Kolosə 1:4 - Yálá laawoo hɛɓɛ (dc)

⁴ Bələi ká wɔ laa na laa kaa Jesus Kristə hu, ɛlɛɛ, wɛlikɛmąą laai ká yəi, yɛ hvilɛn na Kristalɛa kəlee diɛ, kwaa yili kəlee bələ mɛ̨n.

Yálá laawoo hɛɓɛ

⁴ Bələi ká wɔ laa na laa kaa Jesus Kristə hu, ɛlɛɛ, wɛlikɛmąą laai ká yəi, yɛ hvilɛn na Kristalɛa kəlee diɛ, kwaa yili kəlee bələ mɛ̨n.

Bible

⁴ kpɛ́ni fêi, kwa kálaa-lai maa-mɛni mɛni Zîsɛ Kôrai kponôi da ŋwɛli-kɛ-maai gáa káyêei Ŋ̀âla-ƃelai kélee mɛni mai.

Kolosə 1:4 ပူးပေါင်းရင်းမြစ်များ

Korɛntə veelɛ 7:7

hvo lɛɛ lɔ a ba mɛ̨nį, kɛlaa, vaŋąlɔi ə ɉɔlɔɓo ká yəi, ká ɲɛ̨i tɔɔ mɛ̨nį mą́ą́, mą liihɛlɛn, ká wɔlɔ woo, ká wɔ wɛlikɛmąąlaa yɛ hvilɛn na mą́ą́, ə ɉukulɔ mą́ą́, yili ə nwɔ́ gwə́inɛ̨ɛ̨ ta kɛ nwɔ̨nɔ̨ mą.

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Ifisiɛŋ 1:15

Yili ɓə gɛ, ɲą́ą́ kpɛlimąn,, 'ká laa mɛ̨nį gu Nąmu Jesus la, da mąąhəɠə nuą wɛli la kɛ pələ ká yəi, yii kpɔ kɛa ŋą́ yili bələ mɛ̨n;

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Kolosə 1:9

Yili ɓə gɛ, ɲələi ku ká mąą mɛ̨nį mɛ̨n na, ə həɠə ɲələ ɓa, ə həli la yiihu ɓa, ku hva kpɛla Yálá hvɛlii káá. Kwa vɛli Yálá ɓa, kuɔ, ká niiɓa kɔ́lɔn gbɔ kɛnɛ̨, a kilikɛɲəi laa kɛnɛ̨, yɛ hee la ká nįį pɔ.

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Tɛsalonikə dɔlɔɔ 3:6

Yiihu kɛa, Timote aa həɠə ká pɔɔli aa pa, ɛlɛɛ, aa ká wɔ laa na laa da ká wɔɔ wɛlikɛmąą laa mąą mɛ̨nį hukulɔ kuɔ, yɛ kuɔ, ku nąą kili lɛlɛɛ kaa ká ɲą, ɛlɛɛ, ku kaa wɛli kaa ká hon ɉii, yɛ bələi lɔ kuɔ kpɛli ká kaa wɛli kaa ku ho ɉii la.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Filemɔn 1:5

Mąąhɔlɔɓo, bələi yá nu mąąhəɠɛɛɠaa wɛli la kɛ la, da bələi ə́ wɔ laa na laa kaa la Ną́mu Jesus ɓa, ŋą́ą́ yiliɠaai bələ mɛ̨n.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Zɔ̂ŋ Maa-ŋuŋ 3:14

Gu wɛi, gu kili kaa ɉu guɔ gwaa kulɔ haa hu, gwaa lɔ yɛnɛ̨ɛ̨ hu, hvó gaai, gwa gu nąn nonnii wɛlilakɛ. Nui wɛlikɛmąąlaa hvo ɉu gaa ni haa hu.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Zɔ̂ŋ Maa-ŋuŋ 4:16

Ɛlɛɛ, ku wɛi, ku gaa, ku laai na, nwɛlikɛmąąlaai Yálá ə nɛ gu lɔwai yaa li. Yálá kaa a wɛlikɛmąą, nui gaa wɛlikɛmąą laa hu, gaa Yálá hu, ɛlɛɛ, Yálá yɛ ɓo ɉu.