa liikpəlɛɛi, wɛlikɛmąąlaa a kpɔnmąą kɛ, hva tolo kulɔ, hɛn nwɛli laa hvo wɛlikɛmąąlaa hu, kpɔɔ ɲąą kɛnɛ̨ hvo wɛlikɛmąąlaa hu.

Korɛntə dɔlɔɔ 3:3

Hvo gaai, ka káá ni nu kiliŋąhiɛ yee kɔnma. Mąąhɔlɔɓo, tolo da hvaa di kaa ni ka lɔwai; akɛtii nu kiliŋąhiɛ hva mɔ̨ɔ̨ a yili? Ɛlɛɛ, káá túwɔ́ la ti yɛ ɲɛ̨nɛ̨ɛ̨ ŋɛ̨i hu nuą?

Korɛntə dɔlɔɔ 4:18

Hvo gaai, kɛi ə mo ká taɠaa kwəi diɛ kɛ: Və́ kɛa pai pənəi, və́ pa ká pɔɔli, daa mąn tɔɔ, diɛ di nwun dɛ.

Korɛntə dɔlɔɔ 4:6

Ną́n nonnii, ka mąą mɛ̨nį ɓə gɛ, gɛ́ mɛ̨nįi ŋɛ̨i hukulɔ la a ɉon bələ takpɛli, gɛ́ gɔɔn, ɲą́ą́ kwa Apɔlɔsə kuɔ, ə gɛ, ká ku túwɔ́ pələi tii kaa, ká hvo pa nəi hvɛɛ a kpɔwɔ ɲąąkɛnɛ̨, káá ká liiɓa həɠə la ku hu.

Korɛntə dɔlɔɔ 8:1

Yii hvilɛn na huwɔɠaai daa gulɔ a haláá hali ɓa, yɛ bələi gu gɔlɔn na mɛ̨nį tamąą kɔ́lɔn yɛ hvilɛn mą. Mɛ̨nį kɔlɔnŋąą a nu huɲąŋą kɛnɛ̨, kɛlaa, wɛlikɛmąąlaa a nu tɛ tɔwɔ.

Korɛntə dɔlɔɔ 9:24

Ká hvo gɔlɔn káá, nuąi da kɛ hɛn da mąą gilɛ həɠəi, di kəlee da gilɛ həɠə, kɛlaa, nu tɔ̨nɔ̨ lɔ ɓə a ɉɛn tii hɔlɔɓo? 'Ká gilɛ həɠə kan, káá pɛli ká wɔ gilɛi mąą hvɛla hɔlɔɓo.

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Filipə 3:14

Yili ɓa, gáá gilɛ həɠəi, ə gɛ, gu təli ŋɛ̨i Yálá aa mo yələi Jesus Kristə laa hu, ŋį́ dɔ̨nɔ̨ hɔlɔɓo.

Kolosə 2:23

Di mąn kpɔ dɔn nwooɠaa ti heekpəlin na kɛ a kilikɛɲəi laai, gaa lɔ a: di kpɔ-kpɔɔ kalan bələ, a kalan bələ huwu ta, a di kɔlɔ mɔ̨nɔ̨ ɓo pələ; nwun nɔ pee ta hvo mą, gaa lɔ a kɔlɔ liiɓa kɛ mɛ̨nį.

Kolosə 2:4

Gáá yili ɓoi ti, əgɛ, nu ta hvo pa ka ɓowo, a lɛɛ wooɠaa.

Kolosə 2:8

'Ká tɔɔ a ká nwąną, nu ta hvo ká hon a ŋą gbąnąlaa woo, a dɔwɔ-tɔwɔ nuą yíí pələ kulaai gaa a ɓowo woo, yɛ hvilɛn na yɛnɛ̨ɛ̨ mɛ̨nįɠaa diɛ lɔ, hvo a Kristə mąą mɛ̨nį.

Timote dɔlɔɔ 1:7

Daa di kpɔwɔ kɛ a tɔ́n galamɔ̨ɔ̨ɠaa, ya pa, mɛ̨nįɠaai di kaa moi, di hvo gɔlɔn, ə mą kɛ nwɔ̨nɔ̨, yii di kaa naa həli a di hvaŋą.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Zɔ̂ŋ Maa-ŋuŋ 2:26

Yili ŋą hɛɓɛ́ ɓə ŋą́ kɛ bɔ, ŋą́ dɛɛ káá, yɛ hvilɛn na nuą di kaa bɔ di ká lan, di mąą mɛ̨nį ɓa.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

M̀ɛni-lɛɛi 3:11

Gáá pai yiihu. Yii gaa ə́ yəi, ə́ yee kąnąn mą kpąą, əgɛ, nu ta hvo pa ə́ wɔ ɓɔlɔi həɠə ə́ yəi.