Kolosə 2:16 - Yálá laawoo hɛɓɛ (dc)

¹⁶ Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Yálá laawoo hɛɓɛ

¹⁶ Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Bible

¹⁶ Mɛni ma káfe ǹɛɛ naa núu da fe kámɛni ŋá tee a mii-sɛŋ ka mii, kpaa máŋ gbele-sɛŋ ka gbelei, kpaa máŋ a kúu kɛ́ɛ, kpaa máŋ ɣáloŋ nina maa-mɛni, kpaa máŋ Vii-tɔɔ-ɣelei.

Kolosə 2:16 ပူးပေါင်းရင်းမြစ်များ

Tɔɔɓɛlaa veelɛ 4:23

Ɉilɛ yɛ mą: «Lə mɛ̨nį ɓa, yɛ́ ə́ li háákələi laa? Yaan, hvo kpɛli a ɲąnin dɔɔ nįnɛ̨, hvo nwɔ̨nɔ̨ a túwɔ́ lɔwɔ?» Nɛ̨ɛ̨nui yɛ ɉilɛ ɓa: «Hvó ə́ liihɛlɛn!»

Kɔlɔnikɔ Maa-ŋuŋ 23:31

Ɓɛlɔwai lɔpee di kɛi Yai-Laa kɔ́ la a tuwɔ́ lɔwɔ yələ, a ɲąnįn nwɔ hvóló dɔlɔɔ, awala kɛ tii a hɛli yələ ta, da gɛ a haláá hɛn da gəlee kələn, yɛ bələi ɉaláá hɛn nonon ŋąą kaa la a yələ kəlee, diɛ gɛ tii Yai-Laa lííla.

Kɔlɔnikɔ Veerɛi 31:3

Tɔɔmun ə kɛi gbɔ-kpɔɔ wali ta lɔ ɉaláá hɛn da gəlee kələn mąą mɛ̨nį hu ɲələwala pɔ da ɲələwulii nwɛi hu, ə mą kɛ, vįitɔɔ yələ nwɛi, ɲąnįn dɔɔ nįnɛ̨ da ɉɛli yələɠaa; yɛ bələi bɛ̨ɛ̨i la Yai-Laa ŋą tɔ́n ɉɛɓɛ́i hu.

Nehemi 10:31

Yii gaa tii ku hvo kɛa pai ku lonnii nɛ̨ą tɛɛi nɔi hu nuą pɔ, ə lɛɛ, ku hvo pai di lonnii nɛ̨ąą həɠəi a ku lon ɉinąą di nɛ̨ąni.

Nehemi 10:33

Yii hvilɛn na kuɔ kpinį kuɔ, ku kaa pai wali kwələ tɛitɛi kulɔi kwɛlan dɛitɛi ɓa, guɔ Yálái nwɔ pɛ́lɛ́i mąą mɛ̨nį ɓa.

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.

Azaya 1:13

Ka hvo gɔ́ a yɛlɛ kulɔ pələ ɉú, nulu ɓɛlɛ hvo gwə́i, ɲąnįn dɔɔ nįnɛ̨ hɛlii ka kɛ bui, da túwɔ́ yələ hɛli, ə mą kɛ hɛli kpɛa-kpɛaɠaai ka kɛ bui, yili nąą wɛli hvo kɛa mą́ą́.

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Izikiɛ 45:17

«Dɔɔmun nwųɔ tiɛ̨ ɓaa; haláá da gəlee kələn, Yálá kɔ́ haláá, nwulɔ da nɔɔ, a ɉiɛ kulɔ yələɠaa; a ɲąnin nįnɛ̨ hɛli yələɠaa, Israɛlə nwɔ pɛlɛ́i nwɔ hɛli yələɠaa kəlee. Ya ɓə a nɛ̨ŋɛ̨n mąąhvaalɛɛ haláá kulɔ, da gɔ́ mɛ̨nį, da kwɛli hvilɛn mɛ̨nį ma, da nii laa haláá; diɛ Israɛlə nwɔ pɛlɛ́i mąąhəɠə la.

Levetekɔ 16:31

Túwɔ́ yələ li ka yəi, gaa a hvįįtɔɔ hvóló, kaa hin nɔ la a lɔwai lɔpee gəlee. Yili kaa a yələ kəlee mɛ̨nį.

Amɔsə 8:5

Ka kɛ kɛi diɛ: «Mįnɛ̨ lɔwai ɓə ɲąnin nįnɛ̨ nwɔ hɛli puɔ kaa pai tɛɛi la, ə gɛ, ku ku wɔ mɔ̨nunŋaai lɔwɔ́tɔɔ? Ɛlɛɛ, mįnɛ̨ lɔwai ɓə túwɔ́ lɔwɔ a kpɛɛ la, ə gɛ, ku ku wɔ kɔ̨nɔ̨n gələɠaai laa ɓo? Ka kɛ ɉɛnŋąą kɔ́ɔn gəgənŋąą kpon dɛi ɉu, ə gɛ ɉu ɛlɛɛ tiikpə.

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Maafîu 15:11

Hɛn nɔpee nu a dɛ na, hva mąą liɓi. Kɛlaa, yii a kulɔ nu la, ya ɓə a mąąliɓi.»

Markə 7:19

Mąąhɔlɔɓo, yili hva li nu nii hu; kɛlaa, a li nu kwəi, yili pulu, ə li la hii pulu.» Nwoo tii pɔ, Jesus ə nɛ yɛ diɛ: «Kɔ̨nɔ̨n ɉuwu kəlee kaa a mąą həɠɛɛ.»

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Lomaŋ 14:10

Kɛlaa, yɛ́i ŋɛ̨i, lə mɛ̨nį ɓa, ə́ kaa ə́ ɓɛlan giti tee? Ɛlɛɛ, yɛ́n, lə mɛ̨nį ɓa, ə́ kaa ə́ ɓɛlan viiɓoi? Gu kəlee guɔ pa tínąą tɔɔi Yálá ŋą kitii lííla.

Galatə 4:10

Ɛlɛɛ, káá hvólóɠaa, ɲąnįnɠaa, lɔwaiɠaa da kwɛlanŋaa kaa kpɔ tii a mɛ̨nį walawala-o!

Kolosə 2:20

Yii kɛa ká Kristə ni kaa haa, ɛlɛɛ, káá kulɔ yɛnɛ̨ɛ̨ hɛnŋaa yəi. Lə mɛ̨nį ɓa, ká dɔn bɔ yíiɓo, yɛ ká kɛ ni, a ká hɛlɛnŋąą yɛnɛ̨ɛ̨ ɓa?

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.

Samuɛlə dɔlɔɔ 20:18

Ɉonatan yɛ mą: «Tínąą ɓaa ɲąnin nįnɛ̨ nwɔ hɛli, di kaa pai gbaɠala kaai diɛ kɛ hvo laa, hvo gaai ə́ wɔ kpəlin kaa pai lɛɛi a vowolo.

Samuɛlə dɔlɔɔ 20:5

Davidə yɛ Ɉonatan ɓa: «Tínąą ɓaa ɲąnin mįnɛ̨ hɛli, mąąnɛ̨ɛ̨ kɛ ŋą́ hee tɔɔmun gwɛlɛ kɔ̨nɔ̨n mįi kɛi lɔwai; kɛlaa, hvaa mą ŋą́ li ŋą́ nóo ɲɛɛ kɔ́wɔ hu, ə lɛɛ la ɉu hvəlaan yələwulii pɔ.