Kolosə 1:5 - Yálá laawoo hɛɓɛ (dc)

⁵ Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Yálá laawoo hɛɓɛ

⁵ Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Bible

⁵ Kálaa-lai da káwɛli-kɛ-maai da kûla gili-kɛ-zui su nyíi ǹáâi kɛ́ɛ̂i kámɛni ma Ɣâla-taai. Ká gili-kɛ-zui ŋí maa-mɛni mɛ̀ni a maa-ŋuŋ dɔ̃yâ-wooi su, nyíi gáa a Duŋ Lɛ́lɛɛi.

Kolosə 1:5 ပူးပေါင်းရင်းမြစ်များ

Mąątɛ̨nɛ̨ 31:19

Nɛɛ laaləiɠaai tii, di pɛlɛ mą diɛi tii da hvaa Tələnmolon ɉu, a tɛɠɛɓo ɉu, a ɲɛ̨i tɛ, a ɓɛlɛkpɛɛmąąlaa.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Gɛlaɠaa 23:6

Polə kili ə kɛ ɉu, yɛ diɛ: tɔ́n vili nąmįną kpulu heei ə kɛ hveelɛ; bələ tɔ̨nɔ̨ ə kɛ a Sadusiɛ̨ɠaa, bələ tɔ̨nɔ̨ yɛ ɓo a Farisiɛ̨ɠaa, yili ɓə gɛ, ə mo diɛ, yɛ diɛ: «Ną́n nonnii, gáá a Farisiɛ̨, ną́n ɲɛ ɓo a Farisiɛ̨. Gɛ mɛ̨nį náái haaɓɛlaa nwun mɛ̨nį la, ya ɓə gɛ, diɛ paa a ɲą́ą́ gíti tee mɛ̨nį ɓa.»

Gɛlaɠaa 24:15

Gílitɔɔi ɓə Yálá ɓa, diɛ kpɛlimąn gili tɔ̨nɔ̨i tii kaa lɔ di kwəi, ya ɓaa tələnmo nuą-o, wɛa nuą, di kaa pai pənəi di nwun.

Lomaŋ 10:8

Akɛti, lə mɛ̨nį ɓə moɔ kani? Nwoo tii yɛ: «Nwoo tii kaa kpɔlɔɔ ə́ kwɛlɛ, gaa ə́ laaləi, ə ɓo ə́ lii pɔ.» Ya ɓaa: Laa na laai gu kaa naa həli.

Korɛntə dɔlɔɔ 13:13

Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Korɛntə dɔlɔɔ 15:19

Akɛ gwaa gu kilitɔɔ Kristə ɓa, yɛnɛ̨ɛ̨ mąą mɛ̨nį ɓa lɔ, gu mąą wɛliɛi ə tɛɛ nuą kəlee ɓa.

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Korɛntə veelɛ 6:7

a tɛ̨ą woo, a Yálá ŋą hvaŋą, a kɔ́-kɔ kwɛlinŋaai kwa pɛlɛmąą kɛ la, da yiiɠaai kwa tələnmolaa mąąkɔ̨nwɔ̨ la,

Galatə 2:14

Kɛlaa gáái ŋį́ mo, hvo hiɛi yɛ bələi nwɛlɛɛ lɛlɛɛ mąą tɛ̨ą kaa la, gbɔn gəlee ɲɛ̨i ɓa, gɛ́ Sefasə ɓa: Akɛ, yɛ́i ə́ kaa a Ɉuifə, ə́ ə́ wɔɔ yɛnɛ̨ɛ̨ kɛ yɛ huwu takpɛliɠaa, hvó gɛ li a Ɉuifə yíi, yá pɛli tɔɔi ləi, yɛ́ kpala huwu takpɛliɠaa la, diɛ túwɔ́ yɛ Ɉuifəɠaa?

Galatə 2:5

Ku hvo ku kpɔwɔ lɛɛ nuą tii yeei kpɛli tiikpɛ, ə gɛ, Nwɛlɛɛ lɛlɛɛ ŋą tɛ̨ą ə lɛɛ bələ mɛ̨i ká yəi.

Galatə 5:5

Yii ɓaa ku wɛi, Kili-Mąąhəɠɛɛ háálai, laa na laa hu, ku kaa ku tələnmo mɛ̨nį mąąkpɔn ɉii la, yai a ku mąąhəɠə mɛ̨nį, ku kilitɔɔmą.

Ifisiɛŋ 1:13

Yaa tii ɉu lɔ ɓə nwɔ̨nɔ̨, ká dɛ̨ą woo mɛ̨n na, yai a nwɛlɛɛ lɛlɛɛi a nu nwun mąąɓo, yaa ɉu lɔ ɓə nwɔ̨nɔ̨, ká laa na laa hɔlɔɓo laa, ɛlɛɛ, yɛ gɔlɔn ɉii kɛ káá, a Gilii ə naakwɛlanmo, yai a Kili-Mąąhəɠɛɛ.

Ifisiɛŋ 4:21

Akɛ kpɔ Kristə ɓə ká mąą mɛ̨nį mɛ̨n, akɛ kpɔ yaa ɓə ká mąą mɛ̨nį mąąkwɛlii, yɛ bələi gaa la a tɛ̨ą Jesus hui:

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Timote dɔlɔɔ 1:15

Nwoo ŋɛ̨i kaa a tɛ̨ą woo, mąąnɛ̨ɛ̨ nu kəlee ə ɲee hee mu, ya ɓaa: Jesus Kristə ə pa lɔi mɛ̨i, nɛ̨ŋɛ̨n ɉəɠə nuą nwun mąąɓo mɛ̨nį ɓa, yai ɲą́ą́ ŋɛ̨i, gáá a dɔlɔɔ.

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 7:19

Gbala ə tɔɔ, dɔ́n və pɛli mɛ̨nį kəlee laa kulɔi; kɛlaa kilitɔɔmąą laa hviɛlaɓoɔ aa pa, yaa ɉáálai, gwa pɛli gu gu mąąlɛɠɛ Yálá ɓa.

Piɛrə dɔlɔɔ 2:2

'Ká ɲįnįyá mąąhəɠɛɛ mąą wɔlɔ ɓo, yɛ lon gaa nįnɛ̨ɠaa, yai a Yálá laa woo, əgɛ, yaa ɉáálai, káá kɛnɛ̨ la ɓalo mɛ̨nį hu,

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Piɛrə veelɛ 1:12

Yili ɓə gaa mą, gáá kpɔlɔɔ pai kɛ mɛ̨nįɠaa ti kili tooi ka ŋą, pələi mąn ka gbaɠala kɔ́lɔn na, ə lɛɛ, dɛ̨ąi ŋɛ̨i kaa ɉɔlɔɓo ka tɔɔ ɉu kpaan.

Zɔ̂ŋ Maa-ŋuŋ 3:3

Nui a gilitɔɔmąą laa taaləi tii kɔwɔ hvilɛn mɛ̨i, a gbɔwɔ mąąhəɠə, yɛ bələi Yaa tii a Jesus, mąąhəɠɛɛi la.