Kolosə 1:29 - Yálá laawoo hɛɓɛ (dc)

²⁹ Nwɔ́ɔ́ tɔɔ a nwąnąi laa nwun gaa mą, ya ɓaa; gɔi gáá gɔi, a hvaŋąi kolo kɛi ɉú.

Yálá laawoo hɛɓɛ

²⁹ Nwɔ́ɔ́ tɔɔ a nwąnąi laa nwun gaa mą, ya ɓaa; gɔi gáá gɔi, a hvaŋąi kolo kɛi ɉú.

Bible

²⁹ Nyíŋi mɛni ma ŋa tíi kɛ̂i, ŋ́gɛ kɔ kpɔ́ a ŋwála-walai kélee e bu ŋ́gbonôi kpɔ́ a gbanaŋɔɔi.

Kolosə 1:29 ပူးပေါင်းရင်းမြစ်များ

Lukə 13:24

«Ka ka lɔ pələ kwɛli bɛlɛ́ laaləi logolo ɓa. Mąąhɔlɔɓo, nu tamąą kaa pai kɛi bɔ di lɔ, kɛlaa, di hvo pai pɛli mą.

Lomaŋ 15:20

Kɛlaa nwɛ́i, ɓɛi di hvo ni kɛ Kristə mąą wɛlɛɛ lɛlɛɛ laa həli li laa, nąą ɓə ŋą́ ɉukulɔ laa. Ə gɛ, və́ pa kɛ nwɛ́i kɔwɔ hvilɛn nu takpɛli nwɔɔ mɛ̨i.

Lomaŋ 15:30

Nąn nonnii, yii gáá vɛlii kaa gu Ną́mu Jesus Kristə laa hu, da Kili-Mąąhəɠɛɛ nwɔ wɛlikɛmąąlaa hu, ya ɓa: 'Ká kpɔnmąą tɛɛ bɔ́ gɔi ŋɛ̨i hu, a Yálá hvɛlii ká mo mą́ą́ mɛ̨nį ɓa.

Korɛntə dɔlɔɔ 12:11

Kɛlaa, mɛ̨nįɠaa tii kəlee, Kili tanɔ̨n tii kɛ-kóló li, yɛ nu tɛitɛi nwɛi tɛɛ bɔ, yɛ bələi a laa la a nii.

Korɛntə dɔlɔɔ 12:6

Góló ɉee kpəlin na tamąąi, kɛlaa, Yálá tanɔ̨n nɔ ɓə a nu kəlee nwɔɔ too ɉu.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Korɛntə veelɛ 11:23

Di kaa a Kristə ŋą tínuą? Ɓowo hvaa ka ŋɛ̨i gáá moi, Nwɛ́i lanŋąąi di wɛi mɛ̨i! Hvįikpɛɛ hu, dɛ́ɠɛɛi diɛ! Gaho hu, dɛ́ɠɛɛi diɛ! Kɛlɛɓo hu, dɛ́ɠɛɛi diɛ kpɔ kɛnɛ̨! Nu tɛɛ haa wolo la, dɛ́ɠɛɛi diɛ kpɔ pun!

Korɛntə veelɛ 13:3

hvó gaai, ká káá bɔ ká gaa, káá Kristə ɓə pə́lə́ ɓoi káá, bɔ́ pələ. Kristə hvįi hvo kpɛɛli ká mąą mɛ̨nį ɓa, kɛlaa a nwɔ huwalawalaa kulɔ pono ŋą ka lɔwai.

Korɛntə veelɛ 5:9

Yili ɓa, ku kɔlɔi ŋɛ̨i, ɲɛ̨i mąą ə hvaliŋ-o, ku kulɔ ɉu-o, yii ku gwɛlii ya ɓaa, kwa Yálá lii hon nɔ.

Korɛntə veelɛ 6:5

kɛlɛ ɓo hu, gaho hu, diɛ nuą ɲąątɔɔ kuɔ, hvįikpɛɛlaa hu, yíikpəlin ɉu, pulu hu,

Ifisiɛŋ 1:19

ɛlɛɛ, da nwɔ Hééɓolaa kɛnɛ̨i tii, ə ku mąą mɛ̨nį ɲɛ̨i kulɔ la, kuɔi ŋɛ̨i a laa na nuą, yɛ bələi lɔ ɉuwalawalaai la, da vaŋą kɛnɛ̨ pələ.

Ifisiɛŋ 3:20

Yálái tii vaŋą kaa gɛ-mɛ̨nį kɛi gu hu, yai mɛ̨inɛ̨ɛ̨ kɛi guɔ, gɛnɛ̨i dɛɛ kpɔ kɛnɛ̨, kpɔ kɛnɛ̨, yii gwa vɛli mą, da yii gu kili a hvilɛn mą gəlee ɓa;

Ifisiɛŋ 3:7

Yálá ŋą lii nɛ̨ɛ̨ gwəi laa hu, aa gɛ́ a nwɛlɛɛ lɛlɛɛ tii ŋą tímun, a mɛ̨inɛ̨ɛ̨, ŋą huwalawalalaa háálai.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 1:30

Gɔ́ tɔ̨nɔ̨i ŋɛ̨i ká gáá gɛ́ gɔ́i, ɛlɛɛ, ká kili ə ɓo ɉu, káá, gáá ni mąi, káá kpɛli ká da kɔ́.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Filipə 2:16

Káái ɓalo woo kaa ká yəi, ka kɛi túwɔ́ ti, gu Ną́mu pai lɔwai, ɲɛ̨́i a pono. Yili ɓə a nɛ yɛ, mɔ̨nɔ̨i ŋą́ mįi, da gólói ŋą́ gɛ, və́ gɛ li kpɛli.

Kolosə 2:1

Gáá bɔ́, gɔ́ kɛnɛ̨i ŋɛ̨i gáá gɔi, ká gili kɔlɔn kaa diɛ, ka mąą mɛ̨nį ɓə gáá gɔi la, ə mą kɛ, Laodise nuą da nuąi kpɔ di hvo ni ɲɛ̨́ilaai kaa li.

Kolosə 2:12

Gu lowii di mo gwa diɛni, a mąąwaa ɓo, gwa diɛni gwaa nwɔ̨nɔ̨ nwun, gbala ə tɔɔ, ká laa Yálá ŋą huwalawalalaa la, yai nwun haa nuą lɔwai.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Tɛsalonikə dɔlɔɔ 2:9

Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Tɛsalonikə veelɛ 3:8

ku hvo kɛ ku kɔnɔ̨n vɛli li nu ta ɓa, kɛlaa, ku tɔɔ a ku nwąnąi, mɔ̨nɔ̨ hu, hvįikpɛɛ laa hu, a kpinį da hvóló, kuɔ kóló kɛ, əgɛ, ku hvo pa kɛ ká ta nwuɔ̨ a tíɛ̨.

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Hebreu 12:4

'Ká hvo nii kpɛli lɛɛ li, gɔi ŋɛ̨i kɔi ká nɛ̨ŋɛ̨n ni, a liikpələ laa, ká ɲąmą hvo pu,

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

M̀ɛni-lɛɛi 2:3

Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.